ရှမ်းပြည်နယ်တောင်ပိုင်း တောင်ကြီးမြို့မှ အရှေ့ပိုင်းတိုင်း စစ်ဌာနချုပ်ကို တွေ့စဉ်။ Photo: Khun Yarzar/ RFA ရှမ်းပြည်နယ်၊ တောင်ကြီးမြို့နယ် ရေပူကျေးရွာက ဒေသခံတောင်သူ ၁၀၀ ကျော်ဟာ တပ်ပိုင်မြေမှာ ၀င်ရောက် လုပ်ကိုင်နေလို့ဆိုပြီး အရှေ့ပိုင်းတိုင်း စစ်ဌာနချုပ်က ပုဒ်မ ၄၄၇ ပိုင်နက်ကျူးလွန်မှုနဲ့ တောင်ကြီးမြို့နယ် တရားရုံးမှာ တရားစွဲဆိုထားပါတယ်။ ပြီးခဲ့တဲ့ မေလက တောင်သူတွေရဲ့မြေယာတွေကို တပ်ပိုင်မြေဖြစ်ကြောင်း ရပခ အရှေ့ပိုင်းတိုင်းစစ်ဌာနချုပ်က လက်မှတ်ထိုးခိုင်းတာဖြစ်ပြီး တောင်သူတွေ လက်မှတ်မထိုးပေးဘဲ ၀င်ရောက်စိုက်ပျိုးတဲ့အတွက် တရားစွဲ ဆိုတာဖြစ်တယ်လို့ တရားစွဲခံရတဲ့ တောင်သူတွေကို ကူညီပေးနေတဲ့ ရေပူကျေးရွာသူ မမော်မော်ဝင်း က ပြောပါတယ်။ "၁၂ ရက် ၅ လပိုင်း ၂၀၁၆ မှာ ရပခ က တိုင်းမှူးကိုယ်တိုင်ဆင်းလာပြီး အမတို့တောင်သူတွေကို တပ်ပိုင်မြေဖြစ်ကြောင်းကို လက်မှတ်ထိုးခိုင်းတယ်၊ အမတို့တောင်သူတွေကလည်း လက်မှတ် မထိုးနိုင်ဘူး လို့ပြောပြီးတော့ ပြန်လာကြတယ်၊ အရှေ့ပိုင်းတိုင်းစစ်ဌာနချုပ် ရ...