ကျမက မြန်မာနိုင်ငံ တိုးချဲ့ကာကွယ်ဆေးထိုးလုပ်ငန်းရဲ့ စီမံချက်မန်နေဂျာ ညွှန်ကြားရေးမှူး ဒေါက်တာထားထားလင်းပါ။
ကျမက မြန်မာနိုင်ငံ တိုးချဲ့ကာကွယ်ဆေးထိုးလုပ်ငန်းရဲ့ စီမံချက်မန်နေဂျာ ညွှန်ကြားရေးမှူး ဒေါက်တာထားထားလင်းပါ။ အခုဆိုရင် စိတ်မကောင်းစွာနဲ့ပဲ ကျမဟာ စစ်အာဏာရှင်များရဲ့ မတရားစွပ်စွဲမှုကို ခံရနိုင်ခြေ အရှိဆုံးသူတစ်ဦးဖြစ်နေပါပြီ။ သူတို့က အချက် (၂) ချက်နဲ့ စွပ်စွဲနိုင်ပါတယ်။ ၁။ အိန္ဒိယနိုင်ငံ၊ Serum Institute of India (SII) ကထုတ်လုပ်တဲ့ ကိုဗစ်-၁၉ ကာကွယ်ဆေး (COVISHIELD) ကို ဝယ်ယူတဲ့နေရာမှာ အကျိုးအမြတ်ရယူပြီး အလွဲသုံးစားလုပ်ခြင်း၊ ၂။ ကိုဗစ်-၁၉ ကာကွယ်ဆေးဝယ်ယူရေး ရန်ပုံငွေတွေကို အလွဲသုံးစားလုပ်ခြင်း တို့ပဲဖြစ်ပါတယ်။ ဒီကာကွယ်ဆေးဝယ်ယူခြင်း ကိစ္စတွေမှာ အသေးစိတ် ပါဝင်ခဲ့တဲ့ ယခု ကျန်းမာရေးနှင့်အားကစား ဝန်ကြီး ဒေါက်တာသက်ခိုင်ဝင်း (ယခင်အမြဲတမ်း အတွင်းဝန်) နှင့် ကျမတို့ဌာနရဲ့ ဒုတိယ ညွှန်ကြားရေးမှူးချုပ်တို့ဟာ အခုအချိန်မှာ SII နဲ့ ကာကွယ်ဆေး ဝယ်ယူခြင်းလုပ်ငန်းကို သူတို့ မသိပါဘူးဆိုပြီး ငြင်းဆိုနေပါတယ်။ နောက်ပြီး ကျမရဲ့နေအိမ်ကို ရှာဖွေဖို့ ရဲတွေကို ခွင့်ပြုခဲ့တဲ့သူကလည်း သူတို့ပဲ ဖြစ်ပါတယ်။ ပထမအချက်အနေနဲ့ SII က ကာကွယ်ဆေး ဝယ်ယူတဲ့ကိစ္စ အသေးစိတ်အခြေအနေ (up to date) အားလုံးကို သက်သေများနှင့်တကွ ကျန်းမာရေးန...