NLD ပါတီခေါင်းဆောင်များနှင့် အစိုးရအဖွဲ့ဝင်များအား တပ်က ဖမ်းဆီးထိန်းသိမ်း

 NLD ပါတီခေါင်းဆောင်များနှင့် အစိုးရအဖွဲ့ဝင်များအား တပ်က ဖမ်းဆီးထိန်းသိမ်း

ဧရာဝတီ၊ ဖေဖော်ဝါရီ ၁၊ ၂၀၂၁

တတိယအကြိမ် ပြည်သူ့လွှတ်တော် ပထမအကြိမ်ပုံမှန်အစည်းအဝေး စတင်ကျင်းပမည့် ယနေ့မနက်အစောပိုင်း တွင် အမျိုးသားဒီမိုကရေစီအဖွဲ့ချုပ်

(NLD)ခေါင်းဆောင်များနှင့် တိုင်းဒေသကြီး/ပြည်နယ်အစိုးရအဖွဲ့ဝင်များအား တပ်မတော်က ဖမ်းဆီးထိန်းသိမ်းလိုက်ကြောင်း သတင်းရရှိသည်။

NLD ဗဟိုအလုပ်အမှုဆောင် ကော်မတီဝင် ဒေါက်တာမျိုးညွှန့်က-

“ ကျနော့်ဆီသတင်းပို့တာတော့

ဦးသိန်းဦး ဖမ်းသွားပြီ၊ ဦးဟံသာမြင့် အိမ်ကိုလည်း ဝိုင်းထားပြီလို့ပြောတယ်။

CEC ကထဲ သိရသလောက်တော့ သူတို့နှစ်ယောက် ပေါ့၊

ကျနော့ဆီလည်း လာနေပြီလို့ ပြောလို့ ဒါကြောင့် ကျနော်လည်း အထုပ်အပိုးပြင်ပြီး စောင့်နေတာပါ”ဟု-

ဧရာဝတီသို့ အတည်ပြုပြောကြားသည်။

ဆက်လက်ပြီး-

“လက်နက်ရှိတဲ့သူက လက်နက်နဲ့ အာဏာသိမ်းတာပေါ့၊ အကြောင်းပြတာကတော့ နောက်မှပြလို့ ရတာပေါ့ဗျာ။

ကျနော်တို့က ဥပဒေနဲ့အညီဆိုရင် အဖမ်းခံရပြီး ဥပဒေနဲ့အညီပဲ ဆက်ပြီးပြောရမှာပေါ့”

၎င်းကပြော သည်။

ယနေ့မနက်အစောပိုင်းကလည်း သာကေတမြို့နယ်ရှိ ရန်ကုန်တိုင်းအစိုးရအဖွဲ့ဝင် ဦးနိုင်ငံလင်းနှင့် လွှတ်တော် ကိုယ်စားလှယ် ဦးပြုံချိုတို့အား နေအိမ်တွင်ပင် တပ်မတော်က လာရောက်ခေါ်ဆောင်သွားကြောင်းလည်း မိသား စုဝင်များက ဧရာဝတီသို့ပြောသည်။

ဖမ်းဆီးမှုတွင် NLD နှင့် အစိုးရခေါင်းဆောင်များသာမက ၈၈ မျိုးဆက်နိုင်ငံရေးအင်အားစုများနှင့် ကျောင်းသား အင်အားစုများကိုပါ ဖမ်းဆီးထိန်းသိမ်းနေခြင်းဖြစ်ကြောင်း ကာယကံရှင်များက လူမှုကွန်ယက်ကတဆင့် အသိပေး ပြောကြားထားကြသည်။

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နှင့် သမ္မတဦးဝင်းမြင့်တို့လည်း ဖမ်းဆီးခံရကြောင်း သိရသည်။

The Irrawaddy Burmese Edition.

via-MyatLin Maung.

#KKL .

၁၁

ကြိုက်

မှတ်ချက်ပေးရန်

မျှဝေမယ်

မှတ်ချက်များ

မှတ်ချက်တစ်ခု ရေးရန် ...