မကြင်နာသူတွေကို ထားခဲ့ပါ

===================== (OPINION)

ကျွန်တော်တို့ဘဝတွင် အရေးမပါ၍ ထားခဲ့ရမည့်အရာ၊ အရေးပါသော်ငြားလည်းထားခဲ့ရသည့်အရာများစွာရှိပါလိမ့်မယ်။ ဥပမာ ပထမဦးဆုံးချစ်ခဲ့ရတဲ့ကိုယ့်ရဲ့အချစ်ဦး၊ သဘောထားချင်းမတိုက်ဆိုင်၍ လမ်းခွဲလိုက်ရတဲ့သူငယ်ချင်းမိတ်ဆွေ၊ တော်လှန်ရေးတုန်းကအသက်တမျှ ချစ်ရပါတယ်ဆိုတဲ့ နိုင်ငံရေးလုပ်ဖော်ကိုင်ဖက်တွေ စသဖြင့်ပေါ့။ဒါပေမယ့် ဘယ်သူကဘယ်သူ့ကို မက်မက်စက်စက်ပိုချစ်သလဲဆိုတဲ့အရာက တစ်ခါတစ်လေ လောကကြီးကို အဆုံးအဖြတ်ပေးပါတယ်။ အဖြေကတော့ ရှင်းပါတယ်။ကိုယ့်ကို မချစ်နိုင်တဲ့လူကိုမေ့လိုက်ပါ။ကိုယ့်ကို အကြင်နာမပေးနိုင်တဲ့သူကိုထားလိုက်ပါ။လူမျိုးကိုတန်ဖိုးထားပါ။နိုင်ငံကို ချစ်မြတ်နိုးပါ။ ဒီထက့်ပိုပြောရရင် အာဏာနိုင်ငံရေးမှာ လုပ်ပိုင်ခွင့်နဲ့ နိုင်ငံပိုင် ပစ္စည်းတွေခိုးစား၊ရောင်းစား၊ အလွဲသုံးစားလုပ်ခဲ့တဲ့ လူတစ်စုကို လူထုအတွက် ထားခဲ့လိုက်ပါ။သူတို့ကိုအရေးမယူတော့ဘူးလား။ သူတို့အတွက်နစ်နာတဲ့ လူထုအတွက် ဘယ်လိုလုပ်မလဲဆိုတဲ့အမေးတွေရှိပါလိမ့်မယ်။နိုင်ငံကောင်းဖို့ဆိုရင် ရှေ့ဆက်သွားဖို့သာရှိပါလိမ့်မယ်။ ကမ္ဘောဒီးယားမှာ BROTHER (1)လို့ ထင်ရှားခဲ့တဲ့ ပိုပေါ့ကပြောဖူးပါတယ်။"တိုင်းပြည်အတွက် ငါတို့အကောင်းဆုံးလုပ်ခဲ့တာပဲ"လို့ဆိုပါတယ်။ဒီလိုပါပဲ။ နိုကီယာ CEOကလည်းပြောဖူးပါတယ်။ "ငါတို့ဘာအမှားမှ မလုပ်ခဲ့ဘူး"တဲ့။လောကကြီးမှာ ကျရှုံးပုံကျရှုံးနည်းအမျိုးမျိုးရှိပါတယ်။ စစ်အင်အားကြီးလို့ တစ်ဖက်ကိုကျရှုံးတယ်။နည်းပညာစွမ်းအားကြီးမားလို့ တစ်ဖက်ကို ကျရှုံးတယ်။ တီထွင်နိုင်မှု ဆန်းသစ်လို့ တစ်ဖက်ကိုကျရှုံးတယ်။ ဒီထဲကမှ တိုင်းပြည်ကရသမျှယူ တိုင်းပြည်ကလူထုဖြစ်ချင်တာဖြစ် လှည့်မကြည့်တဲ့ တိုင်းပြည်ကျရှုံးမှုဟာ တိုင်းပြည်ကိုမချစ်တာတင်မကဘဲ တိုင်းပြည်ကလူတွေကိုပါမချစ်တာဖြစ်ပါတယ်။တိုင်းပြည်ကို ချစ်တယ်။လူမျိုးကိုချစ်တယ်ဆိုပြီး ပါးစပ်ကဖန်တရာတေပြောနေပေမယ့် အာဏာနိုင်ငံရေးမှာ တိုင်းပြည်ရှေ့ဆက်မရအောင် ကန့်လန့်လိုက်တိုက်နေရင် နိုင်ငံနဲ့လူမျိုးပဲ အဆုံးသတ်နစ်နာမှာဖြစ်မှာပါတယ်။ အယူဝါဒမတူလို့ မူဝါဒမတူလို့ လက်မတွဲနိုင်ဘူးဆိုရင်တောင် တူတာတွေကိုတွဲလုပ် ၊မတူတာတွေကိုခွဲလုပ်ဆိုတဲ့ လုပ်၂လုပ်နဲ့ တိုင်းပြည်အတွက် ရှေ့ဆက်သွားနိုင်ရမှာဖြစ်ပါတယ်။လတ်တလော မြန်မာနိုင်ငံကို သမင်လည်ပြန့်လှည့်ကြည့်လိုက်ရင် အရှိန်ပြင်းပြင်းနဲ့ခုတ်မောင်းနေတဲ့ မီးရထားတွဲတစ်တွဲကို မြင်ရမှာဖြစ်ပါတယ်။ ရထားပေါ်မှာ အုပ်ချုပ်သူပါမယ်။ အုပ်ချုပ်သူကိုအတည်ပြုပေးလိုက်တဲ့ သန်းပေါင်းများစွာသောပြည်သူတွေပါပါမယ်။ သူတို့ချစ်တဲ့ အစိုးရနဲ့ သူတို့မြတ်နိုးတဲ့ နိုင်ငံတော်သစ်ကို သွားနေကြတာဖြစ်ပါတယ်။ဒီလိုအချိန်မှာ ဘေးထိုင်ဘုပြော၊ အဖျက်သမားလုပ်ရပ်တွေကို အကြိမ်ကြိမ်အခါခါပြု ၊မသမာတဲ့အကြံအစည်တွေနဲ့ လူဆိုးတွေနဲ့မောင်တိုင်ပင်ဆိုတာ ဘယ်လိုမှ မပြုအပ်၊မကြံစည်အပ်တဲ့ အခြေအနေဖြစ်ပါတယ်။မကောင်းတာကိုလုပ်လည်းကိုယ်ပဲသိမယ်။ကောင်းတာကိုလုပ်လည်းကိုယ်ပဲသိမယ်။လူဆိုတဲ့ သတ္တဝါဟာ အစဉ်အမြဲပြောင်းလဲနေတာမို့လို့ မကောင်းတာတွေဘယ်လောက်ပဲလုပ်လုပ်အချိန်တန်ရင်မိုက်ပြစ်နဲ့ဇာတ်သိမ်းတတ်သလို အကျွတ်တရားရလို့သူတော်စင်လည်းဖြစ်သွားနိုင်ပါတယ်။သို့သော် ဒီလိုလူတွေအတွက် ကိုယ့်ဘဝရဲ့အချိန်တွေကိုမပေးလိုက်ပါနဲ့။တစ်နည်းအားဖြင့်အဖက်လုပ်ပြီး စကားပြန်ပြောမနေပါနဲ့။ အုပ်ချုပ်သူကိုစော်ကားမယ်။ အုပ်ချုပ်သူကိုအတည်ပြုပေးလိုက်တဲ့ပြည်သူတွေကိုစော်ကားမယ်။ မသန်စွမ်းတွေကိုစော်ကားမယ်။ ဆရာ၊ဆရာမတွေကိုစော်ကားမယ်။သတင်းမီဒီယာကိုရန်လိုမယ်။ဒီလို နိုင်ငံအဝှမ်းမှာရှိနေတဲ့ အဖွဲ့အစည်းနဲ့ လူပုဂ္ဂိုလ်တွေကို ငါတို့ပြောလို့ရတယ်။ငါတို့ပြောချင်သလိုပြောမယ်ဆိုတဲ့ လူတစ်စုကို လူထုအတွက်ထားခဲ့လိုက်ပါ။သူတို့မှာ အော်ဟစ်ရုံသာ တတ်နိုင်ပြီး SMART POLITICAဆိုတာဘာမှန်းလည်းမသိ။သိပုံလည်းပေါ်မယ်မထင်ပါဘူး။ လိုချင်တဲ့ အာဏာနိုင်ငံရေးကို မရလို့ မည်းမည်းမြင်ရာ လူတွေကို ရန်လိုနေတဲ့အနေအထားသက်သက်တစ်ခုသာရှိပါတယ်။ဒါကြောင့် ကိုယ့်ဘဝထဲမှာ သူကလည်းကိုယ့်ကိုမုန်းမယ်။ကိုယ်ကလည်းသူရှိနေရင် ဘယ်လိုမှရှေ့ဆက်မရဘူး။ညှိနှိုင်းမရဘူးဆိုရင် ကိုယ့်ဘဝအတွက်ရော၊ တိုင်းပြည်အတွက်ရော မကြင်နာသူတွေကိုထားခဲ့လိုက်ပါ။မေ့ပစ်လိုက်ပါ။ဝဲပစ်လိုက်ပါလို့ အခါခါအထပ်ထပ်ပြောကြားလိုက်ရပါတော့တယ်။. ။

(မိုးယံ)

#crd Myanmar Harp

17U Than Naing Oo and 16 others

5 Shares

Like

Comment

Share

Comments

Write a comment...

Thu Ra