COVID-19 ရောဂါပြန်ကောင်းလာသူများ၏ သွေးရည်ကြည်ဖြင့် ကုသသော လူနာများ အသက်ရှင်နိုင်ခြေပိုများ

COVID-19 ရောဂါပြန်ကောင်းလာသူများ၏ သွေးရည်ကြည်ဖြင့် ကုသသော လူနာများ အသက်ရှင်နိုင်ခြေပိုများ

Saturday, May 30, 2020 - 00:22

COVID-19 ရောဂါကူးစက်ပြီး ပြန်ကောင်းလာသူများထံမှ ပဋိပစ္စည်းများပါဝင်သည့် သွေးရည်ကြည် ဖြင့် ကုသသောလူနာများသည် ယင်းသွေးရည်ကြည်ဖြင့် မကုသသောလူနာများထက် အသက်ရှင်နိုင်ခြေနှစ်ဆ ပိုများကြောင်း လေ့လာမှုအသစ်တစ်ရပ်က ဖော်ပြသည်။

COVID-19 ရောဂါဖြင့် ဆေးရုံတက်ရသူများကို ၎င်းတို့ခန္ဓာကိုယ်တွင် ဗိုင်းရပ်စ်ကို တွန်းလှန်နိုင်သည့် ပဋိပစ္စည်းများ ထွက်ပေါ်လာစေရေး သွေးရည်ကြည်ကို ထိုးသွင်းပေးသောနည်းဖြင့် ကုသသည်။

နယူးယောက်စီးတီးမြို့ မောင့်ဆီနိုင်းဆေးရုံမှ သုတေသီများ၏ အထက်ပါလေ့လာမှုအတွင်း သွေးရည် ကြည်ဖြင့် ကုသမှုခံယူသည့်လူနာများသည် အောက်ဆီဂျင်အကူအညီမလိုဘဲ သေဆုံးနိုင်ခြေနည်းကာ ရောဂါ သက်သာပျောက်ကင်းနိုင်ခြေပိုများကြောင်း တွေ့ရှိခဲ့သည်။

ကျန်းမာရေးကျွမ်းကျင်သူများက COVID-19 ရောဂါကို သွေးရည်ကြည်ဖြင့် အောင်မြင်စွာကုသနိုင်ခြေရှိ သည်ဟု ပြောထားသော်လည်း လှူဒါန်းသူနည်းပါးခြင်းနှင့်ဆရာဝန်များက မည်သည့်လူနာကို ဦးစားပေးကုသ ရမည်ဆိုသည်ကို ဆုံးဖြတ်ရမည်ဖြစ်သည်။

ရောဂါပြန်ကောင်းသူများထံမှ ထုတ်ယူထားသောသွေးရည်ကြည်များဖြင့် COVID-19 ရောဂါဒဏ်အ သည်းအသန်ခံစားနေရသူများကို စမ်းသပ်ကုသမှုများပြုလုပ်နေသည်။

သွေးရည်ကြည်ဖြင့် ကုသမှုခံယူရသူများသည် ရောဂါပြင်းထန်သောအဆင့်သို့ ရောက်ရှိသူပိုနည်းပါး၊ သေဆုံးမှုလည်းပိုနည်းပါးကြောင်း အမေရိကန်သုတေသီများကပြောသည်။ သွေးရည်ကြည်ဖြင့် ကုသခြင်းကို အမေရိကန်ဆေးဝါးနှင့် အစားအစာကွပ်ကဲရေးဌာနက ပြီးခဲ့သည့်လက ခွင့်ပြုခဲ့သည်။

တရုတ်နိုင်ငံမှ လေ့လာမှုကလည်း သွေးရည်ကြည်ဖြင့် ကုသပါက ရောဂါပြင်းထန်မှုလျော့နည်းကာ နေ မကောင်းဖြစ်ချိန်ပိုတိုတောင်းစေကြောင်း ဖော်ပြထားသည်။

_ref:Daily Mail