“တပ်မတော် ရဲ့ ဝှက်ဖဲ တစ်ချပ်”

 · 

Thant Zin Htet

မနေ့က ညနေ ၁၄:၂၃ တွင်

“တပ်မတော် ရဲ့ ဝှက်ဖဲ တစ်ချပ်”
------------------------------------

ဘာကြောင့်များ တပ်မတော်သား လွှတ်တော် ကိုယ်စားလှယ်တွေ က ခြေ/ဥ ကို ပြင်ဖို့ အသည်းအသန် ကန့်ကွက်နေရတာလဲ။

နိုင်ငံရေးအာဏာလိုချင်လို့လား။

No ပါ။ မဟုတ်ပါဘူး ။

ဒါဆို ဒေါ်အောင်ဆန်းစုကြည် ကို သမ္မတ မဖြစ်အောင်လို့လား။ ဒါလည်းမဟုတ်ပါဘူး။

ဘယ်သူ သမ္မတလုပ်လုပ် သူတို့က နိုင်ငံ့ရဲ့ အကာတွေကော၊ အနှစ်တွေကောပါ အိတ်ထဲထည့်ပြီးပြီဖြစ်လို့ စိတ်မ၀င်စားတော့ပါ။

အထူးသဖြင့် ခေတ်အဆက်ဆက် ထုတ်ချင်တိုင်းထုတ် ၊ ခိုးချင်တိုင်းခိုး နောက်ဆုံး အခွံ နဲ့ ပြဿနာတွေ ပဲ ကျန်တော့တဲ့ နိုင်ငံကို သူတို့ ခေါင်းဆက်ခံပြီး တာ၀န်ယူဖို့ လုံး၀မဖြစ်နိုင်ပါဘူး။

ဒါဆို ဘာကြောင့် ခြေ/ဥ ကို အပြင်းအထန် ကန့်ကွက်တာလဲ။
အားလုံးစိတ်၀င်စားမယ်လို့ ထင်ပါတယ်။

ဒီလိုပါ ။ ဖွဲ့စည်းပုံကို အသက်နဲ့ လဲပြီး ကာကွယ်ရတဲ့ အကြောင်းအရင်းက တစ်ချက်တည်း ရှိပါတယ်။

အဲ့ဒါဟာ ၂၀၀၈ဖွဲ့စည်းပုံအခြေခံဥပဒေ အခန်း (၁၄) က ပုဒ်မ ၄၄၅ ကြောင့်ပဲဖြစ်ပါတယ်။

အခန်း ၁၄ ပုဒ်မ ၄၄၅ မှာ ပါရှိတဲ့ အချက်တွေဟာ ဘာတွေ လဲဆိုတာ အတိအကျ ရေးသားပြပါ့မယ်။

၂၀၀၈ ဖွဲ့စည်းပုံအခြေခံဥပဒေ အခန်း(၁၄) ကူးပြောင်းရေးကာလပြဌာန်းချက်များ ပုဒ်မ ၄၄၅ မှာ “ပြည်ထောင်စုသမ္မတမြန်မာနိုင်ငံတော်သည် နိုင်ငံတော်ငြိမ်၀ပ်ပိပြားမှု တည်ဆောက်ရေးအဖွဲ့နှင့် နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ တို့၏ မူဝါဒ လမ်းညွှန်မှုများ ၊ဥပဒေများ ၊နည်းဥပဒေများ ၊ စည်းမျဉ်းများ၊ အမိန့်ပြန်တမ်းများ ၊ကြေငြာချက်များကို လည်းကောင်း ၊နိုင်ငံတော်ငြိမ်၀ပ်ပိပြား မှုတည်ဆောက်ရေး အဖွဲ့နှင့် နိုင်ငံတော်အေးချမ်း သာယာရေးနှင့် ဖွံ့ဖြိုးရေးကောင်စီတို့၏ ဆောင်ရွက်ချက်များ ၊တာ၀န်များနှင့် ရပိုင်ခွင့်များကိုလည်းကောင်းဆက်ခံသည် ။ ယင်းအဖွဲ့ (သို့မဟုတ်) အဖွဲ့၀င်တစ်ဦးဦး ၊သို့မဟုတ်အစိုးရအဖွဲ့၀င် တစ်ဦးဦး ၏တာ၀န် အရဆောင်ရွက်ချက်များ အပေါ်အကြောင်းပြုလျက် ယင်းတို့အားတရားစွဲဆိုခြင်း ၊ အရေးယူခြင်းမရှိစေရ “

ကဲ ရှင်းပါပြီနော်။

တပ်မတော်က ဘာကြောင့် ဖွဲ့စည်းပုံကို မပြင်ချင်တာလဲ။ ဘာကြောင့် အသက်ပေးပြီးကာကွယ်ရတာလဲ။

၂၀၀၈ဖွဲ့စည်းပုံအခြေခံဥပဒေ အခန်း (၁၄) က ပုဒ်မ ၄၄၅ မှာ ပါတဲ့ ဖော်ပြချက်အရ စစ်အစိုးရလက်ထက် ၁၉၈၈ စက်တင်ဘာလ (၁၈) ကနေ ၂၀၁၁ မတ်လ သမ္မတဦးသိန်းစိန် ဆီ အာဏာမလွှဲခင် အချိန်အထိ ၂၃ နှစ်တာကာလမှာ တာ၀န်အရဆောင်၇ွက်ခဲ့တဲ့ကိစ္စတွေ ကိုတရားစွဲဆိုခြင်းမပြုရ လို့ အတိအလင်းဖော်ပြထားတာပါပဲ။

မြန်မာပြည်မှာ အရေးအခင်းတွေကအစ လူ့အခွင့်အရေးချိုးဖောက်မှုတွေအဆုံး ပြည်သူတွေကို သတ်ချင်တိုင်းသတ် ၊ ပစ်ချင်တိုင်းပစ်ခဲ့တာတွေ ၊ဒေါ်အောင်ဆန်းစုကြည် အပါအ၀င် နိုင်ငံရေးသမားတွေကို လူမဆန်စွာ နှိပ်စက်ခဲ့တဲ့ ပြစ်မှုတွေ ၊ သူတို့လုပ်ချင်တိုင်း လုပ်ခဲ့တဲ့ ဖြစ်ရပ်တွေအတွက် တရားပြန်မစွဲ ရဆိုတဲ့ ဥပဒေကို ပြင်မှာစိုးလို့ပါပဲ။

တကယ်လို့များ အဲ့ဒီဥပဒေကို ပယ်ဖျက်ခဲ့ရင် .........

------------
#မင်းရသ