ခါတော်မီ ဆန္ဒပြစားနေသူများသို့..

· 

Thant Zin Htet

ဇန်နဝါရီ ၂၉ ရက် ညနေ ၁၈:၂၉

မင်းတို့ကောင်တွေ ဒီတစ်သက် လူတောတိုးပါဦးမလား
၈၈ က အမကြီးလည်း ပြောပြီ ....

ခါတော်မီ ဆန္ဒပြစားနေသူများသို့...
.....................................
၈၈ကို မင်းတို့မီရဲ့လား။
ငါက ၈၈ က ကျောင်းသူဟောင်းတစ်ယောက်ပဲ။

ရွှေဝါရောင်ကိုရော မင်းတို့မီရဲ့လား။
ရွှေဝါရောင်တုန်းကလည်း ငါတို့ဆန္ဒပြခဲ့တယ်။

အေး ဒါပေမဲ့
ခု မင်းတို့လုပ်ရပ်ကို အပြင်းအထန် ရှုတ်ချတယ်။

ဘာလို့လည်းသိလား...
ငါတို့က အာဏာရှင်စံနစ်ဖြုတ်ချသူ။
မင်းတို့က အာဏာရှင်စံနစ် သက်ဆိုးရှည်စေရေး လုပ်ဆောင်နေသူ ။ အာဏာရှင် လက်ကိုင်ဒုတ်။

ငါတို့တွေတုန်းက အခု မင်းတို့လိုလုပ်ရင် ရက်ရက်စက်စက် အသတ်ခံရပီးသားပဲ ။

အခု မင်းတို့ကိုဖိတ်ခေါ်သလို စားပွဲပေါ်မှာဆွေးနွေးဖို့ ဖိတ်ခေါ်မယ်ထင်သလား ။ဝေးသေး။
ဆန္ဒပြတာနဲ့ ဂျေးအောင်းပဲ။

အေး မင်းတို့တွေကို လူလို သူလို မျက်နှာသာ ပေးတာကို ရွှေရေးပန်းကန်တက်မလုပ်နဲ့ ငါ ၈၈တုန်းက မင်းတို့ထက် အဆများစွာ ဆန္ဒပြလာခဲ့သူ။

စစ်ဖိနပ်အောက်က အမေစုကယ်တင်ထားလို့ ငါတို့လွတ်မြောက်နေခဲ့တာ။

ငါတို့မြန်မာလူမျိူးမှာ ဂါရဝတရားဆိုတာ ရှိရတယ်။
သိပ်မမိုက်ရိုင်းကြနဲ့။
ဘေးတွေ့မှာစိုးလို့ပြောတာ။

စုတ်ပြတ်သတ်နေတဲ့ တိုင်းပြည်ကို အပင်ပမ်းခံ ကြိူစားလုပ်ဆောင်နေတဲ့ အမေအိုကို ဝိုင်းကူမယ်မကြံဘူး။

လူယုတ်မာတွေ သွေးထိုး မြောက်ပေးတိုင်း သွေးကြွနေကြတယ်။

ငါတို့တုန်းက ပြည်သူတစ်ရပ်လုံးက ထောက်ခံအားပေးတဲ့ အာဏာရှင်စံနစ်ဖြုတ်ချရေး။

အခု မင်းတို့လုပ်ဆောင်နေတာက အာဏာရှင်အလိုကျ တိုင်းပြည် ဂျောက်ထဲကျရေး။

ရည်ရွယ်ချက်ခြင်းတခြားစီ စေတနာခြင်းတခြားစီ စိတ်ဓါတ် ခံယူချက်ခြင်းတခြားစီ။

ပြည်သူထောက်ခံမှုမရှိတဲ့ ဘယ်အဖွဲ့အစည်းမဆို တတ်နိုင်ရင် လက်နက်အပြည့်အစုံ တပ်ဆင်ထားလည်း မြောင်းထဲရောက်မယ်ဆိုတာ မြဲမြဲမှတ်ထား။

အခု အစိုးရက လူစိတ်ရှိတဲ့ပြည်သူတွေ တိုင်းပြည်အခေါ် စေတနာအပြည့်ရှိတဲ့ ပြည်သူတွေက လိုလားနှစ်သက်စွာ
မဲပေးပြီးတင်မြောက်ထားတဲ့အစိုးရ။

နိုင်ငံရေးအစဉ်အလာ ကြီးမားသူတွေနဲ့ ဖွဲ့စည်းထားတဲ့ တိုင်းပြည်အပေါ် စေတနာအစစ်အမှန်နဲ့ အလုပ်လုပ်နေကြသူတွေ အများစုနဲ့ ဖွဲ့စည်းထားတဲ့အစိုးရ။ (ရောင်တော်ပြန်နဲ့ ရောလွှတ်ပြီးရောယောင်ပါလာတဲ့ ဆွမ်းဆန်ထဲက ကြွက်ချေးတွေမပါ)

အဲဒီအစိုးရရဲ့ လုပ်ဆောင်ချက်တိုင်းက ပြည်သူ့ဆန္ဒပဲ။
ပြည်သူအများရဲ့ ဆန္ဒမပါဘဲ ဒီအစိုးရ ဘာမှမလုပ်ဘူး။
ဒီအစိုးရကို ဆန့်ကျင်တာဟာ ပြည်သူတွေကို ဆန့်ကျင်တာပဲ။

အေး အဖျက်သမားတွေကိုလည်း ငါတို့ပြည်သူတွေကပဲ ဝိုင်းဝန်းဆုံးမကြတယ် ဆိုတာလေးပါ သိထားကြ။

ခြေဥပြင်ခါနီးမှ အချိန်မီ ထသောင်းကျန်းနေတဲ့ ခါတော်မီ ဆန္ဒပြသမား‌ေတွ ရှိတယ်ဆိုတာ ရည်ရွယ်ချက်ရှိရှိ တိုင်းပြည် ကမောက်ကမ ဖြစ်အောင် အဖျက်အမှောင့် လုပ်မှန်း ထမင်းစားကြီးသူတိုင်းသိတယ်။

ပြည်သူတွေ ထောက်ခံမှုမရ ဝိုင်းဆဲတာခံရပြီး ပြည်သူ့ချဉ်ဖတ်ဘွဲ့ကို ရရှိသွားတယ်။

မင်းတို့လိုလားချက်ကို ဆွေးနွေးဖို့ လူလို သူလို ခေါ်တယ်။ ဒါကို မိမဆုံးမ ဖမဆုံးမ ပုံစံနဲ့ မိုက်ရိုင်းဆဲဆိုနေကြတယ်။

စေတနာမမှန်ရင် မင်းတို့ဘဝနိဂုံးချုပ် မလှဘူးဖြစ်မယ််။

San San Wai
(29.1.2020)