ဆုတ်လည်း စူး၊ စားလည်း ရူး

ဆုတ်လည်း စူး၊ စားလည်း ရူး
✴✴✴✴✴✴✴✴✴✴✴

Zero-Sum အယူအဆကို သုံးတယ်။
ရှုံးရင် ပြည်သူကို မဲတာ နောက်ဆုံးအကြိမ်
ဖြစ်လိမ့်မယ်လို့ ထင်တယ်...။
ဘယ်အာဏာရှင်မှ ရာသက်ပန်အာဏာကို
မယူနိုင်ကြဘူး...။

The fish rots form the head down.

"ငါးတွေက စပုပ်ရင် ခေါင်းပိုင်းက"ဆိုတာကို
စစ်အုပ်စုက နိုင်ငံရေးနှင့် မဟာဗျူဟာအကြံ
ပေးတွေ နားလည်မယ်လို့ မျှော်လင့်ထားတယ်...

ရခိုင်အရေးအခင်းနောက်ကွယ်မှာ ဖန်တီးထားတဲ့
နိုင်ငံရေးထောင်ချောက်တွေ ကောင်းကောင်း
အလုပ်မလုပ်တဲ့့အပြင်၊
မြှားဦး ပြန်လှည့်နေပြီဆိုတာ...။

မဖြစ်မနေမို့ ဖွင့်ပေးလိုက်ရတဲ့
ဆက်သွယ်ရေးကွန်ယက်ကြောင့်
ရွှေပြည်တံခွန်က ဦးလွင်နိုင်ဦးကို
အမှုန့်ကြိတ်ချင်လောက်အောင်
ဒေါသထွက်နေမယ်ထင်တယ်...

၂၀၁၂ခုနှစ်မှာ ဆင်းကဒ်တစ်ကဒ်ကို
၅၀၀၀ကျပ်နဲ့ လုပ်ပေးနိုင်ပါတယ်လို့
ကြေညာလိုက်တဲ့အတွက်ကြောင့် -
၅သိန်းတန်တဲ့ Sim Card
၂သိန်း၅သောင်း၊ ၂သိန်းထိ ထိုးကျပြီး
တခြားဆက်သွယ်ရေအော်ပရေတာက
၁၅၀၀ကျပ်တန်ထိ ရောင်းချရတဲ့အထိ
ဖြစ်ခဲ့တယ်....။

နောက်ပိုင်းမှာ
ဆက်သွယ်ရေးဝန်ကြီးသိန်းထွန်းရဲ့ ခြစားမှုတောင်
ပေါ်ပေါက်ခဲ့သေးတယ်..
အဓိက ဆက်သွယ်ရေးကွန်ယက်ပွင့်လာပြီး
နောက်ပိုင်းမှာ အထိနာဆုံးက
စစ်တပ်ရဲ့ စိတ်ဓာတ်စစ်ဆင်ရေးနဲ့
ပြည်သူ့ဆက်ဆံရေးဌာန....

တစ်သက်လုံး ဘာသာရေး၊ လူမျိုးရေးနဲ့
ဝါဒစစ်ဆင်ရေးမှိုင်းတိုက်လာမှုတွေ
ဘွားဘွားကြီးပေါ်လာတာပဲ...။

စစ်တပ်ကျောထောက်နောက်ခံ
ကြံ့ခိုင်ရေးပါတီ ခေါင်းဆောင်တွေ
ဗလွတ်ရွှတ်တ ွတွေ၊ ပေါက်ပန်းလေးဆယ်တွေ ပြောလာရတဲ့အထိပဲ...။

ဗီယက်နမ်ဆက်သွယ်ရေးကုမ္ပဏီနဲ့ ပေါင်းပြီး
စတုတ္ထမြောက် ဆက်သွယ်ရေးအော်ပရေတာ
My telကို ထူထောင်ခဲ့တဲ့
တပ်ချုပ်ကြီးအနေနဲ့လည်း ICCမဟုတ်တောင်
အနည်းဆုံး လားပင်စင်ပေးခံရလိမ့်မယ်...။

"စစ်တပ်ကို မထိနဲ့၊ မီးပွင့်သွားမယ်"

"အာဏာသိမ်းလိုက်ရမလား"....

"တပ်မတော်သာအမိ၊ တပ်မတော်သာ အဖ"...။
- စတဲ့
ခေတ်နောက်ပြန်ဆွဲနေတဲ့
ငဆနူ အောက်လုံးတွေကြောင့်
သိက္ခာ ကျပြီးရင်းကျပဲ..။
​
နောက်ဆုံး ဦးဇော်ဌေး (မှူးဇော်)တို့လို၊
ဦးကိုကိုလှိုင်တို့လို့ ပုဂ္ဂိုလ်တွေပါ အမှန်တစ်ဝက်၊ အမှားတစ်ဝက် propagandists လုပ်လာတယ်...။

ရခိုင်မြောက်ပိုင်းအရေးကို အကဲဆတ်နေတဲ့
ဘာသာရေး၊ လူမျိုးရေးမှိုင်းပေါ် အခြေခံပြီး
ပဋိပက္ခပြင်းထန်လာရင် …
၂၀၀၈ဖွဲ့စည်းပုံအခြေခံဥပဒေအရ
အာဏာသိမ်းလို့ရအောင် ဖန်တီးထားတယ်ဆိုတာ
လယ်ပြင်မှာ ဆင်သွားသလို ထင်ရှားနေတယ်...။

တရုတ်တို့ရဲ့ authority နဲ့ လှုပ်ရှားနေတဲ့
ရခိုင်ကစားကွက်ဟာ …
စစ်ရေခြုံအစိုးရလက်ထက်မှာတော့
လိုသလို ထိန်းချုပ်လို့ရပေမယ့်
အရပ်သားအစိုးရလက်ထက်မှာတော့
ကိုယ့်တပ် ကိုယ်ပြန်နင်းကိန်း ဆိုက်နေပြီးဆိုတာ
စစ်အုပ်စုတွေ
အခုမှ သဘောပေါက်တယ်ထင်တယ်...။

အမှန်တော့ ဒီအရေးဟာ …
မြန်မာနိုင်ငံကို တရုတ်တို့ရဲ့
တောင်ဘက်မျှော်မူဝါဒ ( Look South Policy)၊ အမျိုးသားစွမ်းအင်လုံခြုံရေးမူဝါဒ
(National Energy Strategy)အရ
အိန္ဒိယသမုဒ္ဒရာနဲ့ ပစိဖိတ်သမုဒ္ဒရာနှစ်စင်း
စီးနင်းနိုင်ရေးမှာ …
မြန်မာကို တံတားတစ်စင်းအနေနဲ့ ရှု့မြင်ပြီး
ချနင်းတဲ့အတွက် ဖြစ်ပေါ်လာတဲ့ အကျိုးဆက်ပဲ...။

တရုတ်တွေရဲ့ middle kingdom အယူအဆ၊
အိမ်နီချင်းမပီသမှု၊
အပြန်အလှန် လေးစားမှု(Mutual respect) မရှိတဲ့အတွက်ကြောင့် …
အမေရိကန်နဲ့ အနောက်အုပ်စုထက်စာရင်
ကြိုတင်လက်ဦးမှုရထားပေမယ့်
အိမ်နီးချင်းနိုင်ငံငယ်တွေအပေါ်
နိုင်ထက်စီးနင်းဆက်ဆံမှုက
ဘယ်လောက်ပဲ စီးပွားရေးအင်ပါယာကြီးပါစေအုံး၊ ကျူရိုးနဲ့ ဆောက်ထားတဲ့ အိမ်လိုပဲ
ပြိုကျဖို့ လွယ်တယ်ဆိုတာ...
၂၀၀၇ခုနှစ်ကတည်းက - စစ်တပ်ကို
ကုလလုံခြုံရေးကောင်စီ(UNSC)မှာ
အရေးယူဖို့ ဆွေးနွေးချိန်မှာ
တရုတ်က ဗီတိုအာဏာသုံးပြီး ပယ်ချပေးခဲ့တယ်...

၁၉၉၀ကတည်းက -
စစ်အုပ်စုနဲ့တရုတ်တို့
ရင်းနှီး တဲ့ဆက်ဆံရေးရှိခဲ့ပေမယ့်၊
အထက်အောက်ပုံစံ မရှိခဲ့ဘူး...။

နောက်ပိုင်းအကျိုးလိုလို့ ညောင်ရေလောင်းပြီး
နောက်ပိုင်းမှာ ဗီတိုအာဏာနဲ့
တစ်ခါကန့်ကွက်ပေးတိုင်း
သယံဇာတနဲ့ စီမံကိန်းတစ်ခု ပေးလိုက်ရရာကစပြီး
နောက်ပိုင်း -
လက်အောက်ခံ ဆက်ဆံရေးမျိုး
ဆောင်သွားတယ်...။

တရုတ်ကလည်း
မြန်မာအပေါ် ရှု့မြင်သုံးသပ်တာ
မဟာဗျူဟာမှာ … ပြည်တွင်းစစ်ကို
လိုသလို အသုံးချဖို့
စစ်တပ်နဲ့တိုင်းရင်းသားလက်နက်ကိုင်တွေကို
"တုတ်တစ်ချက်၊ မုန့်တစ်ဖဲ့"မူကို အသုံးပြုခဲ့တယ်...။

တရုတ်အနေနဲ့ …
တစ်နှစ်တစ်နှစ်မှာ မြင့်မားလာတဲ့
အမျိုးသားစွမ်းအင်ကဏ္ဍအတွက်
ရေနံကို အရှေ့အလယ်ပိုင်းနဲ့ အာဖရိကဆီက
၈၅%ထိ ရယူနေရတယ်...။
ဆော်ဒီအာရေဗျ ရေနံထုတ်လုပ်မှု၏၄၅%၊
အင်ဂိုလာကနေ တစ်ရက်လျှင်
ရေနံစည် ၄၆၅,၀၀၀ တင်သွင်းနေရတဲ့
အနေအထားဖြစ်သည်...။
၂၀၁၅ခုနှစ်တွင် ဆော်ဒီ ရေနံစည်ပေါင်း
၇.၁သန်းကျော် ရေလမ်းကြောင်းမှ
တင်သွင်းနေရသည့်အနေအထားကို ကြည့်လျှင်
စွမ်းအင်ကဏ္ဍတွင် တရုတ်တို့အနေဖြင့်
အသေရရ၊ အရှင်ရရ လိုအပ်နေသည်ကို
ကောက်ချက်ချနိုင်သည်...။

၂၀၁၇ ခုနှစ် မတ်လ၁၇ရက်နေ့မှာ
ဆော်ဒီနဲ့ တရုတ်တို့ -
အမေရိကန်ဒေါ်လာ၆၅ဘီလီယံဖိုး
ရေနံနဲ့ ပတ်သတ်ပြီး
စီးပွားရေး သဘောတူစာချုပ် ချုပ်တယ်...
တရုတ်က ကျေးဇူးဆပ်တဲ့အနေနဲ့
ဆော်ဒီရဲ့အဓိကရေနံထုတ်နေတဲ့
Aramcoကုမ္ပဏီကို
တရုတ်ရဲ့ Red Sea Coast မှာ
Yanbu ရေနံချက်စက်ရုံ တည်ထောင်ပေးတယ်...။

ယခင်က တရုတ်နိုင်ငံအနေနဲ့
ဆော်ဒီနဲ့ အာဖရိက ရေနံတင်သွင်းရာမှာ
တောင်တရုတ်ပင်လယ်ကို ဖြတ်ကျော်ပြီး၊
တင်သွင်းခဲ့တယ်...
အာဆီယံနိုင်ငံတွေနဲ့
တောင်တရုတ်ပင်လယ်
ရေပိုင်နက်ကိစ္စနဲ့ အချင်းများခဲ့ပြီးနောက်
ရခိုင်ကျောက်ဖြူဘက်ကနေ
ကုန်းတွင်းပိုက်လိုင်းသွယ်တန်းပြီး
တင်ပို့ခဲ့တာကို တွေ့ရတယ်...။
ကီလိုမီတာ၂၈၀၀ရှည်လျားတဲ့
ရွှေသဘာဝဓာတ်ငွေ့ပိုက်လိုင်းနဲ့အတူ
ရေနံပိုက်လိုင်းကို ကျောက်ဖြူမဒေးကျွန်းမှ
ယူနန်ဒေသ ရွှေလီ၊ ကူမင်းနှင့် ဂွမ်းဖိုးပြည်နယ် Chongqingဒေသကို
ဖြတ်သန်းဖောက်လုပ်ထားသည်...။
ဒေါ်လာ ၁.၅ဘီလျံကုန်ကျပြီး
၂၀၁၃ခုနှစ်တွင် ပြီးစီးခဲ့ပြီး
တရုတ်စွမ်းအင်ကုမ္ပဏီ
(China National Petroleum
Corporation -CNPC)မှ
၅၀.၉% ပိုင်ဆိုင်ပြီး၊
မြန်မာ့ရေနံနှင့်သဘာဝဓာတ်ငွေ့လုပ်ငန်း
(MOGE)မှ ၄၉.၁%ပိုင်ဆိုင်သည်...။

ယခုတစ်ရက်လျှင် ကျောက်ဖြူရေနံပိုင်လိုင်းမှ
ရေနံစည် ၁သန်းနီးပါးအထိ တင်ပို့နေပြီး၊
၂၀၁၆ခုနှစ် တောင်တရုတ်ပင်လယ်ရေပိုင်နက်
အငြင်းပွားမှု ဖြစ်ပွားပြီးနောက်၊
ရခိုင်ကျောက်ဖြူပိုက်လိုင်းသည်
တရုတ်တို့စွမ်းအင်အတွက် အရေးကြီးသော်လည်း
မြန်မာအတွက်တော့ အကျိုးအမြတ်သည်
MOGEထဲသို့ ဝင်ပြီး၊
စစ်တပ်ပိုင် ဦးပိုင်(UMEHL)သို့ စီးဝင်သလား
သို့တည်းမဟုတ်
စကာင်္ပူရှိ OBDCမှ ဗိုလ်ချုပ်ကြီးများ၏
ကိုယ်ပိုင်ဘဏ်အကောင့်ထဲသို့ဝင်သလား
ဆိုသည်ကတော့ အဖြေရှာရမည်ပင်....
နိုင်ငံတော်အနေဖြင့်
မဖြစ်စလောက်သာ ရသည်ကတော့ အမှန်ပင်....

၂၀၁၆ခုနှစ် တောင်တရုတ်ပင်လယ်ရေပိုင်နက်
အငြင်းပွားမှုကြောင့် တရုတ်သည်
ဖိလစ်ပိုင်နှင့် စပတ်တလီကျွန်းကိစ္စနှင့်
တရားဆိုင်ရာ ရှုံးသည်...
အရှုံးကို လက်မခံပဲ
ထိုကျွန်းများတွင် စစ်ရေးဆိုင်ရာ
သဘောင်္နှင့်လေယာဉ်များပါ တိုးချဲ့ထားရှိသည်...

ဒူတာတေး တရုတ်သို့ သွားပြီးနောက်ပိုင်း
နှစ်နိုင်ငံပြန်ပြေလည်ခဲ့သော်လည်း
အမေရိကန်က ထိုကျွန်းအနီး
နိုင်ငံတကာရေပိုင်နက်တွင်
ဖျက်သဘောင်္များ ခုတ်မောင်းခြင်း၊
လေယာဉ်များ ဖြတ်သန်းခြင်း ပြုလုပ်ခဲ့သည်..။

ဗီယက်နမ် တုံ့ပြန်သည်မှာ တစ်မျိုး တစ်ဘာသာ။
ရေပိုင်နက်ပြဿနာတတ်သည်နှင့်
ဗီယက်နမ်ရှိ တရုတ်လူမျိုးပိုင် လုပ်ငန်းများနှင့်
ဥစ္စာပစ္စည်းများကို သိမ်းယူသည်..။
တရုတ်သို့ ပြန်လျှင် -
သိမ်းယူထားသည့် ဥစ္စာပစ္စည်းများကို ပြန်ပေးပြီး၊
မပြန်ပါက နိုင်ငံတော်ပိုင် အဖြစ် သိမ်းယူခဲ့သည်...။

တောင်တရုတ်ပင်လယ်သည်
ကမ္ဘာ့ကုန်သွယ်ရေးလမ်းကြောင်းတွင်
အချက်အခြာကျပြီး
တစ်နှစ်လျှင် အမေရိကန်ဒေါ်လာ - ၅ထရီယံထိ
ရေကြောင်းကုန်သွယ်မှု ရှိသည်...။

ရခိုင်ဒေသသည်
ဘင်္ဂလားပင်လယ်အော်ထွက်ပေါက်အဖြစ်၎င်း၊ အိန္ဒိယသမုဒ္ဒရာနှင့် ပစိဖိတ်သမုဒ္ဒရာပေါင်းဆုံသည့် အလယ်ဗဟိုချက်တွင် တည်ရှိ၍
စစ်ရေးအရ၊ ရေကြောင်း ကုန်သွယ်ရေးအရ
အရေးပါသည်...။

ရခိုင်ကျောက်ဖြူဒေသမှ
ကုန်းတွင်းပိတ် ယူနန်အနောက်မြောက်ပိုင်းသို့
ရေနံပိုက်လိုင်းမှတစ်ဆင့် ပေးပို့ရာတွင်
မလက္ကာရေလက်ကြားမှတစ်ဆင့်
သဘောင်္ဖြင့်ပို့သည်ထက်
အချိန်တစ်ပတ်ခန့် သက်သာသည်..။
ပိုက်လိုင်း ဖြတ်သန်းခ
မဖြစ်စလောက်သာ ပေးရသည်..။

ဤအခြေအနေကို အားမရသေးပဲ
ကျောက်ဖြူရေနက်ဆိပ်ကမ်း၊
ကျောက်ဖြူစီးပွားရေးဇုံကို
စစ်ခေါင်းဆောင်များကို ဖိအားပေးကာ
လက်သိပ်ထိုးဆောင်ရွက်သည်...။

သဘာဝဓာတ်ငွေ့နှင့် ရေနံပိုက်လိုင်း
တည်ဆောက်ရာတွင် …
ဌာနေရခိုင်တိုင်းရင်းသားများ၏
ဆန္ဒပြမှုကြောင့် …
၂၀၁၂ခုနှစ် မေလ၂၈ရက်နေ့
ကျောက်နီမော်အရေးအခင်း၊
ဇွန်လ၆ရက်နေ့တွင် တောင်ကုတ်အရေးအခင်း
တို့ကို ဖန်တီးကာ
လူမျိုးရေး၊ ဘာသာရေးအဓိကရုဏ်း ဖန်တီးကာ
ပိုက်လိုင်းကို သွယ်တန်းသည်..။

စစ်အုပ်စု အာဏာရချိန်တွင်
တရုတ်တို့ စိတ်ကြိုက်ဖန်တီး၍ရသော်လည်း
၂၀၁၅ခုနှစ်တွင် -
၂၁ရာစု ပင်လယ်ပြင်ဆက်စပ်
ပိုးလမ်းမ စီမံကိန်း
(21st Century
Maritime Skill Road Project) ကို
လုပ်ကိုင်ရန် စိုင်းပြင်လာချိန်တွင်
မြန်မာ့နိုင်ငံရေး အပြောင်းအလဲ ဖြစ်လာသည်...။

နိုင်ငံ၏ Defecto ခေါင်းဆောင် ဖြစ်လာသည့်
ဒေါ်အောင်ဆန်းစုကြည်ကို
အာဏာမရမီ၂၀၁၅ခုနှစ် ဇွန်လတွင်
ဖိတ်ခေါ်ခဲ့ပြီး ဆွေးနွေးခဲ့သော်လည်း
တန်ရာတန်ဖိုး မပေးချင်သည့်
တရုတ်တို့အတွက် ကျေနပ်မှုမရခဲ့..။

နောက်တစ်လအကြာတွင်
ရခိုင်အမျိုးသားပါတီဥက္ကဌ
ဒေါက်တာအေးမောင်ကို ဖိတ်ခေါ်ခဲ့သည်..။
ယခင်က Federalကို
တစိုက်မတ်မတ်ပြောလာသော
ဒေါက်တာအေးမောင်သည်
Confederation ပုံစံပြောင်းလာခဲ့သည်...။

၂၀၁၅ရွေးကောက်ပွဲတွင်
မာန်အောင်တွင်
ပြည်နယ်လွှတ်တော်ကိုယ်စားလှယ်အဖြစ်
ယှဉ်ပြိုင်ခဲ့ပြီး
ရခိုင်ဝန်ကြီးချုပ်အထိ ဖြစ်ရန်
ကြံစည်ခဲ့သော်လည်း ရှုံးနိမ့့်ခဲ့သည်။

နိုင်ငံရေးလေ့လာသုံးသပ်သူများက
ဒေါ်စု တရုတ်ပြည်ခရီးစဉ်သည်
မြစ်ဆုံကိစ္စကို အဓိကဆွေးနွေးမည် ထင်သော်လည်း
ထိုစဉ်ကတည်းက …
ရခိုင်ကျောက်ဖြူစီမံကိန်းအတွက်
တရုတ်တို့ဆွေးနွေးခဲ့သည်ကို
ဒေါက်တာအေးမောင်သွားမှ ခန့်မှန်းနိုင်ခဲ့သည်...

၂၀၁၇ခုနှစ် မတ်လ၁၇ရက်တွင်
တရုတ်နှင့်ဆော်ဒီအစိုးရတို့
စီးပွားရေးသဘောတူညီချက် (MOU)ထိုးခဲ့သည်...။

၂၀၁၇ခုနှစ် ဧပြီ၂၃ရက်တွင်
ဆော်ဒီအစိုးရက မြန်မာမွတ်စလင်၄သန်းကို
ဆော်ဒီမှာ နေထိုင်ခွင့် နဲ့ အလုပ်လုပ်ခွင့် PRပေးဖို့
ခွင့်ပြုခဲ့သည်။

ရခိုင်ပြဿနာ
လူမျိုးရေး၊ဘာသာရေးပြဿနာသည်
minority ဖြစ်ပြီး၊
နိုင်ငံရေး၊ စီးပွားရေးဆိုင်ရာ
majority problem ဖြစ်သည်ကို တွေ့ရသည်..။

လက်ရှိအစိုးရလက်ထက်တွင်
နှစ်ကြိမ်ဖြစ်ခဲ့သည့်
ရခိုင်အကြမ်းဖက်တိုက်ခိုက်ခံရမှုသည်
တရုတ်နှင့် မြန်မာစစ်တပ် စည်းဝါးကိုက်ကာ
အပိုင်ခွင်ချထားသည့်ကိစ္စဟုဆိုလျှင်
မှားမည်မဟုတ်ပေ။

စစ်အစိုးရလက်ထက်၊
စစ်အရေခွံလဲ အစိုးရလက်ထက်တွင်
တရုတ်တို့နှင့် ချုပ်ဆိုခဲ့သော
စာချုပ်များ၊ ကတိကဝတ်များကို
ရခိုင်-ဘင်္ဂါလီပြဿနာဖန်တီးခြင်းဖြင့်
ဦးမလှည့်နိုင်အောင် ၊
အကယ်၍ လက်ရှိNLDအစိုးရအနေဖြင့်
ရခိုင်ပြဿနာကို မကိုင်တွယ်နိုင်လျှင်
လက်ညိုးထိုးပြီး စစ်ခေါင်းဆောင်များ
အာဏာသိမ်းခြင်း ၊
ဘင်္ဂါလီတို့တောင်းဆိုသော
မောင်တော၊ဘူးသီးတောင်ဒေသကို
Save Zone ဖန်တီးပြီး
အပေးအယူလုပ်ထားခြင်းဖြင့်
နိုင်ငံတကာ၏ ဖိအားကို လျော့ချစေနိုင်ရန်
ပြင်ဆင်ထားသည်ကို တွေ့ရသည်...။

အဆိုးဆုံးမှာ
တရုတ်တို့၏ တစ်ချက်ခုတ် နှစ်ချက်ပြတ် မဟာဗျူဟာသည်
မြန်မာပြည်၏ အနောက်တံခါးကျိုးပေါက်မှုကို
အခွင့်ကောင်းယူပြီး
၎င်းတို့၏အမျိုးသားစီးပွားရေးအတွက်
ဘာမဆို ချနင်းမည့် အကွက်ဖြစ်သည်..။

တစ်ချက်လေး
တိမ်းစောင်းသွားသည်နှင့်
နိုင်ငံနှင့် ဒေါ်အောင်ဆန်းစုကြည် ကံကြမ္မာသည်
ရေတိမ်နစ်မှာဧကန်...။
ကြိုတင် ပြင်ဆင်ထားနိုင်သောကြောင့်
ယခုလိုအာဏာကို
ဆက်လက်ထိန်းနိုင်သော်လည်း …
ကချင်ရှိ
တနိုင်းစစ်ပွဲလို၊ ရှမ်းမြောက်တိုက်ပွဲ၊
ကရင် ဖာပွန်ခရိုင် မူတရော်ဒေသတွင်
လမ်းလုံခြုံရေး နဲ့ပတ်သတ်၍ ထိုးစစ်ဆင်နေမှု၊
ရခိုင်ရှိ …
ကျောက်တော်၊ပလက်ဝတိုက်ပွဲများသည်
နိုင်ငံတကာဖိအား ဝင်တိုင်း …
စစ်တပ်ဖော်ဆောင်နေသော
နိုင်ငံရေး သေနင်္ဂဗျူဟာများကို
ပြည်သူလူထု မြင်သာအောင်
အစိုးရအနေဖြင့် ပါးနပ်ဖို့၊
စွမ်းရည်ပြည့်ဝဖို့ လိုသည်...။

စစ်အစိုးရလက်ထက်
တရုတ်တို့နှင့် ချုပ်ဆိုခဲ့သော
သယံဇာတနှင့် စီမံကိန်းစာချုပ်များကို
နှစ်ဖက်စလုံးက ဆက်ဆက်ထိမခံသလို၊
အရပ်သားအစိုးရအနေဖြင့်
အစဆွဲမည်ကြံတိုင်း
စစ်ခေါင်းဆောင်များသည်
၂၀၀၈ ဖွဲ့စည်းပုံအခြေခံဥပဒေပါ ပုဒ်မ-၆(စ)အရ၊
ပုဒ်မ-၂၀(ခ)အရ၊ ပုဒ်မ-၃၄၃(ခ)အရ
ပေးထားသည့် အခွင့်အာဏာကို
မလျော်ဩဇာအသုံးပြုပြီး
တိုင်ရင်းသားဒေသတွင် ထိုးစစ်ဆင်နေခြင်းဖြင့်
ဖက်ဒရယ်ဟူသော ဝေါဟာရသည်
ပြည်သူလူထုနားထဲတွင်
လျှံထွက်နေသည်က အမှန်...။

No Country can really develop unless its citizens are educated.

နယ်လ်ဆင် မင်ဒဲလား ပြောသလို
ပြည်သူတွေ ပညာမတတ်ပဲ၊
ဘယ်နိုင်ငံမှ မတိုးတတ်နိုင်
ဟူသော စကားသည် ကမ္ဘာကျော်ခဲ့၏။
လောလောဆယ် မြန်မာ့နိုင်ငံ၏
လက်တလော အခြေအနေအရ
ပေါ်ပေါက်နေသော ပြဿနာကို
ဖြေရှင်းနေရသည်နှင့် မအား...။

စစ်တပ်အနေနဲ့လည်း
ဗုဒ္ဓဘာသာမြန်မာလူမျိုးအများစုရဲ့
ရိုဟင်ဂျာမွတ်စလင်ဆန့်ကျင်ရေးကို
မဟာဗျူဟာတစ်ရပ်နဲ့ ကြိုးဆွဲခဲ့သလို၊
အသေအချာပြင်ဆင်ထားတဲ့ မဟာဗျူဟာနဲ့
ဒေါ်အောင်ဆန်းစုကြည်ကို …
ပြည်တွင်းမှာရော၊ ပြည်ပမှာပါ
သူမရဲ့ဩဇာကို ဟန့်တားဖို့၊ နာမည်ပျက်ဖို့အထိ
ရည်ရွယ်ခဲ့ပြီး၊
တပ်မတော်အုပ်ချုပ်မှုပုံစံရောက်အောင်
ဖန်တီးထားတာကို တွေ့ရတယ်...။

ဒါကြောင့် UNSCအနေနဲ့ …
ဒီအရေးမှာ မြန်မာအစိုးရအပေါ်
တစ်ဖက်သတ်ဖိအားပေးတာမျိုး မလုပ်ရဲပဲ ၊
နိုင်ငံရေးမှာ ဇွတ်အတင်းတွယ်ကပ်နေတဲ့
စစ်တပ်ကို ဖယ်ထုတ်လိုက်ရင်
ဘင်္ဂလားဒေ့ရ်ှနဲ့ အစ္စလာမ်မစ် နိုင်ငံများ
ပူးပေါင်းဆောင်ရွက်ရေးအဖွဲ့ (OIC)တို့
လုပ်ဆောင်ထားတဲ့ ထွက်ပြေးတိမ်းရှောင်
ဘင်္ဂါလီအရေးက လုပ်ဇာတ်ကြီးတစ်ခုဆိုတာ
ပေါ်လွင်လာမှာ ဖြစ်တယ်။

မီးစင်ကြည့်ကနေရတဲ့ အနေအထားမှာ
အချိန်ကာလတစ်ခု …
အများဆုံး တစ်နှစ်အချိန်မှာ
ဒေါ်အောင်ဆန်းစုကြည်
ထောင်ချောက်က လွတ်မြောက်မှာ
မြေကြီးလက်ခတ်မလွဲ...။

ARSA အကြမ်းဖက်အဖွဲ့က တကယ်ရှိလား...။
ခေါင်းဆောင်လို့ယူဆကြတဲ့ …
Ataulla Abu Ammar Jununi က
ရခိုင်မှာ မွေးတာမဟုတ်ပဲ၊
ပါကစ္စတန် ကရာချိမှာ မွေးတဲ့လူ..

ARSA ခေါင်းကိုင်ဖြစ်တဲ့
Abdus Qadooz Burmiလည်း
ပါကစ္စတန်မှ အကြမ်းဖက်အဖွဲ့
(Lashkar-e- Taiba)အဖွဲ့နှင့်
အဆက်အဆံရှိသည်...။

၂၀၁၆ခုနှစ် အောက်တိုဘာ၉ရက် တိုက်ခိုက်မှုတွင် ARSAအကြမ်းဖက်အဖွဲ့ မဖွဲ့ရသေး...
၂၀၁၇ခုနှစ် ဩဂုတ်လ၁၄ရက်မှ ၂၂ရက်
မေယုစစ်ဆင်ရေး လုပ်ခါမှ
(Arakan Rohingya Salvation Army- ARSA )
ရုတ်တရက် ထွက်ပေါ်လာသည်...။

၂၀၁၇ခုနှစ်ဩဂုတ်၂၅တိုက်ခိုက်မှုအပြီး
၁၅ရက်အကြာတွင် ပျောက်ကွယ်သွားသည်...။

ARSAအစွန်းရောက်များ၊ စစ်သွေးကြွများ၏
သတင်း၊ ဓာတ်ပုံ ၄၀၀၀နီးပါးကို
တပ်မတော်အနေဖြင့် ရထားပြီဖြစ်ကြောင်း
တပ်မတော်ကာကွယ်ရေးဦးစီးချုပ်မှ
၂၀၁၇ခုနှစ် စက်တင်ဘာ၁၉ရက်နေ့က
စစ်တွေမြို့ ဦးဝိစာရခန်းမတွင် ပြောဆိုခဲ့သည်...။

တရုတ်နှင့်ပါကစ္စတန်သည်
ကာလရှည်ကြာမိတ်ဖက်နိုင်ငံများ ဖြစ်သည်...။

အစ္စရေးဝန်ကြီးချုပ်ဟောင်း
မင်နချင် ဘီဂင် ပြောသလို …
ရန်သူ၏ ရန်သူသည် မိတ်ဆွေဖြစ်သလို
ရခိုင်ပြဿနာသည် …
ပါကစ္စတန်ရှိ အကြမ်းဖက်အဖွဲ့အစည်း
ပါဝင် လာခြင်းသည် …
အန္တရာယ်များလှသည့်
ပထဝီနိုင်ငံရေးယှဉ်ပြိုင်မှု၊
စီးပွားရေးခြေကုပ်ယူနိုင်ရေးအတွက်
တရုတ်၊ မြန်မာ့စစ်အာဏာရှင်လက်ကိုင်တုတ်များ၊
ရိုဟင်ဂျာအရေးလှုပ်ရှားသူ …
ဝါကာအူဒင်၊ ရွှေမောင်
ဘင်္ဂလားဒေ့ရှ် နှင့် OICတို့
တမင်ဖန်တီးထားသော
နိုင်ငံရေးကစားကွက် ဖြစ်လေမလားဟု
သုံးသပ်မိသည်...
နေရာစုံက သဲလွန်စများ၊ ခြေရာလက်ရာများ၊
အချက်အလက်များက ဖော်ပြနေသည်...။

မည်သို့ပင်ဆိုစေကာမူ
နိုင်ငံတော်အတိုင်ပင်ခံပုဂ္ဂိုလ်၏
အငြင်းပွားဖွယ်မရှိသော
အမြင့်ဆုံး ကိုယ်ကျင့်သိက္ခာနှင့်
နိုင်ငံရေးအခွင့်အာဏာသည်
သူမအပေါ် ပြည်သူလူထု၏
နိုင်ငံရေးအရ တိမ်းညွှတ်မှုအကြီးမားဆုံး
ဖြစ်နေခြင်းက …
ဤအခက်အခဲပြဿနာကို
ဖြေရှင်းကျော်လွှားနိုင်မည် ဖြစ်ကြောင်း
လုံးဝဥသုံ ယုံကြည်မိသည်...။

Written by:
A.M.H#သက်
Photo credit #
from-Hla Ohnmar

T. T.

၁၈၉သင်၊ Vi Vivo၊ Anawar Sitt နှင့် အခြား ၁၈၆ ဦး

မှတ်ချက် ၁၂ ခုမျှဝေသူ ၁၀၂ ဦး

ကြိုက်