နမ့်စန်တွင် ကျပ် ၁၀ ဘီလီယံ ကျော်တန်ဖိုးရှိ မူးယစ်ဆေးဝါးများ ဖမ်းမိပြီးနောက် ပြည်သူ့စစ်တပ်ဖွဲ့ဝင်အချို့ တောခိုသွားသည်ဟု သတင်းများထွက်ပေါ်

ပြည်သူ့စစ်တပ်ဖွဲ့ဝင်အချို့ကို အချိန်မီ ထိန်းသိမ်းထားဟု တပ်မတော်ပြော
--------------------------------

နမ့်စန်မြို့နယ်တွင် ကျပ် ၁၀ ဘီလီယံ ကျော်တန်ဖိုးရှိ မူးယစ်ဆေးဝါးများ ဖမ်းမိပြီးနောက် ပြည်သူ့စစ်တပ်ဖွဲ့ဝင်အချို့ တောခို သွားသည်ဟု သတင်းများ ထွက် ပေါ်နေပြီး ပြည်သူ့စစ်အချို့ကို ထိန်းသိမ်းစစ်ဆေးနေသည်ဟု တပ်မတော်သတင်းမှန်ပြန်ကြား ရေးအဖွဲ့ အတွင်းရေးမှူး ဗိုလ်မှူး ချုပ် ဇော်မင်းထွန်းက ပြောသည်။

ရှမ်းပြည်နယ်တောင်ပိုင်း နမ့်စန်မြို့နယ် နားပွဲကျေးရွာအနီး တွင် ကျပ် ၁၀ ဒသမ ၆ ဘီလီယံ တန်ဖိုးရှိ စိတ်ကြွရူးသွပ်ဆေးပြား များ၊ လက်နက်ခဲယမ်းနှင့် မူးယစ် ဆေးဝါးချက်စခန်းအချို့ကို တပ် မတော်က ဩဂုတ် ၂၂ ရက်နှင့်၂၃ ရက်၌ ဖမ်းဆီးခဲ့သည်။ အဆိုပါဖြစ်စဉ်နှင့် ပတ်သက်၍ နားပွဲဌာနေပြည်သူ့စစ်ခေါင်းဆောင်တစ်ဦး အပါအဝင် ၃၉ ဦးကို ဖမ်းဆီး ထိန်းသိမ်းစစ်ဆေးနေစဉ် ပြည်သူ့စစ်တပ်ဖွဲ့ဝင်အချို့ တောခိုသွား သည်ဟု ဒေသခံများကပြောပြီး တပ်မတော်ကလည်း ဟုတ်မှန် သည်ဟု ဆိုသည်။

‘‘တောထဲပြန်ဝင်သွားတဲ့ အဖွဲ့တစ်ဖွဲ့ရှိတယ်လို့ ပြော တယ်။ သတင်းကတော့ အခိုင် အမာပေါ့။ အဲဒီလူတွေ (ပြည်သူ့ စစ်အဖွဲ့ဝင်များ) မရှိတော့ဘူး လေ’’ဟု နမ့်စန်မြို့နယ်မှ ဒေသခံ တစ်ဦးက ပြောသည်။

စိုင်းညွန့်ဆိုသော ပြည်သူ့စစ်ခေါင်းဆောင်တစ်ဦးက ဦးဆောင် ၍ ပြည်သူ့စစ်တပ်ဖွဲ့ဝင် ၄၀ ခန့် တောခိုသွားသည်ဟု သိရှိထား ကြောင်း မြို့ခံအချို့က ပြော သည်။

ဌာနဆိုင်ရာဝန်ထမ်းတစ်ဦး က ‘‘ပြည်သူ့စစ်အဖွဲ့က ကျန်တဲ့သူတချို့ တောထဲပြန်ရောက်သွား တယ်လို့ ကြားတယ်’’ဟု ပြော သည်။

တပ်မတော် သတင်းမှန်ပြန် ကြားရေးအဖွဲ့ အတွင်းရေးမှူး ဗိုလ်မှူးချုပ် ဇော်မင်းထွန်းကို ဆက်သွယ်မေးမြန်းရာ နားပွဲ ဌာနေ ပြည်သူ့စစ်အဖွဲ့ဝင်အချို့ တိမ်းရှောင်နေပြီး အချို့ကို အချိန် မီ ထိန်းသိမ်းနိုင်ခဲ့သည်ဟု ပြော သည်။

‘‘အချိန်မီတော့ ထိန်းသိမ်း လိုက်နိုင်တာ ရှိပါတယ်။ တချို့ လည်း ခရီးဝေးထွက်နေပြီး သတင်း(မူးယစ်ဆေးဝါးများနှင့် ပတ်သက် ၍ ဖမ်းဆီးထားသော ပြည်သူ့စစ်တပ်ဖွဲ့ဝင်များသတင်း) ရတဲ့သူ တွေလည်း တိမ်းရှောင်တာ ဖြစ် နိုင်ပါတယ်’’ဟု ၎င်းက ပြော သည်။

ဖမ်းဆီးထားသည့် ပြည်သူ့ စစ်အဖွဲ့ဝင် အရေအတွက်ကို တပ်မတော်က မပြောသေးဘဲ စစ်ဆေးနေဆဲဟု ဆိုသည်။

ပြည်သူ့စစ်တပ်ဖွဲ့သည် တပ်မတော်လက်အောက်ခံအဖွဲ့များ ဖြစ်ပြီး ဒေသတွင်း လတ်တလော အခြေအနေများကြောင့် လုံခြုံရေး ပိုင်းဆိုင်ရာ စိတ်ပူစရာများ ရှိနေ သည်ဟု နမ့်စန်ဒေသခံများက ပြောသည်။ နားပွဲပြည်သူ့စစ် သည် အစိုးရနှင့် ငြိမ်းချမ်းရေး လက်မှတ်ထိုးထားသည့် ရှမ်း လက်နက်ကိုင်အဖွဲ့ (RCSS) မှ ခွဲထွက်ကာ ဖွဲ့စည်းထားခြင်းဟု ဗိုလ်မှူးချုပ် ဇော်မင်းထွန်းက ပြောသည်။

နမ့်စန်တွင် ပမာဏများပြား သော မူးယစ်ဆေးများ ဖမ်းမိပြီး နောက် နောက်ထပ် ဖမ်းဆီးရမိမှု များရှိနေပြီး သီးခြားသတင်းထုတ် ပြန်မည်ဟု တပ်မတော်က ဆို သည်။

Source: 7 Day