အခု ရခိုင်မှာဖြစ်ပျက်နေတဲ့ အပေါ်ဘယ်လိုသဘောထားလဲ သန်းဝင်း

အခု ရခိုင်မှာဖြစ်ပျက်နေတဲ့ အပေါ်ဘယ်လိုသဘောထားလဲ?

လူအများ က ကျုပ်ကိုမေးကြတယ်...

သိချင်လို့ မေးကြတယ် ဆိုတော့လည်း ကျုပ်ရဲ့
ယုံကြည်ချက်၊ရပ်တည်ချက် ကို ရေးသား ဖြေကြား ပေးလိုက်ပါတယ်...

ရခိုင် လူမျိုးစစ်စစ် မိဘနှစ်ပါးကမွေးဖွားပေးလိုက်တဲ့
ကျနော်က ရခိုင် စစ်စစ် တယောက်ဖြစ်တယ် ဆိုတာ
အမှန်ပါ..ဒါကြောင့် မေးကြတယ်လို့ ထင်ပါတယ်..

ကျနော်က ၈၈ မျိုးဆက်ပါ...

ဒီတိုင်းပြည်မှာ လူမျိုးအားလုံး ၊ဘာသာအားလုံး
မတူကွဲပြားစွာ အတူယှဉ်တွဲ နေထိုင်ကြပြီး တန်းတူ
အခွင့်အရေး၊ တန်းတူ ဖွံ့ဖြိုးတိုးတက်စေတဲ့မူဝါဒကိုသာ လက်ခံယုံကြည်ပါတယ်...

ဒီတိုင်းပြည်မှာ အတူနေထိုင်ကြတဲ့ မည်သည့်လူမျိုးကိုမှ သီခြားခွဲထွက် နိုင်ငံထောင်မဲ့ အယူအဆကို ကျုပ်က
လုံးဝလက်မခံပါ...ဒါမှန်ကန်တဲ့ အယူအဆလို့လည်း
မယူဆပါ....

လူမျိုးတွေ ဘာသာတွေ ဘယ်လောက်ကွဲပြားနေပေမဲ့
တကယ်တော့ အားလုံးဟာ လူသားတွေ အတူတူပါ..
လူသားရဲ့ သဘာဝအတိုင်း အကောင်း အဆိုး ဒွန်တွဲလျက် ရှင်သန် နေကြတာပဲ..ဘာမှမကွဲပြားကြပါဘူး
ကောင်းတဲ့သူကောင်းတယ် ဆိုးတဲ့သူဆိုးတယ် ဒါ လူမျိုးတိုင်း၊ဘာသာတိုင်း မှာရှိကြတာပဲ ..ဒါကြောင့်
လူသား တူချင်း ဘာမှ ခွဲခြားဆက်ဆံစရာမလိုဘူး..
လူကောင်း၊လူဆိုးပဲ ခွဲခြား မြင်ဘို့ပဲလိုအပ်တယ်လို့
ကျနော်က ယူဆယုံကြည်တယ်...

ကျနော်နေထိုင်တဲ့ အမေရိကန်နိုင်ငံမှာ တကမ္ဘာလုံးက လာကြတဲ့ လူမျိုးပေါင်းစုံ ဘာသာပေါင်းစုံ လာရောက်
နေထိုင်တဲ့ နိုင်ငံ ဖြစ်တယ် အလုပ်ခွင် အားလုံးမှာ ချစ်
ခင်ရင်းနှီးစွာ အတူ ယှဉ်တွဲလုပ်နေကြတယ် ဘယ်သူမှမခွဲခြားဘူး၊ လူကောင်းလူဆိုးကိုပဲခွဲခြားတယ်...အရာရာကို ဥပဒေ နဲ့ပဲ ထိမ်းချုပ်တယ်.. အားလုံး တန်းတူ
အခွင့်အရေး ရကြတာပဲ..
ကျနော်တို့နိုင်ငံကို ဒီလိုပဲ ကျနော်ကဖြစ်စေချင်တယ်..

ရခိုင်လူမျိုး ကို ဗမာ လူမျိုးက နှိမ်တယ် ဆိုတဲ့ ရခိုင်တချို့ရဲ့ အယူအဆတွေ ကို တွေ့လိုက်ရတယ်...

ဒါ လုံးဝ မဟုတ်ဘူး၊ လုံးဝ မမှန်ဘူး လို့ ကျုပ်ယူဆ
တယ်..

အာဏာရှင်တွေနဲ့ ဘက်တော်သားတွေကတော့ဖြစ်ကောင်းဖြစ်ကောင်းဖြစ်နိုင်တယ်...
ခင်ဗျားတို့ပြောတဲ့ ဗမာလူမျိုးကိုယ်တိုင် တခြားလူမျိုး
တွေ နဲ့ အတူ အာဏာရှင်တွေရဲ့ဖိနှိပ်မှု ရက်စက်မှုတွေကို တန်းတူခံနေရတာပဲ..ဒါကြောင့် ဒီလို စွပ်စွဲတာက
မတရားကြဘူးလို့ ကျုပ် ကထင်မြင်ယူဆတယ်..

ခင်ဗျားတို့ ပြောသလိုသာ ရခိုင်ကို နှိမ်ကြတယ် ဆိုရင်

ကျနော်လို ရခိုင်စစ်စစ်ကို ၁၉၈၈ တုန်းက လူမျိုးပေါင်းစုံ ပါဝင်တဲ့ ရန်ကုန် တက္ကသိုလ်ကျောင်းသားများ သမဂ္ဂ မှာ ခေါင်းဆောင် တယောက်အဖြစ် ရွေးချယ် အသိအမှတ်ပြုခြင်း ခံရမှာ မဟုတ်သလို...လူမျိုးပေါင်းစုံပါဝင်ပြီး
နယ်စပ်မှာလက်နက်ကိုင်တော်လှန်ခဲ့တဲ့ ABSDF မှာ
လည်း ခေါင်းဆောင်တယောက်အဖြစ် ရွေးချယ် အသိအမှတ်ပြု ခံရမှာ အကြောင်းမရှိပါဘူး..ဒါသက်သေပါပဲ..

ဒါကြောင့် လူမျိုးခြင်း မမှန်ကန်ပဲ အမုန်းတွေ ကြီးထွားလာအောင် မိမိအကျိုးအတွက် ဝါဒမှိုင်းတိုက်ကြတာကတော့ သိပ်အန္တရယ်ကြီးသလို လူ့အသက်တွေ များစွာဆုံးရှုံးနိုင်တယ် ဘာရလဒ်မှလည်း ရမှာမဟုတ်ဘူး
ဒါမျိုးကို လုံးဝမလုပ်သင့်ကြသလို၊မှန်ကန်တဲ့အတွေးအခေါ်အယူအဆလည်း မဟုတ်ဘူးဆိုတာ ကျုပ်ခိုင်မာစွာ ယုံကြည်တယ်..

ရခိုင်ပြည်သူများအားလုံး မဟုတ်မမှန် ဝါဒမှိုင်းတိုက်သူများ ဘေးမှ လွတ်ကင်းကြပြီး သတိရှိစွာဖြင့် ဘေးဘယာ
ကင်းဝေးပြီး ငြိမ်းချမ်းသောဘဝကို ပိုင်ဆိုင်နိုင်ကြ
ပါစေ...

အားလုံးကို လေးစားစွာဖြင့်....

သန်းဝင်း
၈၈ မျိုးဆက်..