၂၁ ပင်လုံ တတိယအကြိမ်ကို ဇူလိုင် ၁၁ ရက်နေ့ ကျင်းပမည်

UPDJC အတွင်းရေးမှူးများ အစည်းအဝေးကို ၂၀၁၈ ခုနှစ်၊ ဇွန်လ ၂၅ ရက်နေ့က နေပြည်တော် NRPC ရုံးမှာ ကျင်းပစဉ်/ Photo: Hla Maung Shwe - facebook

တတိယအကြိမ် ၂၁ ရာစုပင်လုံ ညီလာခံကို လာမယ့် ဇူလိုင်လ ၁၁ ရက်နေ့မှာ စတင်ကျင်းပဖို့ ဆုံးဖြတ် လိုက်ပါတယ်။

နေပြည်တော်က အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနမှာ ဒီကနေ့ ကျင်းပတဲ့ UPDJC အတွင်းရေးမှူး အဖွဲ့အစည်းအဝေးအပြီးမှာ နိုင်ငံတော် သမ္မတရုံး ညွန်ကြားရေးမှူး ဦးဇော်ဌေး က ပင်လုံညီလာခံ ကျင်းပမယ့်ရက်ကို ပြောပါတယ်။

အစည်းအဝေးကျင်းပမယ့်ရက် လေးရက် လျာထားပေမယ့် အစည်းအဝေးပေါ်မူတည်ပြီး ရက်တိုးနိုင်ခြေရှိ်တယ်လို့ ဦးဇော်ဌေး က ပြောပါတယ်။

ဒါ့အပြင် အစိုးရ၊ နိုင်ငံရေးပါတီနဲ့ တိုင်းရင်းသားလက်နက်ကိုင် အစုအဖွဲ့တွေက အဖွဲ့ဝင် ၄၈ ဦးပါဝင်တဲ့ အစည်းအဝေးကို မနက်ဖြန် ကျင်းပမယ်လို့ သိရပါတယ်။

လာမယ့် တတိယ ပင်လုံအစည်းအဝေးမှာ နိုင်ငံရေး၊ စီးပွားရေး၊ လူမှုရေး၊ လုံခြုံရေး၊ မြေယာနဲ့ သဘာဝပတ်ဝန်းကျင် စတဲ့ ကဏ္ဍငါးရပ်ပါရှိပေမယ့် ဒီတစ်ကြိမ်မှာတော့ အစုအဖွဲ့အလိုက်အစည်းအဝေးတွေကို ဦးစားပေးမယ်လို့ သိရပါတယ်။

၂၁ ရာစု ပင်လုံအစည်းအဝေးတွေကို တစ်နှစ်အတွင်း နှစ်ကြိမ်ကျင်းပဖို့ ရည်ရွယ်ထားပေမယ့် ၂၀၁၆ ခုနှစ်မှာ တစ်ကြိမ်၊ ၂၀၁၇ ခုနှစ်မှာ တစ်ကြိမ်သာ ကျင်းပနိုင်ခဲ့ပါတယ်။

RFA Burmese
https://www.rfa.org/burmese