ဦးကျော်ဇောဦးကတော့ ၂၀၁၄ ခုနှစ် ညီလာခံမှာ ဗဟိုအလုပ်အမှုဆောင်အဖွဲ့ဝင်နဲ့ အတွင်းရေးမှူး အဖွဲ့ဝင် အဖြစ်ရွေးချယ်ခံခဲ့ရပြီး ၂၀၁၅ ခုနှစ်ရွေးကောက်ပွဲမှာ တသီးပုဂ္ဂလအနေနဲ့ ရွေးချယ်ခံ ခဲ့ရတယ်လို့ သူ့ရဲ့ နုတ်ထွက်စာမှာ ဖော်ပြထားပါတယ်။အဲဒီနောက်မှာမှ ပါတီကိုပြန်ဝင်ပြီး လက်ရှိတာဝန်တွေ ပြန်ရတယ်လို့ ဆိုပါတယ်။
အခုလို ပါတီကနေ နုတ်ထွက်နေကြတာဟာ အချင်းချင်းတိုက်ခိုက်လုပ်ကြံတာတွေရှိပြီး ရခိုင်အမျိုးသားအကျိုးစီးပွားနဲ့ ညီညွတ်ရေးကို ဦးမတည်တဲ့ လုပ်ရပ်တွေကြောင့်လို့ နုတ်ထွက်စာတွေမှာ ဖော်ပြထားပါတယ်။
ပြီးခဲ့တဲ့ အောက်တိုဘာလတုန်းကလည်း ပါတီဗဟိုကော်မတီဝင်တယောက်ဖြစ်တဲ့ အမ်းမြို့နယ်က ပြည်နယ်လွှတ်တော်ကိုယ်စားလှယ် ဦးခင်မောင်ဌေးဟာ ပါတီက နုတ်ထွက်ခဲ့ပါသေးတယ်။
ရခိုင်အမျိုးသားပါတီဟာ ရခိုင်ဒီမိုကရေစီအဖွဲ့ချုပ်(အေအယ်လ်ဒီ) နဲ့ ရခိုင်တိုင်းရင်းသားများ တိုးတက်ရေးပါတီ (အာရ်အန်ဒီပီ) တို့ကို ၂၀၁၄ ခုနှစ်က ပူးပေါင်းဖွဲ့စည်းခဲ့တာပါ။
အဲဒီနောက် နှစ်ဖက်ခေါင်းဆောင်တွေကြား သဘောထားကွဲတာတွေရှိခဲ့ပြီး မကြာသေးခင်ကတော့ ရခိုင်ဒီမိုကရေစီအဖွဲ့ချုပ်(အေအယ်လ်ဒီ) ခေါင်းဆောင်ဟောင်းတွေက ပါတီကို ပြန်ပြီး ဖွဲ့စည်းခဲ့ကြပါတယ်။
Comments
Post a Comment