ဘင်္ဂလားဒေ့ရှ် ဒုက္ခသည်စခန်းမှ အစောင့်တပ်ဖွဲများ လက်နက်များလုယူခံရ

By ဧရာဝတီ 16 October 2017
Want create site? Find Free WordPress Themes and plugins.

မြန်မာနယ်စပ်အနီး ဘင်္ဂလားဒေ့ရ်ှနိုင်ငံ တက္ကနပ်မြို့ရှိ ရိုဟင်ဂျာဆိုသူများ နေထိုင်တဲ့ နာယာပရာ ဒုက္ခသည်စခန်းက လုံခြုံရေးတပ်ဖွဲ့ကို ပြီးခဲ့တဲ့ အောက်တိုဘာလ ၁၃ရက်နေ့က လက်နက်ကိုင်အဖွဲ့ တဖွဲ့မှ ဝင်ရောက် တိုက်ခိုက်ပြီး တပ်မှုးကို သတ်ဖြတ်ကာ လက်နက်များကိုပါ လုယူသွားကြောင်း Daily Mail သတင်းကဆိုပါတယ်။

ဒေသခံ ဘင်္ဂလားဒေ့ရှ် ရဲတပ်ဖွဲ့ အကြီးအကဲ မူဂျီဘာရာမန် အဆိုအရတော့ တိုက်ခိုက်သူတွေဟာ တပ်မှူးကို သတ်ဖြတ်ပြီး ကျန်တပ်ဖွဲ့ဝင်တွေကို ကြိုးတုတ်ကာ ရိုင်ဖယ် ၁၁လက်နဲ့ ကျည်ဆန် ၅၇၀ ကို လုယူသွားတယ်လို့ သိရပါတယ်။

“တိုက်ခိုက်မှုက ဒေသစံတော်ချိန် နံနက် ၂နာရီ ၂၀မိနစ်မှာ ဖြစ်တာ၊ လက်နက်ကိုင် ၁၀ယောက် ၁၅ ယောက်လောက်က ဝင်တိုက်တာ၊ လုံခြုံရေး တပ်မှူးကို ရိုက်ပြီး နောက်ကနေ ပစ်သတ်လိုက်တာ ပွဲ ချင်းပြီး သေသွားတယ်” လို့ ရဲမှူး ရာမန်ရဲ့ ပြောဆိုချက်ကို ကိုးကားပြီး AFP သတင်းကဆိုပါတယ်။

နာယာပရာ ဒုက္ခသည် စခန်းဟာ မြန်မာနယ်စပ်ကနေ ၁မိုင်ကျော်ခန့်ဝေးပြီး၊ ရခိုင်ပြည်နယ် မြောက် ပိုင်းကနေ ထွက်ပြေးလာတဲ့ ဘင်္ဂလီ ၂၅၀၀၀ ခန့် ခိုလှုံနေတယ်လို့ UNHCR ဒုက္ခသည် အေဂျင်စီရဲ့ စာရင်းတွေအရ သိရပါတယ်။

ဘင်္ဂလားဒေ့ရှ် ရဲတပ်ဖွဲ့တော့ ကျူးလွန်သူတွေဟာ ဒုက္ခသည်စခန်းထဲမှာပဲ ရှိနေနိုင်တယ်လို့ ယူဆပြီး ဆက်လက် စုံစမ်းစစ်ဆေးမှုတွေ လုပ်နေပါတယ်။

စခန်းရဲ့ အနေအထားဟာ အလွယ်တကူဝင်ထွက်နိုင်တဲ့အတွက် အလွယ်တကူ ကိုယ်ရောင်ဖျောက် သွားလို့ ရတယ်လို့ သိရပါတယ်။

ရခိုင်ပြည်နယ် မြောက်ပိုင်း ဘူးသီတောင်၊ မောင်တော၊ ရသေ့တောင် စတဲ့မြို့နယ်တွေက လုံခြုံရေး ကင်းစခန်းတွေကို ARSA လို့ အမည်ပေးထားတဲ့ ဘင်္ဂလီ အကြမ်းဖက်သမားတွေက တိုက်ခိုက်ပြီးတဲ့ နောက်မှာ မြန်မာတပ်မတော်နဲ့ လုံခြုံရေးတပ်ဖွဲ့တွေရဲ့ စစ်ဆင်ရေးတွေကြောင့် မွတ်စလင် ၅သိန်းခန့် ဟာ ဘင်္ဂလားဒေ့ရ်ှဘက်ကို ထွက်ပြေးခဲ့ရပါတယ်။

မကြာသေးမီက Reuters သတင်းမှာ ဖော်ပြချက်အရ ARSA အကြမ်းဖက်အဖွဲ့ဟာ မွတ်စလင်ရွာ သားတွေကို ရုရှားလုပ် AK – 47 မောင်းပြန်သေနတ်များ လက်နက်များ ပေးမယ်လို့ စည်းရုံးကာ မြန်မာအစိုးရတပ်စခန်းတွေကို တိုက်ခိုက်စေခဲ့တာဖြစ်တယ်လို့ သိရပါတယ်။
Did you find apk for android? You can find new Free Android Games and apps.

Topics: ဘင်္ဂလားဒေ့ရှ်