ဒုက္ခသည်တွေကို စစ်ဆေးပြီးမှလက်ခံမည်လို့ ၀န်ကြီးဦးသိန်းဆွေ ပြော 28 September 2017

အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ၀န်ကြီး ဦးသိန်းဆွေ ကို တွေ့ရစဉ်။ Photo: Win Ko Ko Latt/RFA

ရခိုင်ပြည်နယ်ကနေ ဘင်္ဂလားဒေ့ရ်ှနိုင်ငံကို ထွက်ပြေးသွားတဲ့ ဒုက္ခသည်တွေကို ပြန်လက်ခံဖို့အတွက် စိစစ်ရေးပုံစံတွေကို ပေးပို့ပြီးရရှိလာတဲ့ အချက်အလက်တွေကို လူဝင်မှုကြီးကြပ်ရေးဌာနမှာ ရှိတဲ့စာရင်းတွေနဲ့ တိုက်ဆိုင်စစ်ဆေးပြီးမှ လက်ခံသွားမယ်လို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ၀န်ကြီး ဦးသိန်းဆွေက ပြောပါတယ်။

နေပြည်တော်က သင်္ဂဟဟိုတယ်မှာ ဒီကနေ့ ကျင်းပတဲ့ ဒဿမအကြိမ်မြောက် ရွှေ့ပြောင်းအလုပ်သမားဆိုင်ရာ အာဆီယံအစည်းအဝေး ခေတ္တနားချိန်မှာ ၀န်ကြီးဦးသိန်းဆွေက ရခိုင်ပြည်နယ်ကနေ ဘင်္ဂလားဒေ့ရ်ှကို ထွက်ပြေးခိုလှုံနေသူတွေကို ပြန်လက်ခံဖို့ကိစ္စနဲ့ပတ်သက်ပြီး သတင်းထောက်တွေကို အခုလို ပြောတာဖြစ်ပါတယ်။

အထောက်အထားတွေ ပျောက်ဆုံး၊ ပျက်စီးတဲ့သူတွေကိုလည်း မြန်မာနိုင်ငံဘက်က ရှိတဲ့အထောက်အထားတွေ နဲ့ တိုက်ဆိုင်စစ်ဆေးမယ်လို့လည်း ပြောပါတယ်။

စိစစ်ရေးပုံစံတွေကို ဘယ်နေ့ပေးပို့မယ်ဆိုတာကို အတိအကျမပြောကြားခဲ့ပေမယ့် ၁၉၉၃ ခုနှစ်က မြန်မာ- ဘင်္ဂလားဒေ့ရှ် နှစ်နိုင်ငံသဘောတူညီချက်နဲ့အညီ ဆောင်ရွက်မယ်လို့ ဦးသိန်းဆွေက ပြောပါတယ်။

အဲဒီလိုစစ်ဆေးလက်ခံမယ့်သူတွေကိုလည်း National Verification Card ထုတ်ပေးသွားမှာဖြစ်ပြီး နိုင်ငံသားလျှောက်ထားလိုသူတွေ အနေနဲ့လည်း ၁၉၈၂ နိုင်ငံသားဥပဒေနဲ့အညီ လျှောက်ထားခွင့် ရှိတယ်လို့လည်း ဦးသိန်းဆွေက ပြောပါတယ်။

နိုင်ငံတကာမီဒီယာတွေနဲ့ ကုလသမဂ္ဂအဖွဲ့က မြန်မာနိုင်ငံကနေ ဘင်္ဂလားဒေ့ရ်ှနိုင်ငံကို ထွက်ပြေးသူ အရေအတွက် လေးသိန်းကျော်ပြီလို့ ခန့်မှန်းထားပေမယ့် မြန်မာဘက်က စာရင်းအတိအကျ မတွက်ချက် ရသေးဘူးလို့လည်း ဦးသိန်းဆွေက ပြောပါတယ်။

ဘင်္ဂလားဒေ့ရ်ှဘက်မှာ ခိုလှုံနေသူတွေကို တောင်ပြိုလက်ဝဲနဲ့ ငခူရမှာ စခန်းတွေဖွင့်ကာ လက်ခံသွားမှာဖြစ်ပြီး အဲဒီကိစ္စဆောင်ရွက်ဖို့အတွက် မြန်မာကျပ်ငွေ ၂ ဘီလီယံလောက် သုံးစွဲမယ်လို့လည်း သိရပါတယ်။

RFA Burmese