ကျွန်မ ကအဖေ့သမီးပဲ

( ၁ )
ကျွန်မ ကအဖေ့သမီးပဲ
ပြောရင်ပြောတဲ့အတိုင်းဖြစ်အောင်လုပ်တယ်
ဘယ်နှစ်ခါမှတ်ကျောက်တင်ပြရဦးမှာလဲ
ရှင်တို့တွေပဲ ပွန်းပဲ့ကုန်ပြီ
…
ကျွန်မ လား …
လက်နဲ့ထိလိုက်လို့ရွှေဖြစ်မသွားပေမယ့်
လက်ခုပ်တစ်ချက်တီးတိုင်း
ချိုးငှက်တစ်ကောင်ထပျံမယ်
ပန်းပွင့်တစ်ပွင့် ရှင်တို့ရှေ့မှာထပွင့်မယ်
…
ယူသွားစမ်းပါ …
ကျွန်မကမ္ဘာထဲက ကျွန်မပိုင်ဆိုင်သမျှ
…
ကျွန်မ အသားပဲ့ပါသွားတာမှ မဟုတ်တာ
လိုချင်သေးတယ်ဆိုရင်ပြော
ကျွန်မ ပြည်သူတွေအတွက်ဆို
ကျွန်မ နှလုံးသား တစ်ခုလုံး ( အသင့် )ထုတ်ထားပြီးပြီ
…
( ၂ )
ဘယ်သူပြောလဲ ရှင်တို့ကိုဘယ်သူပြောလဲ
မီးပုံထဲကိုတိုးဝင်တဲ့ ပိုးဖလံတွေအကြောင်း
ရှင်တို့ကိုဘယ်သူပြောသလဲ
…
ရှင်တုိ့ပါးစပ်တစ်ချက်ဟလိုက်တိုင်း
တစ်တောင့်ထွက်လာတဲ့ အဲ့ဒီကျည်ဆန်တွေ
ပါးရှစ်စိတ်ကွဲသွားမယ်
ဒီမယ် ဒီမယ် …
ကျွန်မ က မီးပုံထဲကခုန်ထွက်လာတာ
ရှင်တို့ခေါင်းတွေမော့ကြည့်လိုက်
မြင်လား .. အဲ့ဒါ ကျွန်မပဲ
…
( ၃ )
မကြောက်ပါနဲ့ …
ကျွန်မ ခြေလှမ်းတိုင်းက ဒိုင်းဆုိုတဲ့အသံမထွက်သလို
ရှင်တို့အာဏာကိုလက်နက်နဲ့အကြမ်းဖက်နေတာမှမဟုတ်တာ
…
မစိုးရိမ်ပါနဲ့ …
ခေါင်းပေါ်ရွက်ပြီးဈေးခေါ်နေရအောင်
ကျွန်မ နိုင်ငံကရောင်းကုန်တစ်ခုမဟုတ်ဘူး
ရှင်တို့တော်လွန်းလို့ဂုဏ်ပြုခံထားရတဲ့
LDC ထဲကနေခေါင်းပေါ်ရွက်ပြီး ဆွဲထုတ်မှာ
…
မပူပါနဲ့ …
ခါးကြားမှာသေနတ်ထိုးပြီး လက်အုပ်ချီနေတာမှမဟုတ်တာ
ခုတုံးလည်းမလုပ်ဘူး တုံးလည်းမခုဘူး
မီးဖိုချောင်ထဲကလက်တစ်စုံက ဘာသာရေးမီးတွေ
တောက်စေမတဲ့လား …
မှတ်ထားကြ နောက်ဘယ်တော့မှမလုပ်နဲ့
ရှင်တို့သေရင် သူတို့ကပဲသရဏဂုံတင်ပေးကြမှာ...
( ၄ )
အဲ့ဒီအစိမ်းတွေနောက်ကိုဆုတ်
မင်းတို့သေနတ်တွေခဏမောင်းဖြုတ်ထား
နေ နေ … လက်အုပ်မချီနဲ့
ဒါဖြစ်ရိုးဖြစ်စဉ်တစ်ခုပဲ ဒါလောကနိယာမပဲ
ဖိလွန်းရင်ကြွတာ သဘာဝပဲလေ
…
ကျောက်ဆောင်တွေတောင်လှိုင်းရိုက်ပါများရင်
ကွဲအက်ကုန်ကြသေးတာပဲ …
သူတုိ့ကသစ်ငုတ်တွေလေ တိုက်စရာမလိုပဲကိုနဲ့နေတာ
ရှင်တို့အတွက်တော့ အဏုမြူဓာတ်ပေါင်းဖိုကြီးပေါက်ကွဲသွားသလိုပေါ့
ကျွန်မအတွက်တော့
သာမန်ပူဖောင်းတစ်လုံးပေါက်ကွဲရုံပါပဲ
…
လွယ်တော့မလွယ်ဘူး ခက်သလားဆိုတော့လည်း
သေနတ်မပစ်တတ်ရင်ရပြီ
စိတ်ချပါ .. ရှင်တို့အရှုပ်တွေရှင်းဖို့ရောက်လာတာ
အေးအေးဆေးဆေးပဲဆင်းသွားတော့
ကျွန်မသာနောက်ကြောင်းပြန်တတ်မယ်ဆိုရင်
ဒီအချိန်မှာဒီနိုင်ငံက စစ်တလင်းဖြစ်နေလောက်ပြီ
…
( ၅ )
ကျွန်မ အတွက်တော့ တိုင်းပြည်ကိုထူထောင်တယ်ဆိုတာ
သစ်ပင်တစ်ပင်ကိုစိုက်ရသလိုပဲ
သေနတ်ထောက်ပြီးပွင့်ခိုင်းရင် ကျည်ဆန်တွေထွက်လာနိုင်သလို
မေတ္တာထောက်ပြီးပွင့်ခိုင်းရင်တော့
ချိုးငှက်တွေထွက်လာနိုင်တယ်
…
ဒီရေစီးကြောင်းထဲက လူတွေအကုန်
ဒီဘဝမှာ ဒီမျိုးဆက်တွေအတွက်
ဒီမိုကရေစီနိုင်ငံအိပ်မက်ကို ဖြစ်ချင်နေကြတာပဲ
ဒီမယ် … သူတို့အိပ်မက်တွေအတွက်
ဖန်တီးပေးနေရင်း ကျွန်မကမအိပ်ပဲကင်းစောင့်နေတာ
…
သိပ်လည်းမအံ့သြကြနဲ့ မထူးဆန်းပါဘူး
ကျွန်မ ကို အမေ လို့ခေါ်နေကြတာ မဆန်းဘူး
ဘယ်သူခေါ်ခေါ် ဘယ်နေရာမှာခေါ်ခေါ်
အဲ့ဒါကအရေးမကြီးဘူး ကြီးမားတဲ့အရေးတွေအတွက်
အမေ ရှိမှဖြစ်မယ်တဲ့ ( သူတုို့ကပြောတယ် )
…
( ၆ )
ကောင်းကင်ပေါ်ကနေဝုန်းခနဲကျလာတာမှမဟုတ်တာ
ကိုယ့်အထုပ်ကိုယ်ဖြည်ပြီးထွက်လာ
ကိုယ့်စရိတ်ကိုယ်စားပြီးရှင်သန်နေတာ
မယုံရင်အဲ့ဒီလူငယ်တွေကိုမေးကြည့်
ကျွန်မ အရိပ်ကအေးတယ် နွေးတယ်တဲ့
…
ခလုတ်ထိမှပဲအမိတ တ ဘူသီးမှပဲအရီးတော် တော်
ကျွန်မ မေတ္တာရိပ်အောက်မှာ
ဘယ်အမြင်နဲ့ကြည့်ကြည့် အလင်းပဲမြင်ရမယ်
ဘယ်နားနဲ့ပဲထောင်ထောင် ချိုးငှက်သံပဲကြားရမယ်
…
ဘယ်ဘုရားမှ ဗျာဒိတ်မပေးခဲ့သလို
ဘယ်ဘုရားမှ နမိတ်ဖတ်မသွားဘူး
သံသရာအဆုံးဟာ နိဗ္ဗာန်ဆိုရင်
အာဏာရှင်အဆုံးဟာ ဒီမိုကရေစီစနစ်ပဲ
…
ကျွန်မ ကိုကြောက်စရာမလိုပါဘူး
ကျွန်မ ရှင်တို့ကိုသေနတ်ထောက်မထားဘူး
အတိတ်ကိုပြန်တူးဆွနေရင်
ရှင်တို့အရိပ်တွေ ရှင်တို့ပြန်ကြောက်နေရမှာပေါ့
လက်စားချေတယ်ဆိုတာ ရှင်တို့အတွက်သမုဒ္ဒရာကြီးဆိုရင်
ကျွန်မ အတွက်တော့ ရေအိုင်ငယ်တစ်ခုထက်မပိုဘူး
....
( ၇ )
ကျွန်မ ဘာလဲ ကျွန်မ ဘယ်လိုလူလဲ
လူတိုင်းကိုလိုက်ရှင်းပြမနေနိုင်ဘူး
ကျွန်မ ကိုယ့်ထမင်းကိုယ်စားပြီးဒီနေရာကိုရောက်လာသလို
ကျွန်မ စိုက်ခဲ့သမျှ ကျွန်မပြန်ရိတ်သိမ်းရမှာပဲ
ဘာမှစိတ်မပူနဲ့ရယ် …
သူတို့ကြောင့် ကျွန်မ အားတွေရှိသလို
ကျွန်မ ကြောင့်သူတို့တွေအားရှိတယ်
…
မြင်ဖူးအောင်ကြည့်ထား အရိုးစွဲနေအောင်မှတ်ထား
ယုံကြည်မှုတည်ဆောက်ဖို့ဆိုတာ ကျည်ထိုးရတာလောက်မလွယ်ဘူး
ဒီမယ် … ရှင်တို့ပြောပြောနေတဲ့
အဲ့ဒီလောကဓံရှစ်ပါး ပါးရှစ်စိတ်ကွဲသွားမယ်
ကျွန်မ အတွက်တော့ ဒူးဆိုတာထောက်ဖို့မဟုတ်ဘူး
…
( ၈ )
မိန်းမဆန်စွာနဲ့သတိတရားကိုမောင်းတင်ထားရသလို
မိန်းမဆန်စွာနဲ့လည်း ပန်းတစ်ပွင့်ပန်ထားတယ်
…
ဖြတ်နင်းသွားကြပါ ဒီလမ်းကိုလျောက်
ဒီပန်းတိုင်ကိုရောက်ဖို့ကျွန်မအသွေးအသားတွေကိုသာမက
ကျွန်မဘဝတစ်ခုလုံးခင်းပေးထားတာပဲ
အားမနာပါနဲ့ ကျွန်မက အမေလေ
…
တစ်ချို့တွေသောင်ထွန်းဖို့
ကျွန်မကမ်းပါးကိုကျွန်မကိုယ်တိုင်ဖြိုခဲ့ရတယ်
တစ်ချို့တွေအလင်းရဖို့
ကျွန်မကိုယ်ကျွန်မလောင်ကျွမ်းပေးခဲ့ရတယ်
မယုံသေးရင်သမိုင်းကိုပြန်လှန်ကြည့်
မာတိကာမှာ ကျွန်မနာမည်တွေချည်းပဲ
…
လိုက်ရှာမနေနဲ့ …
ဘယ်သူမှမတင်မြောက်ပဲ ကျွန်မဒီနေရာကိုရောက်မလာဘူး
လူထုခေါင်းဆောင်ဆိုတဲ့ နာမည်အတွက်ကျွန်မအသင့်
မယုံရင်ရှင်တို့အရိပ်တွေပြန်ကြည့်
ရှင်တို့ရှေ့မှာကျွန်မခြေလှမ်းတွေ
…
( ၉ )
အဲ့ဒီအတွက် ကျွန်မမှာဥတုသုံးပါးမရှိဘူး
လာမယ်ဆိုရင်ပြော ဆူးတွေရှင်းပြီးပန်းတွေခင်းထားပေးမယ်
ဒါက ကျွန်မ ရဲ့ဒုက္ခသစ္စာပဲလေ
…
ကဲ မြင်ပြီလား …
ပြီးပြည့်စုံတဲ့မေတ္တာတရားကအရာရာကို အောင်နိုင်တယ်ဆိုတာ
မယုံသေးရင်မေးကြည့် ကျွန်မမေတ္တာရိပ်အောက်မှာ
တစ်ချို့တွေ ကမ္မဝါဖတ်စရာမလိုပဲ ကိုယ့်အရိပ်ကိုယ်ပြန်ကြောက်နေကြပြီ
…
အခုမှစတာပါ ဒါကနိဒါန်းပါ
တကယ်တော့ ဒီကမ်းစပ်ကိုရောက်ဖို့
တစ်ခါတစ်လေ ကျွန်မ ကလှေတစ်စင်း
တစ်ခါတစ်လေတော့ လှိုင်းလုံးကြီးပေါ့
ကိစ္စမရှိဘူးရယ် မုန်တိုင်းတွေကြောက်နေရင်
ဒီနိုင်ငံကိုဘာလို့ ပင်လယ် ထဲခေါ်သွားတော့မလဲ
စိတ်သာချ ကျွန်မကိုယ်တိုင် မာလိန်မှူး
ကျွန်မကိုယ်တိုင် လှေတစ်စင်း ကျွန်မကိုယ်တိုင် ပင်လယ်ကြီး
…
ဒီမြတ်ငြိမ်း
Khant Naing