၂၁ ရာစု ပင်လုံညီလာခံ အောင်မြင်ကြောင်း ညီလာခံကိုယ်စားလှယ်များပြောကြား

NCA အရ နိုင်ငံရေးဆွေးနွေးမှုရလဒ်များကို ပြည်ထောင်စုသဘောတူစာချုပ် အစိတ်အပိုင်းအဖြစ် ပထမဆုံးချုပ်ဆို တစ်နိုင်ငံလုံးပစ် ခတ်တိုက်ခိုက်မှု ရပ်စဲရေးသဘောတူစာချုပ် (NCA)အရ နိုင်ငံရေး ဆွေးနွေးမှု ရလဒ်များကို ပြည် ထောင်စုသဘောတူစာချုပ် အ စိတ်အပိုင်းတစ်ရပ်အဖြစ် ပထမ ဆုံးအကြိမ် မေလ ၂၉ ရက်က ချုပ်ဆိုခဲ့သည်။ြ ပည်ထောင်စုငြိမ်းချမ်းရေး ညီလာခံ-၂၁ ရာစု ပင်လုံဒုတိယ အစည်းအဝေးကို မေလ ၂၄ ရက် မှ ၂၉ ရက်အထိ နေပြည်တော်၌ ကျင်းပခဲ့ပြီး ညီလာခံတွင် ဆွေး နွေးအတည်ပြုသဘောတူခဲ့သည့် နိုင်ငံရေးဆိုင်ရာမူဝါဒ အဆိုပြု ချက် ၁၂ ချက်၊ စီးပွားရေးဆိုင်ရာ မူဝါဒ ၁၁ ချက်၊ လူမှုရေးဆိုင်ရာ မူဝါဒလေးချက်၊ မြေယာနှင့် သဘာဝပတ်ဝန်းကျင်ဆိုင်ရာ မူဝါဒ ၁၀ ချက် စုစုပေါင်း ၃၇ ချက်ကို ပြည်ထောင်စုသဘောတူ စာချုပ် အစိတ်အပိုင်း (၁)အဖြစ် သတ်မှတ်ချုပ်ဆိုခဲ့သည်။

ပြည်ထောင်စု သဘောတူစာချုပ်အဖြစ် ချုပ်ဆိုရာတွင် အစိုးရ အစုအဖွဲ့ကိုယ်စားလှယ် ဒေါက် တာတင်မျိုးဝင်း၊ လွှတ်တော်အစု အဖွဲ့ကိုယ်စားလှယ် ဦးထွန်းထွန်း ဟိန်၊ တပ်မတော်အစုအဖွဲ့ကိုယ် စားလှယ် ဒုတိယဗိုလ်ချုပ်ကြီး တင်မောင်ဝင်း၊ တိုင်းရင်းသား လက်နက်ကိုင်အဖွဲ့အစည်းများ အစုအဖွဲ့ကိုယ်စားလှယ် ပဒိုစော ကွယ်ထူးဝင်းနှင့် နိုင်ငံရေးပါတီ အစုအဖွဲ့ကိုယ်စားလှယ် ဦးသုဝေ တို့က လက်မှတ်ရေးထိုးခဲ့သည်။

ပါဝင်သင့် ပါဝင်ထိုက်သူ များ ကိုယ်စားလှယ်များဖြစ်သည့် ဦးကျော်ဝင်း၊ သိက္ခာတော်ရ ဆရာတော် တလွန်ကျဲအို၊ မိုင်းထွန်း မြိုင်၊ တိုင်းရင်းသားကိုယ်စား လှယ်များဖြစ်သည့် ဦးထုံဖူးဒဂုဏ်၊ခွန်သန်းမြင့်၊ ဦးထွန်းအောင်ကျော် တို့က အသိသက်သေများအဖြစ် လက်မှတ်ရေးထိုးခဲ့သည်။

ပြည်ထောင်စု သဘောတူ စာချုပ် အစိတ်အပိုင်း (၁) အပါ အဝင် ဆက်လက်ဆွေးနွေးပြီး အ ဆင့်ဆင့်ရရှိလာမည့် သဘောတူ ညီချက် အစိတ်အပိုင်းအားလုံးကို စုစည်း၍ ပြည်ထောင်စုသဘော တူစာချုပ်အဖြစ် လက်မှတ်ထိုး မည်ဖြစ်ကြောင်း ယင်းစာချုပ်တွင် ဖော်ပြထားသည်။

‘‘ပထမဆုံးအနေနဲ့ ပြောချင် တာကတော့ ဒီကနေ့ လက်မှတ် ရေးထိုးနိုင်ခဲ့တဲ့ သဘောတူညီ ချက်တွေဟာ အမျိုးသားရင်ကြား စေ့ရေး၊ ငြိမ်းချမ်းရေး၊ ဒီမိုကရေစီ ဖက်ဒရယ်ပြည်ထောင်စုပေါ်ထွန်း ရေး လမ်းကြီးအပေါ် လျှောက် လှမ်းလိုက်တဲ့ အရေးကြီးတဲ့ ခြေ လှမ်းကြီးဖြစ်ပါတယ်။ ဒီခြေလှမ်းလှမ်းနိုင်ဖို့။ သဘောတူညီချက် တွေကို လွယ်လွယ်ကူကူ ရရှိခဲ့ တာတော့ မဟုတ်ပါဘူး။ ငြိမ်းချမ်းရေးဖြစ်စဉ်မှာ စိတ်ဓာတ်ကျစရာ တွေ၊ စိတ်ဓာတ်တက်ကြွစရာ တွေ ကျော်ဖြတ်ပြီးမှ အခုလိုရရှိ လာခဲ့တာ ဖြစ်ပါတယ်’’ဟု နိုင်ငံ တော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လက် မှတ်ရေးထိုးပွဲအခမ်းအနားတွင် ပြောသည်။

ဖက်ဒရယ်ဆိုသည့် စကား ရပ်ကို ပြောဆိုရန်ခက်သည့် အ ခြေအနေမှ ၂၁ ရာစု ပင်လုံညီလာ ခံတွင် ဒီမိုကရေစီနှင့် ဖက်ဒရယ် စနစ်ကို ဦးတည်သည့် အခြေခံမူ များ စတင်ဆွေးနွေးအတည်ပြု သဘောတူညီနိုင်ခြင်းသည် နိုင်ငံ အတွက် ကြီးမားသည့် တိုးတက် မှုဖြစ်ပြီး တိုင်းရင်းသားညီအစ်ကို မောင်နှမများအကြား အတိုင်းအ တာတစ်ခုအထိ ယုံကြည်မှုတည် ဆောက်နိုင်ခဲ့ခြင်းဖြစ်သည်ဟု တပ်မတော်ကိုယ်စားလှယ် ဒုတိ ယဗိုလ်ချုပ်ကြီး ရာပြည့်က ပြော ကြားသည်။

ညီလာခံတွင် တိုင်းရင်းသား များလိုလားသည့် ကိုယ်ပိုင်ပြဋ္ဌာန်းခွင့်ဆိုင်ရာ အချက်များအပါအ ဝင် အရေးကြီးသည့်အချက်များ ဆွေးနွေးသဘောတူညီမှု မရရှိ သေးသော်လည်း ခြုံကြည့်မည်ဆို ပါက ကြီးမားသည့် အောင်မြင်မှု ဖြစ်မည်ဟု တိုင်းရင်းသားလက် နက်ကိုင်အစုအဖွဲ့ကိုယ်စားလှယ် တစ်ဦးဖြစ်သူ ချင်းအမျိုးသားတပ် ဦး (CNF) ဒုဥက္ကဋ္ဌ ဒေါက်တာလျန် မှုန်းဆာခေါင်းက ပြောသည်။

‘‘ဒါက အင်မတန်မှ ကြီးမား တဲ့ အောင်မြင်မှုလို့ ပြောချင်ပါ တယ်။ ဘာဖြစ်လို့လဲဆိုရင် ကျွန် တော်တို့ NCA စာချုပ်ချုပ်တယ်။ NCA စာချုပ်အရ နိုင်ငံရေးလမ်းပြ မြေပုံဆွဲတယ်။ အဲဒီနိုင်ငံရေးလမ်း ပြမြေပုံအရဆိုရင် အဆင့် (၅) ကို ရောက်နေတာဖြစ်တယ်။ NCA စာချုပ်ချုပ်ပြီးပြီ။ နိုင်ငံရေးဆွေး နွေးမှုဆိုင်ရာ မူဘောင်ရေးပြီးပြီ။ အမျိုးသားအဆင့် နိုင်ငံရေးဆွေး နွေးပွဲ ကျင်းပပြီးပြီ။ ပြီးတော့ ပြည်ထောင်စုငြိမ်းချမ်းရေးညီလာခံ ကျင်းပပြီးပြီ။ ပြီးတော့ ညီလာခံ ရလဒ်အနေနဲ့ ပြည်ထောင်စု သဘောတူစာချုပ်ချုပ်နိုင်တာ နိုင်ငံရေးဆွေးနွေးမှု တစ်ဆင့်ပြီး တစ်ဆင့်သွားတာ။ အဲဒီဖြစ်စဉ် ဒီလောက်အထိ စွမ်းဆောင်နိုင် တယ်ဆိုတာကိုက အင်မတန်မှ ကြီးမားတဲ့ အောင်မြင်မှုဖြစ် တယ်။ ရလဒ်ကလည်း ကောင်းပါ တယ်’’ဟု ဒေါက်တာလျန်မှုန်းဆာ ခေါင်းက ပြောသည်။

ယခု ညီလာခံသို့ အမျိုးသား အဆင့် နိုင်ငံရေးဆွေးနွေးပွဲရလဒ် များကို စုစည်းထားသည့် အချက် ၄၅ ချက်ကို တင်သွင်းဆွေးနွေး ရာ ၃၇ ချက် သဘောတူပြီး ကျန် အချက်များ မပြေလည်ခဲ့သော် လည်း ညီလာခံအောင်မြင်မှုရ ကြောင်း နိုင်ငံရေးပါတီ ကိုယ်စား လှယ်များက ပြောသည်။

‘‘အရင်ညီလာခံတွေတုန်း က ဆုံးဖြတ်ချက်မရှိဘူး။ အခု ညီလာခံမှာ ဆုံးဖြတ်ချက်ရှိတယ်။ ပြည်ထောင်စုအတွက် စာချုပ်ချုပ်ဆိုတဲ့ ပဋိညာဉ်တွေလည်းရတယ် ဆိုတော့ ဒါဟာ တိုးတက်တယ်၊ အောင်မြင်တယ်လို့ ပြောနိုင် တယ်။ သဘောမတူတာတွေထဲ မှာ အများအားဖြင့် ပြန်လည်ညှိ နှိုင်းဆွေးနွေးဖို့ဆိုတဲ့ မှတ်ချက်ရှိ တယ်။ ဒီညီလာခံပြီးသွားရင် နောက်ညီလာခံတွေမှာ ဆက်ပြီး တော့ ညှိနှိုင်းရမှာ’’ဟု နိုင်ငံရေး ပါတီ အစုအဖွဲ့ကိုယ်စားလှယ် ဦးသုဝေက ပြောသည်။

       ‘‘ညီလာခံ ရလဒ်ဆိုတာထက် ဒီညီလာခံအောင်မြင်စွာ ပြီးသွား တာ အဓိက အရေးကြီးဆုံး။ ဘာ ဖြစ်လို့လဲဆိုရင် ငြိမ်းချမ်းရေးက အဆင့်ဆင့်သွားနေတာ။ ဒါကို မကျော်နိုင်လို့ရှိရင် ရှေ့မှာ သွား လို့မရဘူး။ ဒါကြောင့် ဒါအောင် မြင်မှုလို့ ခြုံပြီးပြောလို့ရတယ်’’ဟု လက်ရှိအာဏာရပါတီ NLD ဗဟိုအလုပ်အမှုဆောင်အဖွဲ့ဝင် ဦးဉာဏ်ဝင်းက ဆိုသည်။

NCA အရ ကျင်းပသည့် ၂၁ ရာစု ပင်လုံညီလာခံကို ခြောက် လတစ်ကြိမ် ကျင်းပရန် သတ် မှတ်ထားသည်။ နိုင်ငံရေးဆွေး နွေးမှုဆိုင်ရာ မူဘောင်အရ ၂၁ ရာစု ပင်လုံအစည်းအဝေး သဘောတူညီချက်များကို ပြည် ထောင်စုသဘောတူစာချုပ်အဖြစ် ချုပ်ဆိုပြီး ပြည်ထောင်စုလွှတ် တော်သို့ တင်သွင်းအတည်ပြုချက် ရယူရမည်ဖြစ်သည်။ လွှတ်တော် တွင် အတည်ပြုချက်ရယူပြီးပါက ပြည်ထောင်စုသဘောတူစာချုပ် ပါ သဘောတူညီချက်များ အ ကောင်အထည်ဖော်ခြင်းလုပ်ငန်း များ ဆောင်ရွက်မည်ဖြစ်သည်။