သမ္မတ ဦးထင်ကျော် မ်ိန့်ခွန်းအပေါ် နိုင်ငံရေးသမားနှင့် အနုပညာရှင် တချို့၏ အမြင်များ

နိုင်ငံတော် သမ္မတ ဦးထင်ကျော် က ယနေ့ နံနက်ပိုင်းက ကျင်းပပြုလုပ်သည့် ပြည်ထောင်စု လွှတ်တော် ၁၅ ရက်မြောက်နေ့ အစည်းအဝေး တွင် မိန့်ခွန်းပြောကြားခဲ့သည်။ သမ္မတ ဦးထင်ကျော် ၏ မိန့်ခွန်းတွင် ဖွဲ့စည်းပုံအခြေခံဥပဒေပြင်ဆင်ရေး ကို အဓိက အလေးပေးပြောကြားခဲ့သလို ပြည်တွင်းငြိမ်းချမ်းရေး၊ အမျိုးသားရင်ကြားစေ့ရေးနှင့် ပြည်သူလူထု ၏ လူနေမှု အဆင့်အတန်းမြင့်မားရေးကိစ္စ တို့ကိုလည်း ထည့်သွင်းပြောကြားခဲ့သည်။

သမ္မတ ဦးထင်ကျော် ပြောကြားခဲ့သည့် မိန့်ခွန်းနှင့် ပတ်သက်၍ ပြည်သူ့လွှတ်တော် နှင့် အမျိုးသားလွှတ်တော်မှ ကိုယ်စားလှယ်များ၊ တိုင်းရင်းသားပါတီ ကိုယ်စားပြု ကိုယ်စားလှယ်များ နှင့် လွှတ်တော်လုပ်ငန်းစဉ်များအား လာရောက် လေ့လာသုံးသပ်သူများကို ဧရာဝတီ နေပြည်တော် သတင်းထောက် ထက်နိုင်ဇော် က တွေ့ဆုံမေးမြန်းထားပါသည်။

ဒေါ်ထုမေ (အမျိုးသား လွှတ်တော် ကိုယ်စားလှယ်)
ရခိုင်အမျိုးသား ပါတီ (ANP)

ဒေါ်ထုမေ

မိန့်ခွန်းက တိုတိုတုတ်တုတ်နဲ့ လိုရင်း ကို ရပါတယ်။ နောက်တခုက ကျမတို့ တိုင်းရင်းသားတွေအတွက် အဓိက မူဝါဒ ၃ ခုမှာ ဖက်ဒရယ် ဒီမိုကရေစီကို ထည့်ပြောသွားတယ်။ တတိယ တခုဖြစ်တဲ့ ဖက်ဒရယ် ဒီမိုကရေစီ အရေးက တိုင်းရင်းသားတွေ အတွက် အကောင်းဆုံးသော အရာ ဖြစ်ပါလိမ့်မယ်။ နောက်တခုက ဖွဲ့စည်းပုံ အခြေခံ ဥပဒေ ပြင်ဆင်ရေးနဲ့ အမျိုးသား ရင်ကြားစေ့ရေးကို ပြောသွားတဲ့ အဓိက အချက်တွေကနေ ပြီးတော့ မြန်မာနိုင်ငံအတွက် မရှိမဖြစ် လိုအပ်တယ်လို့ ယူဆပါတယ်။
ဦးလာမာလေး (ဆော့လောမြို့နယ် ပြည်သူ့လွှတ်တော် ကိုယ်စားလှယ်)
လီဆူ အမျိုးသား ဖွံ့ဖြိုးတိုးတက်ရေးပါတီ(ဒူးလေးပါတီ)

ဦးလာမာလေး

သူ (ဦးထင်ကျော်) ပြောသွားတာကတော့ တိုင်းရင်းသား ရင်ကြားစေ့ရေး၊ ငြိမ်းချမ်းရေးနဲ့ နောက်တခုကတော့ ပြည်သူရဲ့ အခြေခံ လူမှုဘဝ ဖွံ့ဖြိုး တိုးတက်ရေးပေါ့နော်။ သူ အဲဒီလို အချက်တွေ အများကြီး ပြောသွားတယ်။ ဒါပေမယ့် ကျနော်တို့ အနေနဲ့ ကတော့ လောလောဆယ် ထင်မြင်ချက်ကတော့ ကောင်းတယ်၊ မကောင်းဘူးဆိုတာထက် သေချာလေ့လာ စူးစမ်း စောင့်ကြည့်ရဦးမယ်။ သူက ဒီနေ့မှာ သမ္မတ အဖြစ် ကျမ်းသစ္စာ ကျိန်ဆိုပြီး သမ္မတဖြစ်ကာစဆိုတော့ အခုက ဘာမှမလုပ်ရသေးတဲ့ အပေါ်မှာတော့ သုံးသပ်ချက် မပြောချင်သေးဘူး။ တိုင်းရင်းသား ရင်ကြားစေ့ရေးလို့ ပြောတဲ့ အပေါ်မှာလည်း စောင့်ကြည့် လေ့လာပါဦးမယ်။
ဦးဥာဏ်ဝင်း (NLD ပါတီ ပြောခွင့်ရ ပုဂ္ဂိုလ်)

ဦးဥာဏ်ဝင်း

ဦးထင်ကျော် ပြောခဲ့တဲ့ကိစ္စတွေ အပေါ်မှာ ထပ်မံ အတည်ပြုသွားတဲ့ သဘောပဲ။ သူ သစ္စာရှိရှိ လုပ်မယ်လို့ ဒါကို ပြောတာ။ ဖွဲ့စည်းပုံ ပြင်ဆင်ရေးကိစ္စကလည်း တောက်လျှောက်ပါနေမှာဘဲ။ ကျနော်တို့ ဒီကိစ္စကို ဘယ်တော့မှ လက်မလျှော့ပါဘူး။ ငြိမ်းချမ်းရေး ကိစ္စ ပြောသွားတယ်။ ငြိမ်းချမ်းရေးက အရေးကြီးတဲ့ လုပ်ငန်းပဲ။ ငြိမ်းချမ်းရေးနဲ့ တိုင်းရင်းသား ကိစ္စကလည်း တွဲပြီးတော့ ပါနေမှာပဲ။ ကျနော်တို့ အမြဲတန်း ဂရုစိုက်နေရတဲ့ ကိစ္စလို့ ပြောလို့ရတယ်။
အနဂ္ဂ (အဆိုတော်)

အနဂ္ဂ

သမ္မတ မိန့်ခွန်း ပြောသွားတာ အချက်အလက်တွေ တော်တော်စုံပြီးတော့ တိုတိုတုတ်တုတ်နဲ့ ပြတ်သားတယ်။ မြန်ဆန်တယ်။ ပြီးတော့ သဘောကျတယ်။ အားလုံးကတော့ အကုန်ဝိုင်းလုပ်ရမယ့် ကိစ္စတွေပါ။ ကျနော်တို့က ဘေးနားကနေ ဂျာနယ်လေး ဖတ်ရုံ၊ သတင်းလေး ကြည့်ရုံလောက်နဲ့ ဘာမှ ပြင်ဆင်နိုင်မှာ မဟုတ်ဘူး။ ကျနော်တို့ ဘေးနားကနေ ဝိုင်းလုပ်မှ ဒါတွေက ဖြစ်လာမှာပါ။ အစိုးရ အဖွဲ့အစည်း က လူတွေကလည်း လုပ်ဆောင်ဖို့ လိုသလို ပြည်သူတွေကလည်း ဘေးနားကနေ ၀ိုင်းဝန်း တွန်းအားပေးရမှာပါ။
ဦးလမန်နော်အောင်
အင်ဂျားယန်မြို့နယ် ပြည်သူ့လွှတ်တော် ကိုယ်စားလှယ်
ကချင်ပြည်နယ် ဒီမိုကရေစီ ပါတီ

ဦးလမန်နော်အောင်

ဖက်ဒရယ် ပြည်ထောင်စု စနစ် ပေါ်ထွန်းအောင်လို့ ကြိုးစားမယ်ဆိုတော့ ဒါက ကျနော်တို့ တိုင်းရင်းသားတွေ လိုချင်တဲ့ အရာပါ။ ဒါပေမယ့် ကျနော်တို့ ဖွဲ့စည်းပုံ အခြေခံ ဥပဒေအရ ဆိုရင်တော့ သူ လုပ်ချင်သလောက်တော့ လုပ်လို့ရမယ်လို့ မထင်ဘူး။ ဖွဲ့စည်းပုံ ပြင်ဆင်ရေးကိုလည်း ဖြစ်စေချင်တယ်။ အဲဒါမှ တိုင်းရင်းသားတွေရဲ့ အခွင့်အရေး၊ ပြည်နယ်တွေရဲ့ လုပ်ပိုင်ခွင့်တွေ ပိုပြီးတော့ ရလာမယ်လို့ ထင်ပါတယ်။

စာရေးဆရာ ချစ်ဦးညို

“သိုသိုသိပ်သိပ်နေတတ်တယ်။ ရိုး ဂုဏ်ရှိတယ်။ စာရေးဆရာ ဖြစ်တယ်။ အရပ်သားဖြစ်တယ် ။ မျိုးရိုးကောင်းတယ်။ စသည် ပြီးတော့ သူ ကျမ်းကျိန်တဲ့ မိန့်ခွန်းထဲမှာပြောသွားတာရှိသေးတယ်။ ဒီမိုကရေစီ စံချိန်စံညွှန်းများနဲ့အညီ ဖြစ်အောင် အခြေခံဥပဒေကို ရေးဆွဲဖို့ရှိပါတယ် ဆိုတာကလည်း အင်မတန်အားကိုးစရာကောင်းတဲ့ စကားပဲ ။ အဲလိုအကြောင်းပေါင်းများစွာ ပြန်ကြည့်တဲ့အခါမှာ ဦးထင်ကျော်သမ္မတဖြစ်ခြင်းဟာ လူသာဓုခေါ်၊ နတ်သာဓုခေါ် အကြောင်းအရာတခုဖြစ်တယ်လို့ပြောချင်ပါတယ်။”

ရန်ကုန်မြို့ခံ ကိုညီ

“ဒီနေ့တော့ အထွေအထူးပြောစရာမလိုဘူး ဘာဖြစ်လို့လဲဆိုတော့ ကိုယ်လိုချင်တဲ့ ရလဒ်တခုကိုရတဲ့အတွက် စိတ်အချမ်းသာဆုံးပဲ အပျော်ရွှင်ဆုံးပဲ ဘ၀မှာ ဒီထက်ပျော်တာ ဘာမှမရှိဘူး။

ဈေးကွက်ဖြန့်ချီရေးတာဝန်ခံ မစုလဲ့ဖြူ

“ပထမဦးဆုံးအနေနဲ့တော့ အမတို့ ၀မ်းသာတာပေါ့နော်။ ဒါ့အပြင် သူ့ဘက်က အမတို့မျှော်လင့်တာက ကြီးမားတဲ့ပြောင်းလဲမှုပေါ့။ ဒါပေမယ့် ကြီးမားတဲ့ပြောင်းလဲမှုဆိုတဲ့နေရာမှာ အဓိကတော့ ဒါအများလည်းသိကြတဲ့အတိုင်းပေါ့ ပညာရေးနဲ့ ကျန်းမာရေး ကဏ္ဍမှာ ကောင်းမွန်တဲ့ပြောင်းလဲမှုတွေလုပ်ဖို့အတွက် အမတို့ကမျှော်လင့်တယ်။ ပြီးတော့ သမ္မတကြီး ဦးထင်ကျော် သမ္မတဖြစ်လာတဲ့အပေါ်မှာလည်း ကြိုဆိုတယ်။ အကောင်းတွေဖြစ်လာမယ်လို့လည်း မျှော်လင့်ထားတယ်ပေါ့။ ပြီးတော့ အမတို့က တောင်သူနဲ့ ပတ်သက်တဲ့ ကဏ္ဍတွေမှာလည်း ပြောင်းလဲလာမယ်လို့မျှော်လင့်တယ်။ ဒါတောင်သူဆိုတာ အမတို့ရဲ့ ကျေးဇူးရင်ပဲလေ။ ဒါကြောင့် တောင်သူတွေရဲ့ အခန်းကဏ္ဍကိုလည်း လစ်လျှူမရှု့ထားစေချင်ဘူး လို့ အမက ထင်တယ်ပေါ့လေ။

အငှားယာဉ်မောင်း ဦးမောင်မောင်လွင်

“ဒီနိုဝင်ဘာလမှာ ကျင်းပခဲ့တဲ့ ရွေးကောက်ပွဲအနိုင်ရတဲ့ NLD ပါတီက တင်မြှောက်ခဲ့တဲ့ အရပ်သားစစ် စစ် သမ္မတတယောက် ။ ကျနော်တို့မျှော်လင့်ခဲ့တဲ့ သမ္မတတယောက်ကို အခုအချိန်မှ ပထမဆုံးတာဝန်ထမ်းဆောင်ရမှာဆိုတော့ ကျနော့်အနေနဲ့ရော၊ မြန်မာပြည်သူတွေအားလုံးအတွက်ရောအများကြီးဝမ်းသာပါတယ်။

အငြိမ်းစားဝန်ထမ်း ဦးထွန်းကျော်

“အရပ်သားအစိုးရ စစ်စစ်ပေါ့ အခု သမ္မတအနေနဲ့ဆိုတော့ ကျနော်တို့ကတော့ ပွင့်လင်း မြင်သာမှုရှိလာမယ်။ နောက်ပြီးတော့ ကျနော်တို့ နိုင်ငံက စီးပွားရေး ကိစ္စမှာလည်း ပွင့်လင်းမြင်သာမှုရှိလာမယ်။ နောက်ပြီးတော့ တခြားနိုင်ငံတွေက ရင်းနှီးမြုပ်နှံလို့ လုပ်တဲ့ အလုပ်တွေရှိတယ်။ ဥပမာ အိမ်နီးနားချင်းနိုင်ငံကပဲ အဲဒီကိစ္စတွေလည်း ပွင့်လင်းလာမယ်။ နောက်ပြီးတော့ တိုင်းနဲ့ပြည်နယ်တွေကလည်း တိုးတက်လာမယ်လို့ အများကြီးယုံကြည်တယ်။

ရန်ကုန်မြို့ခံ ဦးကောက်

“အခုဟာက အစိုးရကိုလည်းပြောလို့မရဘူး။ ကျနော်တို့ပြည်သူတွေကိုလည်း ပြောလို့မရဘူး။ နှစ်ဖက် ကောင်းရမယ်။ မင်းလဲကောင်းရမယ် ပြည်သူတွေလည်းကောင်းရမယ်။ နှစ်ဖက်လုံးက ကောင်းမှ ဒီတိုင်းပြည်က တိုးတက်မှာပါ။ မင်းပဲ ကောင်းလို့မရဘူး။ ပြည်သူတွေပဲကောင်းလို့မရဘူး။ အခုက ပြည်သူတွေကမကောင်းဘူး အခုဒီမင်းက လောလောဆယ် ကျနော်တို့က မဆက်ဆံရသေးတော့ မသိသေးလို့ပါ။ ကောင်းဖို့ကတော့ များပါတယ် ဘာဖြစ်လို့လဲဆိုတော့ သူ့လုပ်ဆောင်ချက်တွေအကုန်လုံးက အများပြည်သူတွေ့အောင် သူလုပ်ပေးသွားတယ်။ အဲဒါကြောင့်ကောင်းဖို့အတွက်က percentage များပါတယ်။ လုံးဝ ယုံကြည်ပါတယ်။”

အငှားယာဉ်မောင်း ဦးလှဝင်းစိုး

“သမ္မတကို ပြည်သူလူထု လက်လုပ်လက်စားတွေပေါ့နော် ၊ အောက်လက်ငယ်သားတွေအဆင်ပြေအောင်လို့ လုပ်ပေးနိုင်အောင်လို့ ကြိုးစားစေချင်ပါတယ်။”

ရန်ကုန်မြို့ခံ ကိုညီ

“အခုဟာက ကျနော်တို့ ပြည်သူပြည်သားတွေဟာ ဒေသတွင်းနိုင်ငံတွေအားလုံးမှာဆိုရင်တော့ အဆင်းရဲဆုံးနိုင်ငံဖြစ်တယ်ပေါ့နော်။ အဲတော့ ပြည်သူတွေဆင်းရဲမှုကနေ တိုးတက်လာတဲ့ ဘ၀လေးဖြစ်အောင်တော့ ဘက်ပေါင်းစုံကနေ စီစဉ်ဆောင်ရွက်ပေးစေချင်တာပေါ့နော်။”

အငြိမ်းစားဝန်ထမ်း ဦးထွန်းကျော်

“ကျနော်ကတော့ အဓိက ပထမဆုံး နိုင်ငံတနိုင်ငံ တိုးတက်ဖို့ဆိုတာကတော့ တိုင်းပြည်တခုလုံးမှာဖြစ်နေတဲ့ လက်နက်ကိုင် ငြိမ်းချမ်းရေးပေါ့လေ။ အဲဒီကိစ္စကို ပထမဆုံးကျနော်တို့က ငြိမ်းငြိမ်းချမ်းချမ်းဖြစ်သွားဖို့အတွက် ဆက်ပြီးတော့ အဲဒါကို အကောင်းဆုံးလုပ်စေချင်တယ်။”