"ကျနော်က နိုးလို့ မပြောပါဘူး။ ဒါကတော့ ဥပဒေနဲ့အညီပဲ ဖြစ်ရမှာပါ"

ဝါရှင်တန်ပို့စ်သတင်းစာရဲ့ အကြီးတန်းအယ်ဒီတာ Lally Weymouth က မြန်မာ့တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နဲ့ တွေ့ဆုံမေးမြန်းထားတာကို ကမာရွတ်မီဒီယာက ဘာသာပြန်ဆိုဖော်ပြလိုက်ပါတယ်။
- အာဏာလွှဲပြောင်းရေးအတွက် ဒေါ်အောင်ဆန်းစုကြည်နဲ့ ဘယ်တော့တွေ့မှာပါလဲ။

လာမယ့် ဒီဇင်ဘာမှာပါ။ ရွေးကောက်ပွဲဆိုင်ရာလုပ်ငန်းစဉ်တွေ ပြီးဆုံးတဲ့အခါ ကျနော်တို့ တွေ့ပါမယ်။
- ရွေးကောက်ပွဲမှာ အကြီးအကျယ်အောင်မြင်ခဲ့တာကြောင့် ဒေါ်အောင်ဆန်းစုကြည် သမ္မတဖြစ်ဖို့အတွက် ဖွဲ့စည်းပုံအခြေခံဥပဒေ ပုဒ်မ ၅၉(စ)ကို ပြောင်းလဲဖို့ဆန္ဒရှိလား။
ကျနော်တစ်ဦးတည်း ဆုံးဖြတ်လို့မရပါဘူး။ အခန်း ၁၂အရ လွှတ်တော်ကပဲ ဖွဲ့စည်းပုံပြင်ဆင်တဲ့ ဘယ်ကိစ္စကိုမဆို ဆွေးနွေးရမှာပါ။ ကျနော်မှာ တိုက်ရိုက်တာဝန်မရှိပါဘူး။
- ဒါဆို ရှင်က ပြောင်းလဲဖို့ကို အားပေးလား။ တပ်မတော်က လွှတ်တော်ထဲမှာ ၂၅%သောထိုင်ခုံတွေကို ရထားတယ်လေ။ ရွေးကောက်ပွဲမှာ ကြီးကြီးမားမား အောင်ပွဲခံခဲ့တာကိုစဉ်းစားရင် ဒေါ်အောင်ဆန်းစုကြည် သမ္မတဖြစ်လာသင့်တယ်ဆိုတဲ့ မျှတတဲ့အမြင်မျိုး မရှိဘူးလားရှင့်။
ကျနော်တို့ရဲ့ ဥပဒေဟာ တစ်ဦးတစ်ယောက်တည်းအတွက် ရေးဆွဲပြဌာန်းထားတာ မဟုတ်ပါဘူး။ ပြင်ဆင်ချက်တွေက သတ်မှတ်ထားတဲ့ စည်းမျဉ်းစည်းကမ်းတွေအတိုင်းပဲ လုပ်ရမှာပါ။
- ဆိုတော့ ရှင်ဆိုလိုတာက နိုးပေါ့။ ဒေါ်အောင်ဆန်းစုကြည် သမ္မတဖြစ်ဖို့ ခွင့်မပြုဘူးပေါ့။
ကျနော်က နိုးလို့ မပြောပါဘူး။ ဒါကတော့ ဥပဒေနဲ့အညီပဲ ဖြစ်ရမှာပါ။
- ဒီနိုင်ငံ ကောင်းကောင်းမွန်မွန်ဖြစ်သွားအောင် ဒေါ်အောင်ဆန်းစုကြည်နဲ့ လက်တွဲပြီး အလုပ်လုပ်ဖို့ရှိလား။
အရေးကြီးတဲ့အချက်ကတော့ ကျနော်တို့နိုင်ငံရဲ့ ရေရှည်အမျိုးသားအကျိုးစီးပွားပါပဲ။
- (ဒေါ်အောင်ဆန်းစုကြည်)နဲ့ အလုပ်တွဲလုပ်နိုင်တယ်လို့ထင်လား။
ဘာလို့မဖြစ်နိုင်ရမှာလဲ။
- သူ့ကို ရှင်ယုံကြည်လား။
နိုင်ငံအတွက် ကောင်းကျိုးဖြစ်မယ်ဆိုရင် ကျနော်တို့အတူလက်တွဲလုပ်နိုင်ပါတယ်။ ပူးပေါင်းလုပ်ဆောင်တယ်ဆိုတာ နည်းလမ်းတွေအများကြီးရှိပါတယ်။
- ဒေါ်အောင်ဆန်းစုကြည်နဲ့ရှင်နဲ့ကြားမှာ အပေးအယူလုပ်ဖို့ အခက်အခဲတွေရှိလား။
ကျနော်တို့မှာ ရလဒ်ကောင်းတွေရှိရင် ဒီကိစ္စတွေက စေ့စပ်ညှိနှိုင်းလို့ရပါတယ်။
- အချိန်ကျလာတာနဲ့အမျှ နိုင်ငံ့အာဏာဟာ အရပ်သားအုပ်ချုပ်မှုဆီ ရောက်သွားသင့်တယ်လို့ ရှင်ထင်လား။
တိုင်းပြည်အခြေအနေ တည်ငြိမ်မယ်ဆိုရင် တစ်နေ့မှာတော့ ခင်ဗျားပြောနေတာ ကျနော်တို့လုပ်မှာပါ။
- ဒါဆို နိုင်ငံကလည်း တည်ငြိမ်ပြီဆိုရင် ရှင်က အရပ်သားအစိုးရဆီကို အာဏာတွေပိုပေးမယ့်ဆန္ဒရှိတယ်ပေါ့။
ဟုတ်ပါတယ်။
- တည်ငြိမ်မှုဆိုတာ ရှင်ကဘာကိုရည်ညွှန်းပြီးပြောတာလဲ။
နံပါတ်တစ်ကတော့ တိုင်းရင်းသားလက်နက်ကိုင်ပဋိပက္ခပါ။ တကယ့်စစ်မှန်ပြီး ပြီးပြည့်စုံတဲ့ ငြိမ်းချမ်းမှု ကျနော်တို့ လိုပါတယ်။ နံပါတ်နှစ်ကတာ့ ပါတီစုံဒီမိုကရေစီစနစ် ရင့်ကျက်တည်ငြိမ်ဖို့ပါ။ တတိယကတော့ တိုင်းရင်းသားနဲ့ အစိုးရကြား ကောင်းမွန်တဲ့ဆက်ဆံရေးတွေဖြစ်လာဖို့ပါ။
- အခု အစိုးရနဲ့ အပစ်အခတ်ရပ်စဲရေးစာချုပ်ကို တိုင်းရင်းသားအဖွဲ့ ၈ဖွဲ့ကပဲ လက်မှတ်ထိုးထားတယ်။ ကျန်တဲ့အဖွဲ့တွေ လက်မှတ်ထိုးဖို့ လိုတယ်လို့ ဆိုလိုတာလား။
ဟုတ်ပါတယ်။ ကျန်တဲ့အဖွဲ့တွေလည်း အပစ်အခတ်ရပ်စဲဖို့လိုပါတယ်။
- ရိုဟင်ဂျာတွေကို ပြုမူဆက်ဆံပုံတွေအပေါ် ဝေဖန်မှုတွေကို ရှင်ဘယ်လိုထင်လဲ။
ရိုဟင်ဂျာဆိုတဲ့စကားလုံးကို ကျနော်တို့ခွင့်မပြုပါဘူး။ သူတို့ဟာ ဘင်္ဂါလီတွေပါ။ သူတို့ဟာ ကျနော်တို့ရဲ့ တိုင်းရင်းသားမဟုတ်ပါဘူး။ လူမျိုးမဟုတ်ပါဘူး။ သူတို့က ဘင်္ဂလားဒေ့ရ်ှကနေ လာသူတွေပါ။
- အမေရိကန်ပြည်ထောင်စုရဲ့ ကျန်ရှိနေတဲ့ ပိတ်ဆို့အရေးယူမှုတွေ ဖယ်ရှားသွားစေချင်သလား။
ဟုတ်ပါတယ်။ ပိတ်ဆို့အရေးယူမှုတွေဖယ်ရှားတယ်ဆိုတာ ကောင်းတဲ့ကိစ္စပါ။
- ဖွဲ့စည်းပုံ ပုဒ်မ ၄၃၆အကြောင်း ကျမပြန်သွားချင်ပါတယ်။ အဲဒီမှာပါ ပြင်ဆင်ပြောင်းလဲဖို့ဆိုရင် ၇၅%နဲ့အထက်ရှိရမယ်လို့ ပြဌာန်းထားတယ်။ တပ်မတော်က ၂၅ရာခိုင်နှုန်းမဲပေးခွင့်ရယူထားတာကြောင့် ပြင်ဆင်ပြောင်းလဲမှုမှန်သမျှကို ပိတ်ဆို့ထားဖို့ ဗီတိုကိုင်ထားတယ်လေ။ ဆိုတော့ NLD က အခုအကြီးအကျယ် အနိုင်ရသွားပြီးနောက်မှာ ဒီပုဒ်မကို ပြင်ဆင်ဖို့ ရှင့်အနေနဲ့ လွယ်အောင် လုပ်ဖို့မရှိဘူးလား။
ကျနော်တို့ တပ်မတော်အနေနဲ့ အမျိုးသားနိုင်ငံရေးကိုပဲ ဦးတည်ပါတယ်။ ပါတီနိုင်ငံရေးလုပ်နေတာမဟုတ်ပါဘူး။ ဖွဲ့စည်းပုံကလည်း မပြင်ဆင်မပြောင်းလဲရဘူးဆိုတာ မဟုတ်ပါဘူး။ ကျနော်တို့အခုမှ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ် လက်မှတ်ထိုးပြီးပြီ။ ကျနော်တို့က တည်ငြိမ်ရင့်ကျက်တဲ့ နိုင်ငံရေးအခြေအနေတွေ လိုအပ်ပါတယ်။ တစ်ဆင့်ချင်း ပြောင်းလဲတာကို လိုအပ်ပါတယ်။ အခုတော့ အဆင်သင့်မဖြစ်သေးဘူး။
- အရပ်သားတွေဆီ တိုင်းပြည်အာဏာကို ပြန်လွှဲပြောင်းပေးဖို့အတွက် ရှင့်အတွက် သက်တောင့်သက်သာဖြစ်စေမယ့် ဘယ်လိုအခြေအနေမျိုး လိုအပ်နေတာလဲ။
တိုင်းပြည်တည်ငြိမ်မှုနဲ့ ပြည်သူတွေ ဒီမိုကရေစီအလေ့အကျင့်တွေကို နားလည်လာမှုအပေါ်မူတည်ပါတယ်။ တစ်ချို့နိုင်ငံတွေမှာ ဒီမိုကရေစီဖြစ်တာနဲ့ ပြဿနာတွေရင်ဆိုင်ရတော့တာပဲ။
- ရှင်က အရှေ့အလယ်ပိုင်းနိုင်ငံနဲ့ အာရပ်နွေဦးကို ရည်ညွှန်းနေတာလား။
အရှေ့အလယ်ပိုင်းနိုင်ငံတွေကတော့ အဆိုးဆုံး ဥပမာတွေပါ။ ကျနော်တို့က ဒီမိုကရေစီဆိုတာ အချိန်တိုလေးပဲ အတွေ့အကြုံရှိခဲ့တယ်။ တိုင်းပြည်ကောင်းဖို့ဆိုရင် စိတ်ရှည်သည်းခံရပါမယ်။ တိုင်းပြည်ကို ချက်ချင်းပြောင်းလဲဖို့တော့ တော်တော်ခက်ပါတယ်။
- မြန်မာပြည်သူတွေ ရွေးကောက်ပွဲနေ့မှာ မဲပေးရွေးချယ်ခဲ့တဲ့အပေါ် ရှင်အထင်ကြီးသလား။
ကျနော်ထင်တာကတော့ လက်ရှိအစိုးရဟာ ပြည်သူ့တွေရဲ့ဆန္ဒကို မဖြည့်ဆည်းပေးနိုင်ဘူး။ အခု ပြည်သူတွေက သူတို့ဆန္ဒတွေကို ဖြည့်ဆည်းပေးမယ့်သူလို့ ထင်တဲ့သူတွေကို ရွေးချယ်ခဲ့ပါတယ်။ နောက်တစ်ဆင့်ကတော့ ရွေးချယ်ခံခဲ့ရသူတွေက ပြည်သူတွေဆန္ဒကို ဖြည့်ဆည်းပေးဖို့ပါပဲ။
- ဒေါ်အောင်ဆန်းစုကြည်နဲ့ရှင် စကားပြောတဲ့အခါမှာ တပ်မတော်အတွက် လွတ်ငြိမ်းချမ်းသာခွင့်ဆိုရင်ကိစ္စ အာမခံမှုရှိမယ့်အရာတွေ ရှင်လုပ်မှာလား။
အဲဒီကိစ္စ စိတ်ပူစရာလုံးဝမရှိပါဘူး။
- ဟုတ်တာပေါ့။ အရင်ကာလတွေတုန်းက ဖြစ်ပျက်ခဲ့တဲ့ကိစ္စတွေအပေါ် ရှင့်မှာတာဝန်မရှိဘူးလေ။ ဒါပေမယ့် ဒေါ်အောင်ဆန်းစုကြည်နဲ့ အခြားသော NLD ခေါင်းဆောင်တွေအပေါ် စစ်တပ်က နှစ်ပေါင်းများစွာ အတိဒုက္ခရောက် ခံစားစေရအောင်လုပ်ခဲ့တာတွေအတွက်ရော နောင်တဆိုတာ ဖြစ်မိလား။
အဲဒီအခြေအနေတွေအတွက် ကျနော့်မှာ တာဝန်မရှိပါဘူး။ အဲဒါတွေက အရင်နိုင်ငံရေးအခြေအနေတွေပဲဖြစ်ပါတယ်။
- အစိုးရသစ်နဲ့ရှင် စေ့စပ်ညှိနှိုင်းမှုတွေလုပ်တဲ့အခါ ရှင့်ရဲ့ Red Lines တွေက ဘာတွေလဲ။ ဘာကိစ္စတွေဆိုရင် ရှင် သဘောထားမပြောင်းဘူးလဲ။
ကျနော်က စကားပြောဖို့၊ ဖြေကြားဖို့၊ ဆွေးနွေးဖို့ ပြင်ဆင်ထားပါတယ်။ အကန့်အသတ်မရှိပါဘူး။ ဒေါ်အောင်ဆန်းစုကြည်အနေနဲ့ ကြိုက်တဲ့အကြောင်းအရာပြောပါ။ ကျနော်ဖြေပါ့မယ်။
- ပုဒ်မ ၅၉(စ)ပြောင်းလဲပေးဖို့ ရှင့်ကိုပြောလာရင်ကော … ရှင်ဘာပြောမလဲ။
ကျနော့်သဘောထားအမြင်တွေကို သူ့ကို ရှင်းပြသွားမှာပါ။
- ရွေးကောက်ပွဲရလဒ်တွေကို တပ်မတော်အနေနဲ့ ဝင်ရောက်စွက်မှာ မဟုတ်ဘူးလို့ နိုင်ငံတကာအသိုင်းအဝိုင်းကို ရှင် အာမခံနိုင်လား။
ကျနော်တို့ရွေးကောက်ပွဲက လွတ်လပ်ပြီး မျှတပါတယ်။ သမ္မတကလည်း အာဏာလွှဲပြောင်းရေးအတွက် သဘောတူညီပြီးသားပါ။ လမ်းကြောင်းမှန်ကတော့ ကျနော်တို့သမ္မတရဲ့အစီအမံနောက် ကျနော်တို့လိုက်ဖို့ပါပဲ။