ဆေးဖြစ်ဝါးဖြစ်သစ်သီးဝလံ (၂)

ဒီဇင်ဘာ ၂၂

သစ်သီးဝလံတွေကဆေးဖက်ဝင်တာကိုရောဂါအလိုက်ပြောခဲ့ဖူးပါတယ်။ထပ်ပြီးလေ့လာတွေ့ရှိတာတွေကလည်းစိတ်ဝင်စားစရာကောင်းနေတာမို့ဝေမျှပေးချင်လို့ထပ်ဆင့်တင်ပြလိုက်ပါတယ်။ အာဟာရအဖြစ်၊ အရသာအဖြစ် သာမက ဆေးဝါးအဖြစ်သုံးရတဲ့ သစ်သီးတွေစားတဲ့အလေ့အထလည်း ပျိုးထောင်ကြစေချင်တာပါ။ ကိုယ်နဲ့ လက်လှမ်းမီရာ သစ်သီးတွေရွေးချယ်စားသုံးဖို့လည်း ချင့်ချိန်နိုင်တာပေါ့။ သက်ဆိုင်ရာဝေဒနာအလိုက် သင့်လျော်တဲ့အသီးတွေကိုသိပ္ပံနည်းကျစူးစမ်းမှုတွေကနေတင်ပြထားတာတွေ့ရတာပါ။ဈေးနှုန်းသင့်တင့်မှုနဲ့ရနိုင်ဖို့လွယ်ကူတာလေးတွေဦးစားပေးရွေးချယ်ထားပါတယ်။



အစာအိမ်မှာအက်ဆစ်ဓာတ်များခြင်း

အစာအိမ်အချဉ်ဓာတ်လွန်ကဲတဲ့အခြေအနေမျိုးကိုမကြာခဏကြုံရတတ်တာပါ။ရင်ပြည့်၊လေချဉ်တက်၊နေရထိုင်ရအလွန်ခက်တာပေါ့။ဒီအတွက်အသင့်လျော်ဆုံးကတော့သခွားသီးပါပဲတဲ့။အစားအသောက်တွေစားပြီးချိန်မှာ ရေသောက်တာထက်သခွားသီးများများစားပေးလိုက်ရင်၊ဒါမှမဟုတ်စားနေရင်းပဲသခွားသီးစားပေးရင်အဲဒီ အစာအိမ်အချဉ်ပေါက်တဲ့ ဝေဒနာကိုခံသာစေပါတယ်တဲ့။ ကဲ - ဘယ်လောက်လွယ်ကူလိုက်ပါသလဲ။ စမ်းကြည့်ကြတာပေါ့။

သွေးအားနည်းရောဂါ

သွေးအားနည်းရောဂါအတွက်ပျောက်ကင်းသက်သာစေတဲ့အသီးအပွင့်တွေအများကြီးရှိတယ်လို့ဆိုပါတယ်။အခုပြောမှာကတော့တချို့တဝက်ပါ။သွေးအားနည်းတယ်လို့သွေးစစ်စမ်းသပ်ချက်တွေတွေ့ရင်စပျစ်သီးအရည် တနေ့ကိုတပေါင်၁၀ရက်သောက်ပြီး ပြန်စစ်ကြည့်ပါ၊အသေအချာသွေးအား ပြန်တက်လာတာ တွေ့ရပါမယ်လို့ဆိုလေရဲ့။ ဒီမိုဂလိုဘင်ခေါ်တဲ့သွေးထဲကဓာတ်ကသူ့မှာကြွယ်ဝလို့ပါပဲ။ မက်မွန်သီးတနေ့၅လုံး လောက်၁၀ရက်စားတာကလည်းအဆင်ပြေပါသတဲ့။သူ့မှာကတော့ သံဓာတ်ကြွယ်ဝလွန်းတာမို့ပါပဲ။ သံဓာတ်ချို့တဲ့သွေးအားနည်းရောဂါတွေအတွက်အဆင်ပြေတာပေါ့။ ဒါတင်မက၊သရက်သီးဖျော်ရည်နဲ့ နို့အရောလေးတပတ်လောက်သောက်ရင်လည်းသွေးအားနည်းတာ ပြန်ကောင်းလာတာ လက်တွေ့လို့ဆိုပါတယ်။

ထိပ်ပြောင်နေသလား

ဒီပြဿနာကတချို့အတွက်အတော်စိတ်အနှောင့်အယှက် ဖြစ်ရတာပေါ့။ ဒါပေမယ့် သူ့အတွက် ဆေးနည်း ရှိပါတယ်။ မျိုးရိုးလိုက်လို့မဟုတ်ဘဲ၊ ဆံပင်ကျွတ်၊ ထိပ်ပြောင်တာအတွက်တော့သရက်သီးအချဉ်တည်ထားတဲ့ (ပိုးတီလို့ခေါ်ကြတာပေါ့) အသားကိုညှစ်ပြီးရတဲ့အရည်ကိုနာရီဝက်လောက်ခေါင်းမှာလိမ်းပြီးနှိပ်နယ်ပေးတာမျိုးလုပ်ပေးရင်လပိုင်းလောက်မှာဆံပင်တွေ ပြန်ပေါက်လာတတ်တယ်လို့ဆိုပါတယ်။ ထိပ်ပြောင်ကြီးကိုသရက်သီးချဉ် ပွတ်ရတာ စိတ်ကသိကအောင့် ဖြစ်စရာတော့ကောင်းသား။ ဒါကခက်ခဲတယ်ထင်ရင် တခြားနည်းလမ်းရှိပါသေးတယ်။ သခွားသီးအရည်ကိုနှစ်ပတ်တကြိမ်ဆံပင်တွေအပေါ်သုတ်လိမ်းတာကလည်းထိရောက်သလိုသခွားသီးအသား လေးတွေကိုပြောင်နေတဲ့ဦးရေအပေါ်တင်တင်ပေးတာကလည်းဆံပင်ပေါက် မြန်စေပါသတဲ့။

အဆုတ်လေပြွန်ရောင် (အဆုတ်အအေးမိ)

မကြာခဏအဆုတ်အအေးမိတယ်ဆိုပြီးဖျားနာချောင်းဆိုး ဖြစ်တတ်တဲ့သူတွေအတွက် စမ်းကြည့်သင့်တဲ့ ဆေးနည်းလေးပါ။ ဗာဒံစေ့ ၁၀ စေ့နဲ့ စပျစ်သီးခြောက် ၁၀စေ့ ကို တညရေစိမ်ထားပါ။ နံနက်ကျတော့ ဗာဒံစေ့ကို အခွံချွတ်၊ စပျစ်ခြောက်ရေစိမ်ကို အစေ့ထုတ်၊ ချင်း(ဂျင်း)နည်းနည်းထည့်ပြီး ရောကြိတ်ရပါမယ်။ နောက်တော့ ပျားရည်၂ဇွန်းနဲ့ရောမွှေ (တေ) ပြီးနံနက်တကြိမ်၊ ညတကြိမ်လျက်ပေးရင် ၂ရက်လောက်နဲ့ ပျောက်ကင်းသက်သာပါသတဲ့။အဲဒီလိုကုထုံးအဖြစ်မဟုတ်ဘဲနေ့စဉ်အနည်းငယ်မျှသုံးဆောင်တာက အဆုတ်ကိုကြံ့ခိုင်စေတယ်လို့ဆိုပါတယ်။

နားကွဲနာ

ကျေးလက်ကလေး သူငယ်ဘဝတုန်းက ကိုယ်တိုင်လည်း ဖြစ်ဖူးသလို၊ အတော်လေး အတွေ့ရများတဲ့ရောဂါပါ။ နားရွက်ဖျားအောက်နားမှာအမြဲကွဲပြီး ပြည်တစွတ်စွတ် ဖြစ်နေတာမျိုးပေါ့။ ဒီအတွက်တော့ ဆေးက လွယ်ပါတယ်။ သရက်ပင်အနီးအနားမှာရှိနေဖို့ပါပဲ။ သရက်ရွက်အနုလေးတွေအရည်ညှစ်ပြီး မုန်ညင်းဆီနည်းနည်းနဲ့ရော၊ ပြီးတော့ကွဲနေတဲ့ နားရွက်နာပေါ်အစက်ချပေးရုံနဲ့ ပြည်တွေကင်းပြီး အနာကျက်တာ တွေ့ရမယ်လို့ဆိုပါတယ်။

ရုပ်ပျိုဆေး

သဘာဝကိုဆန့်ကျင်ပြီးအလှအပခုံမင်သူတွေစမ်းသပ်ကြည့်သင့်တာပေါ့။ဆေးတဖုံစာအတွက်ဗာဒံစေ့၁၀စေ့ရေစိမ်ကိုအခွံချွတ်ပြီးကြိတ်၊ နွားနို့နဲ့ပျစ်ပျစ်လေးတေပါ။ ပြီးရင်တခါနွားနို့ထဲမှာထပ်ပြီးကျိုပါ။ အအေးခံပြီးတဲ့ အချိန်မှာ ပျားရည်၂ဇွန်းထည့်ဖို့ မမေ့ပါနဲ့။ အဲဒါကိုနေ့စဉ်သောက်ပေးပါတဲ့။ တနှစ်လောက်သောက်ရင် အစဉ်နုပျိုတဲ့ရုပ်ရည် ဖြစ်လာမယ်ဆိုပဲ။ ဆေးစွမ်းပိုထက်အောင်ပန်းသီး၊ စပျစ်သီး၊လိမ္မော်သီးတွေနဲ့ တွဲဖက်စားသုံးသင့်ပါသေးသတဲ့။

ရေငတ်ပြေဆေး

တချို့သူတွေမှာအလကားနေရင်းရေငတ်သလိုခံစားနေရတတ်ပါတယ်။လိမ္မော်ရည်တို့၊နာနတ်ရည်တို့က ပြေသာတဲ့ဆေးတွေပေါ့။တခြားထူးခြားတဲ့နည်းလမ်းတခုကတော့သရက်စေ့ထဲကအဆန်ကိုခြေပြီးရေနွေးကြမ်းလိုသဘောထားကြိုသောက်တာပါပဲတဲ့။အရသာရှိချင်ရင်သကြားလေးနည်းနည်းထည့်လို့ရပါတယ်။ရေငတ်တဲ့ခံစားမှုမကြာခဏခံစားနေရသူတွေအတွက်တော့ကျွဲကောသီးအရည်ကိုသကြားထည့်ပြီးသောက်တာကအစွမ်းအထက်ဆုံးလို့ဆိုပြန်ပါတယ်။တနေ့၂ကြိမ်၃ကြိမ်သောက်ပေးရင်ပျောက်သွားမှာပါတဲ့။

မီးလောင်ဒဏ်ရာ

သရက်စေ့ရဲ့အသုံးတည့်ပုံတခုကတော့အပေါ်ယံလောက်မီးလောင်တာမျိုးမှာအဲဒီသရက်စေ့ရဲ့အဆန်ကိုသွေး ပြီးလူးထားပေးရင်အပူလည်းသက်သာ၊ဒဏ်ရာလည်းမကျန်ဘူးဆိုပဲ။ သရက်ရွက်ခြောက်ကို ပြာချပြီး မီးလောင်ထားလို့ ဖြစ်နေတဲ့အနာတွေမှာ ဖြူးပေးတာကလည်း အကောင်းဆုံးပိုးသတ်ဆေးနဲ့ အနာကျက်မြန်ဆေးလို့ဆိုပြန်ပါတယ်။

နွမ်းလျမောပန်းနုံးချည့်

လူတိုင်းစိတ်ပန်းလူပန်းချိန်မှာခံစားရတဲ့အဲဒီအမောအနွမ်းတွေအတွက်အုန်းရည်လတ်လတ်ဆတ်ဆတ်လေး သောက်ပေးတာကအကောင်းဆုံးဖြေဆေးပါတဲ့။လိမ္မော်၊နာနတ်အရောဖျော်ရည်လေးကလည်းအဆင်ပြေပါသတဲ့။အဲဒီဖျော်ရည်ကိုမျိုမချမီပါးစပ်ထဲနည်းနည်းငုံကျင်းပြီးမှသောက်ရင်သွားတွေတောင်သန့်ရှင်းပြီးသွားချေးတက်သက်သာတယ်ဆိုလေရဲ့။

ခံတွင်းအနံ့ဆိုး

ပုံမှန်အားဖြင့်ခံတွင်းနံ့ဆိုးရတာကခံတွင်းမှာရောဂါပိုးမွှားတွေဝင်ရောက်တာကြောင့် ဖြစ်သလို၊အစာလမ်းကြောင်းရဲ့ရောဂါဘယတွေကြောင့်လည်း ဖြစ်တတ်တာပါ။ စပျစ်သီးခြောက်ကလေးတွေကို အစေ့ထုတ်ပြီးဝါးပေး၊ ငုံထားပေးရင်အနံ့အသက်တွေသက်သာစေတယ်လို့ဆိုပါတယ်။

အစာမကြေခြင်း

ဒီ ဝေဒနာကတော့မကြာခဏကြားဖူးနေမှာ ဖြစ်သလို၊ခံလည်းခံစားဖူးကြမှာပါ။ အစာမကြေဘူး၊ ရင်ပြည့်ရင်ကယ် မအီမသာစသဖြင့်တွေပေါ့။ ဆေးကစိတ်ဝင်စားစရာကောင်းသား။ သင်္ဘောသီးကို အစိတ်လေးစိတ်၊ဆားနဲ့ငရုတ်ကောင်းမှုန့်ဖြူး၊ သံပရာရည်လေးတစက်လောက်ညှစ်ချပြီးစားကြည့်ပါတဲ့ (ရောဂါမသက်သာတောင်မှအရသာတော့အတော်ရှိမယ့်သဘောပဲ)။သင်္ဘောသီးမှာပါတဲ့ Pepsin ကအစာကြေညက်မှုမှာ အတော် အထောက်အကူ ပြုတယ်လို့ဆိုပါတယ်။ အစာကြေရုံတင်မက၊ အစာလမ်းကြောင်းက ရောဂါပိုးတွေလည်း သေစေပြန်ပါသတဲ့။ အသည်းကောင်းချင်ရင်လည်း သင်္ဘောသီးစားဖို့တိုက်တွန်းပြန်ပါတယ်။

ကျောက်ကပ်ရောဂါ

ကျောက်ကပ်နဲ့ပတ်သက်တဲ့ရောဂါစုံအတွက်တော့စပျစ်ရွက်အနုလေးတွေပြုတ်ပြီးဆားနည်းနည်းခတ်သောက်ပါတဲ့။ကျောက်ကပ်နဲ့ပတ်သက်တဲ့ရောဂါတွေကြောင့် ဖြစ်သမျှနာကျင်ရောင်ရမ်းမှုတွေအဆင်ပြေပါသတဲ့။

အသည်းရောဂါ

အသည်းဝေဒနာမျိုးစုံအတွက်တော့ခရမ်းချဉ်သီးဖျော်ရည်ကိုညွှန်းပါတယ်။အသက်ကြီးသူတွေတနေ့မှာ၂လုံး၊ ငယ်သူတွေတနေ့တလုံးအရည်ဖျော်သောက်ရင်အသည်းရောဂါတွေ ဖြစ်နေသမျှကင်းပစေပါမယ်တဲ့။ ဖျော်ရည်အဖြစ်သောက်တာ၊စွပ်ပြုတ်လိုလုပ်သောက်တာဘာမဆိုအဆင်ပြေပါသတဲ့။အဲဒီခရမ်းချဉ်ဖျော်ရည်ထဲ ချင်း (ဂျင်း) ဖျော်ရည်လေးများစွက်လိုက်ရင်တော့အူလမ်းကြောင်းကိုပါအထောက်အကူ ဖြစ်စေပါသတဲ့။

ကဲ - ဒီဆရာဝန်တော့ဗိန္ဒောယောင်ယောင် ဖြစ်နေပြီမထင်လိုက်ပါနဲ့။ အသီးအနှံတွေစားရင်းကနေ ရောဂါဝေဒနာတွေပါပျောက်ကင်းတယ်ဆိုရင်အရသာလည်းရှိ၊ အမြတ်လည်းထွက်တယ်မဟုတ်ပါလား။ ကြိုးစားကြည့်လို့ဘေးမဖြစ်စေမယ့်ဆေးနည်းလေးတွေစိတ်ဝင်စားလို့မျှဝေလိုက်ပါတယ်။ စိတ်ပါရင် စမ်းကြည့်ကြရအောင်။

ဒေါက်တာသက်ဦး


"အပတ်စဉ်ထုတ် ဧရာဝတီဂျာနယ် အမှတ်စဉ်(၅၁)မှ ကူးယူဖော်ပြသည်"