25 April 2020 21:33(+0630) (၁ ရက် ခန့်က)
(Zawgyi)⤵⤵⤵
ဧပြီလ ၂ဝ ရက်နေ့က မင်းပြားမြို့နယ်မှာ WHO ဝန်ထမ်းတဦး ပစ်ခတ်ခံရပြီး သေဆုံးခဲ့တာဟာ တပ်မတော်ရဲ့လက်ချက် လုံးဝမဟုတ်ဘူးလို့ တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်းက ဒီကနေ့ ငြင်းဆိုလိုက်ပါတယ်။
ဒီပစ်ခတ်မှုနဲ့ ပတ်သက်ပြီး စုံစမ်းစစ်ဆေးပေးဖို့ ပြည်တွင်းပြည်ပ အဖွဲ့အစည်းတွေက အစိုးရကို တောင်းဆိုနေချိန်မှာပဲ ဒီကနေ့ နေပြည်တော်မှာ ပြည်တွင်း သတင်းဌာနတချို့ကို သီးသန့် ဖိတ်ကြားပြီး တပ်မတော်က ရှင်းလင်းခဲ့တာပါ။
WHO ဝန်ထမ်းပစ်ခတ်ခံရတဲ့ ကျည်ဆံဟာ တပ်မတော်ဘက်က သုံးတဲ့ကျည်ဆံအမျိုးအစား မဟုတ်ဘဲ AA အဖွဲ့ဘက်က ကျည်ဆံဖြစ်တယ်လို့ ဗိုလ်မှူးချုပ်ဇော်မင်းထွန်းက ပြောပါတယ်။
သေဆုံးသွားတဲ့ WHO ဝန်ထမ်းရဲ့ ခန္ဓာကိုယ်ထဲကနေ ကျည်ဆံတွေကို သက်သေအဖြစ် တပ်မတော်က ရရှိထားတယ်လို့ ဒီကနေ့ နေ့လည်ပိုင်းမှာ ပြည်တွင်းသတင်းဌာန ငါးခုကို ပြောလိုက်တာပါ။
WHO ဝန်ထမ်းတွေ လိုက်ပါလာတဲ့ကားကို မင်းပြားမြို့နယ် ရာမောင်တံတားအနီးမှာ တပ်မတော်က တားမြစ်စစ်ဆေးခဲ့ပြီး ပြန်လွတ်ပေးလိုက်ချိန်မှာ အနီးအနား တောင်ကုန်းပေါ်က တပ်စွဲထားတဲ့ AA တပ်ဖွဲ့က ပစ်ခတ်လိုက်တာလို့လည်း ဗိုလ်မှူးချုပ် ဇော်မင်းထွန်းက ပြောပါတယ်။
ဒီပစ်ခတ်မှုနဲ့ပတ်သက်ပြီး ရက္ခိုင့်တပ်တော် (AA) ရဲ့ ဧပြီလ ၂၁ ရက်နေ့က သတင်းထုတ်ပြန်ချက်မှာတော့... ဒီ WHO ကားဟာ တပ်မတော် လုံခြုံရေးဂိတ်ကနေ ခွင့်ပြုချက်တောင်းပြီး ဖြတ်သန်းသွားစဉ် တပ်မတော်က ပစ်ခတ်ခဲ့ကြောင်း၊ ပစ်ခတ်ခံရပြီးနောက် တစ်နာရီလောက် အကြာမှာ လမ်းဘေးကို ထိုးကျနေတဲ့ မော်တော်ကားနဲ့ ဒဏ်ရာအပြင်းအထန် ရရှိထားတဲ့ ဝန်ထမ်းနှစ်ဦးကို AA အဖွဲ့က တွေ့ရှိပြီး ကယ်တင်ခဲ့တယ်လို့ ဆိုထားပါတယ်။
ဒဏ်ရာရနေတဲ့ ဝန်ထမ်းနှစ်ဦးကို အရပ်ဝတ်နဲ့ အမည်မသိ လူတစ်စုက မင်းပြားမြို့ မင်းရွာ ကျေးလက် ကျန်းမာရေးဌာနကို မော်တော်ကားငယ်နဲ့ လာရောက်ပို့ဆောင်ပေးခဲ့တာလို့ ကျန်းမာရေးမှူး ဦးထွန်းဝေက RFA ကို ပြောထားပါတယ်။
ဒီပစ်ခတ်မှုကြောင့် WHO ကမ္ဘာ့ကျန်းမာရေးအဖွဲ့ရဲ့ ဝန်ထမ်းဖြစ်သူ ကားဒရိုင်ဘာ ဦးပြည့်စုံဝင်းမောင်ဟာ သွေးထွက်လွန်ပြီး မင်းပြားဆေးရုံမှာ သေဆုံးသွားပါတယ်။ နောက်ထပ်ဝန်ထမ်းတစ်ဦးဖြစ်တဲ့ ဦးအောင်မျိုးဦးကတော့ ဒဏ်ရာ အပြင်းအထန် ရရှိသွားပါတယ်။
ရခိုင်ပြည်နယ်မြောက်ပိုင်းက တိုက်ပွဲတွေအတွင်းမှာ အရပ်သားတွေကို မှားယွင်းပစ်ခတ် မိတာတွေလည်း ရှိတယ်လို့ တပ်မတော်ဘက်က ဒီကနေ့ ပြောဆိုခဲ့ပါတယ်။ AA အဖွဲ့ဘက်က အရပ်သားတွေကို လူသားဒိုင်းအဖြစ်အသုံးပြုပြီး အရပ်သားအသွင်ယူပြီး တိုက်နေတာကြောင့် အရပ်သားတွေကို မှားယွင်းပစ်ခတ်မိတာတွေ ရှိနေတာလို့ ဗိုလ်မှူးချုပ်ဇော်မင်းထွန်းက ပြောခဲ့တာပါ။ တပ်မတော်ဟာ ခြောက်ပစ်ကင်းသဲလဲစင် အဖွဲ့တော့ မဟုတ်ဘူးလို့လည်း ဆိုပါတယ်။
AA ပြောခွင့်ရသူ ခိုင်သုခကတော့ အရပ်သားတွေကို အကာအကွယ်ယူပြီး ပစ်ခတ်တယ်ဆိုတဲ့ စွပ်စွဲချက်နဲ့ ပတ်သက်ပြီး ငြင်းဆိုထားပါတယ်။ AA အနေနဲ့ မြို့ရွာတွေမှာ စခန်းချထားတာ မရှိဘဲ၊ မြန်မာ့တပ်မတော်ကသာ သာသနိက အဆောက်အဦးတွေ စာသင်ကျောင်းတွေမှာ နေရာယူ စခန်းချထားတာ ဖြစ်တယ်လို့ RFA ကို ပြောဆိုထားပါတယ်။
RFA က ရရှိထားတဲ့ အချက်အလက်တွေအရ ရခိုင်ပြည်နယ်မြောက်ပိုင်းနဲ့ ချင်းပြည်နယ် ပလက်ဝမြို့နယ်တွေမှာ ပြီးခဲ့တဲ့ ဖေဖော်ဝါရီလ ၂၆ ရက်နေ့ကနေ ဧပြီလ ၂၂ ရက်နေ့အထိ နှစ်လနီးပါးကာလမှာ သေဆုံးတဲ့ အရပ်သား ၉၈ ဦးထက်မနည်းရှိနေသလို ထိခိုက် ဒဏ်ရာရသူဟာလည်း ၂၂၀ ဝန်းကျင်အထိရှိနေပါတယ်။
ဒီကနေ့ နေပြည်တော်မှာပြုလုပ်တဲ့ တပ်မတော် သတင်းမှန်ပြန်ကြားရေးအဖွဲ့ရဲ့ ရှင်းလင်းပွဲကို ပြည်တွင်း သတင်းဌာန ငါးခုကိုပဲ သီးသန့်ဖိတ်ကြားခဲ့တာဖြစ်ပါတယ်။ သတင်းစာရှင်းလင်းပွဲအတွင်း တပ်မတော်ရဲ့ ကိုရိုနာဗိုင်းရပ်စ် ကာကွယ်ရေး ဆောင်ရွက်နေမှု တွေကိုလည်း ဗိုလ်မှူးချုပ်ဇော်မင်းထွန်းက ရှင်းလင်းပြောဆိုခဲ့ပါတယ်။
RFA Burmese
ဧပြီလ ၂ဝ ရက်နေ့က မင်းပြားမြို့နယ်မှာ WHO ဝန်ထမ်းတဦး ပစ်ခတ်ခံရပြီး သေဆုံးခဲ့တာဟာ တပ်မတော်ရဲ့လက်ချက် လုံးဝမဟုတ်ဘူးလို့ တပ်မတော် သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်းက ဒီကနေ့ ငြင်းဆိုလိုက်ပါတယ်။
ဒီပစ်ခတ်မှုနဲ့ ပတ်သက်ပြီး စုံစမ်းစစ်ဆေးပေးဖို့ ပြည်တွင်းပြည်ပ အဖွဲ့အစည်းတွေက အစိုးရကို တောင်းဆိုနေချိန်မှာပဲ ဒီကနေ့ နေပြည်တော်မှာ ပြည်တွင်း သတင်းဌာနတချို့ကို သီးသန့် ဖိတ်ကြားပြီး တပ်မတော်က ရှင်းလင်းခဲ့တာပါ။
WHO ဝန်ထမ်းပစ်ခတ်ခံရတဲ့ ကျည်ဆံဟာ တပ်မတော်ဘက်က သုံးတဲ့ကျည်ဆံအမျိုးအစား မဟုတ်ဘဲ AA အဖွဲ့ဘက်က ကျည်ဆံဖြစ်တယ်လို့ ဗိုလ်မှူးချုပ်ဇော်မင်းထွန်းက ပြောပါတယ်။
သေဆုံးသွားတဲ့ WHO ဝန်ထမ်းရဲ့ ခန္ဓာကိုယ်ထဲကနေ ကျည်ဆံတွေကို သက်သေအဖြစ် တပ်မတော်က ရရှိထားတယ်လို့ ဒီကနေ့ နေ့လည်ပိုင်းမှာ ပြည်တွင်းသတင်းဌာန ငါးခုကို ပြောလိုက်တာပါ။
WHO ဝန်ထမ်းတွေ လိုက်ပါလာတဲ့ကားကို မင်းပြားမြို့နယ် ရာမောင်တံတားအနီးမှာ တပ်မတော်က တားမြစ်စစ်ဆေးခဲ့ပြီး ပြန်လွတ်ပေးလိုက်ချိန်မှာ အနီးအနား တောင်ကုန်းပေါ်က တပ်စွဲထားတဲ့ AA တပ်ဖွဲ့က ပစ်ခတ်လိုက်တာလို့လည်း ဗိုလ်မှူးချုပ် ဇော်မင်းထွန်းက ပြောပါတယ်။
ဒီပစ်ခတ်မှုနဲ့ပတ်သက်ပြီး ရက္ခိုင့်တပ်တော် (AA) ရဲ့ ဧပြီလ ၂၁ ရက်နေ့က သတင်းထုတ်ပြန်ချက်မှာတော့... ဒီ WHO ကားဟာ တပ်မတော် လုံခြုံရေးဂိတ်ကနေ ခွင့်ပြုချက်တောင်းပြီး ဖြတ်သန်းသွားစဉ် တပ်မတော်က ပစ်ခတ်ခဲ့ကြောင်း၊ ပစ်ခတ်ခံရပြီးနောက် တစ်နာရီလောက် အကြာမှာ လမ်းဘေးကို ထိုးကျနေတဲ့ မော်တော်ကားနဲ့ ဒဏ်ရာအပြင်းအထန် ရရှိထားတဲ့ ဝန်ထမ်းနှစ်ဦးကို AA အဖွဲ့က တွေ့ရှိပြီး ကယ်တင်ခဲ့တယ်လို့ ဆိုထားပါတယ်။
ဒဏ်ရာရနေတဲ့ ဝန်ထမ်းနှစ်ဦးကို အရပ်ဝတ်နဲ့ အမည်မသိ လူတစ်စုက မင်းပြားမြို့ မင်းရွာ ကျေးလက် ကျန်းမာရေးဌာနကို မော်တော်ကားငယ်နဲ့ လာရောက်ပို့ဆောင်ပေးခဲ့တာလို့ ကျန်းမာရေးမှူး ဦးထွန်းဝေက RFA ကို ပြောထားပါတယ်။
ဒီပစ်ခတ်မှုကြောင့် WHO ကမ္ဘာ့ကျန်းမာရေးအဖွဲ့ရဲ့ ဝန်ထမ်းဖြစ်သူ ကားဒရိုင်ဘာ ဦးပြည့်စုံဝင်းမောင်ဟာ သွေးထွက်လွန်ပြီး မင်းပြားဆေးရုံမှာ သေဆုံးသွားပါတယ်။ နောက်ထပ်ဝန်ထမ်းတစ်ဦးဖြစ်တဲ့ ဦးအောင်မျိုးဦးကတော့ ဒဏ်ရာ အပြင်းအထန် ရရှိသွားပါတယ်။
ရခိုင်ပြည်နယ်မြောက်ပိုင်းက တိုက်ပွဲတွေအတွင်းမှာ အရပ်သားတွေကို မှားယွင်းပစ်ခတ် မိတာတွေလည်း ရှိတယ်လို့ တပ်မတော်ဘက်က ဒီကနေ့ ပြောဆိုခဲ့ပါတယ်။ AA အဖွဲ့ဘက်က အရပ်သားတွေကို လူသားဒိုင်းအဖြစ်အသုံးပြုပြီး အရပ်သားအသွင်ယူပြီး တိုက်နေတာကြောင့် အရပ်သားတွေကို မှားယွင်းပစ်ခတ်မိတာတွေ ရှိနေတာလို့ ဗိုလ်မှူးချုပ်ဇော်မင်းထွန်းက ပြောခဲ့တာပါ။ တပ်မတော်ဟာ ခြောက်ပစ်ကင်းသဲလဲစင် အဖွဲ့တော့ မဟုတ်ဘူးလို့လည်း ဆိုပါတယ်။
AA ပြောခွင့်ရသူ ခိုင်သုခကတော့ အရပ်သားတွေကို အကာအကွယ်ယူပြီး ပစ်ခတ်တယ်ဆိုတဲ့ စွပ်စွဲချက်နဲ့ ပတ်သက်ပြီး ငြင်းဆိုထားပါတယ်။ AA အနေနဲ့ မြို့ရွာတွေမှာ စခန်းချထားတာ မရှိဘဲ၊ မြန်မာ့တပ်မတော်ကသာ သာသနိက အဆောက်အဦးတွေ စာသင်ကျောင်းတွေမှာ နေရာယူ စခန်းချထားတာ ဖြစ်တယ်လို့ RFA ကို ပြောဆိုထားပါတယ်။
RFA က ရရှိထားတဲ့ အချက်အလက်တွေအရ ရခိုင်ပြည်နယ်မြောက်ပိုင်းနဲ့ ချင်းပြည်နယ် ပလက်ဝမြို့နယ်တွေမှာ ပြီးခဲ့တဲ့ ဖေဖော်ဝါရီလ ၂၆ ရက်နေ့ကနေ ဧပြီလ ၂၂ ရက်နေ့အထိ နှစ်လနီးပါးကာလမှာ သေဆုံးတဲ့ အရပ်သား ၉၈ ဦးထက်မနည်းရှိနေသလို ထိခိုက် ဒဏ်ရာရသူဟာလည်း ၂၂၀ ဝန်းကျင်အထိရှိနေပါတယ်။
ဒီကနေ့ နေပြည်တော်မှာပြုလုပ်တဲ့ တပ်မတော် သတင်းမှန်ပြန်ကြားရေးအဖွဲ့ရဲ့ ရှင်းလင်းပွဲကို ပြည်တွင်း သတင်းဌာန ငါးခုကိုပဲ သီးသန့်ဖိတ်ကြားခဲ့တာဖြစ်ပါတယ်။ သတင်းစာရှင်းလင်းပွဲအတွင်း တပ်မတော်ရဲ့ ကိုရိုနာဗိုင်းရပ်စ် ကာကွယ်ရေး ဆောင်ရွက်နေမှု တွေကိုလည်း ဗိုလ်မှူးချုပ်ဇော်မင်းထွန်းက ရှင်းလင်းပြောဆိုခဲ့ပါတယ်။
RFA Burmese
Comments
Post a Comment