NLD နှင့် စစ်တပ်အကြား ဖွဲ့စည်းပုံ ပြင် ဆင်ရေး အငြင်းပွားမှု များ အရှိန် မြင့်လာနေ

· 

Saya Chit

ဇန်နဝါရီ ၂၈ ရက် ညနေ ၁၄:၃၀

ဒီအချိန်မျိုးမှ မဝန်းရံရင် ဘယ်အချိန်မှ ဝန်းရံကြမလဲ ...
နောင်တစ်ချိန်မှာ တိုင်းပြည်နဲ့နောင်လာနောင်သားတွေ
စစ်ဖိနပ်အောက်က လွတ်မြောက်ဖို့အတွက် ဒီတာဝန်ကို
အားလုံးမှာ တာဝန်ရှိတယ် ....

NLD နှင့် စစ်တပ်အကြား ဖွဲ့စည်းပုံ ပြင်
ဆင်ရေး အငြင်းပွားမှု များ အရှိန် မြင့်လာနေ
•••••••••••••••••••••••••••••••••••••••••

လွှတ်တော်မှ တာဝန်ပြဠာန်းပေးထားသော
ဖွဲ့စည်းပုံ ပြင်ဆင်ရေး ကော်မတီ မှ တနင်္လာနေ့တွင် ဥပဒေကြမ်း နှစ်ခု အား အောင်မြင်စွာ တင်သွင်းနိုင်ခဲ့သဖြင့် အဆိုပါ အရေး အပေါ် စစ်တပ်နှင့် NLD
အကြား သဘောထား ကွာဟမှုများ ကျယ်ပြန့်
လာခဲ့ပြီ ဖြစ်သည်။

ကော်မတီ မှ တင်သွင်းခဲ့သော ဥပဒေကြမ်း နှစ်ခု
တွင် လွှတ်တော် အတွင်း တပ်မတော်သား
ကိုယ်စားလှယ် အရေအတွက်ကို ၂၀၂၀ ရွေးကောက်ပွဲအပြီးတွင် ၁၅% အထိ လျော့ချရေး၊ နောက်ပိုင်း ရွေးကောက်ပွဲများတွင် ၅% စီ လျော့ချသွားရေး နှင့် ကာလုံအား အရပ်သားများ ထည့်သွင်းပြီး တိုးချဲ့ ဖွဲ့စည်းရန် တို့ ပါဝင်လာခဲ့သည်။

(လက်နက်ကိုင် တပ်ဖွဲ့များ၏ ဦးစီးချုပ် ဆိုသည့်ရာထူးအား ဖယ်ရှားပြီး ကြည်း၊ရေ၊‌ လေ အတွက် စစ်ဦးစီးချုပ် တယောက်စီ ထားရန် လည်း ရည်ရွယ်ပုံ ရှိသည်။ ထိုကဲ့သို့မျိုး ဗြိတိသျလက်အောက် မှ လွတ်လပ်စ အိန္ဒိယတွင် ဝန်ကြီးချုပ် ဖြစ်သူ ဂျဝါဟာလာ နေရူး မှ စစ်တပ်အပေါ် အရပ်သားများ လွှမ်းမိုးစေရန် ပြုလုပ်ခဲ့သည်။)

အဆိုပါ ပြင်ဆင်ရေး ဥပဒေကြမ်း နှစ်ရပ်အား
ကော်မတီ ဝင်များက ၁၁ လ အကြာ အသေး
စိတ် ညှိနှိုင်းဆွေးနွေးခဲ့ကြပြီး ပြည်သူများမှ
ရွေးချယ်တင်မြှောက်ထားသော လွှတ်တော်
ကိုယ်စားလှယ် ၃၅၁ ဦး မှ လက်မှတ်ရေးထိုး
တင်သွင်းခဲ့ခြင်း ဖြစ်သည်။

ဥပဒေကြမ်း နှစ်ခု အနက် တခုကို
လူထုဆန္ဒခံယူပွဲ ဖြင့် အတည်ပြု သွားမည်
ဖြစ်သည်ဟုလည်း သိရသည်။

အဆိုပါ ဥပဒေကြမ်းများကို စစ်တပ်မှ ငြင်းပယ်မည်မှာ သေချာနေသော်လည်း NLD ကမူ ၎င်းတို့ ပေးထားသော ကတိကို မဖြစ်မနေ အကောင်အထည် ဖေါ်နေပြီ ဆို သည်အား ပြည်သူများ အား ပြသနိုင်ရန်ရည်ရွယ်ထားပုံ ရှိသည်။

စစ်ဖက် အရာရှိကြီး တဦးကမူ လက်ရှိ စနစ်
ကို လှုပ်ခါစေမည့် မည်သည့် ပြင်ဆင်မှုမျိုးမှ
လက်ခံမည်မဟုတ်ဟု ပြောဆိုခဲ့ပြန်သည်။
ဖွဲ့စည်းပုံ ပြင်ဆင်ရေး ဆွေးနွေးပွဲများကိုလည်း သပိတ်မှောက်ခဲ့ကြသည်။

မြန်မာပြည် တွင် ပြည်သူများ တင်မြှောက်ထား
သော အစိုးရမှ အာဏာ ကို တပ်မတော်နှင့်
ခွဲဝေ ကျင့်သုံးနေခဲ့ရသည်။ ဖွဲ့စည်းပုံအရ
သမ္မတ သည် ကာကွယ်ရေး ဦးစီးချုပ် အား
ခန့်ထားပိုင်ခွင့် ရှိနေသော်လည်း စစ်ဖက်မှ
အများစု ပါဝင်နေသော ကာလုံ က အတည်ပြု
ပေးရမည် ဖြစ်သည်။

နိုင်ငံတော် အတိုင်ပင်ခံ ဒေါ်အောင်ဆန်းစု
ကြည်မှ တိုင်းပြည်၏ ဒီမိုကရေစီ စနစ်သည်
ပကတိ ပြည့်စုံ ကောင်းမွန်ခြင်း မရှိသေး၍
ပြင်ဆင်ရန် ပြောဆိုခဲ့သည်။

ဒေါ်အောင်ဆန်းစုကြည်သည် ၂၀၁၆ တွင် နိုင်ငံ ခေါင်းဆောင် ဖြစ်လာပြီးနောက် ဆက်
ဆံရေး ကောင်းမွန်စေရန် စစ်တပ်အား
အတော်လေး လိုက်လိုက်လျောလျော ဆက်ဆံ
ပေးလာခဲ့သည်။

သို့သော် ၂၀၁၈ ခုနှစ်အတွင်း ဖွဲ့စည်းပုံ ပြင်ဆင်နိုင်ရေး အတွက် NLD မှ စတင် လှုပ်
ရှားလာခဲ့ပြီးနောက် ဆက်ဆံရေးသည် သိသိ
သာသာ ဆိုးဝါးလာခဲ့သည်။ ယခင် က ဒေါ်အောင်ဆန်းစုကြည် နှင့် ဗိုလ်ချုပ်မှူးကြီး မင်း
အောင်လှိုင်အကြား နောက်ကွယ်တွင် ပုံမှန်
တွေ့ဆုံမှုများ ရှိခဲ့သော်လည်း ယခုအခါ မရှိ
တော့ဟု နေပြည်တော်ရှိ သတင်းရပ်ကွက်
များက ဆိုသည်။

သို့သော် ပြီးခဲ့သည့် ဒီဇင်ဘာလ အတွင်းက
ဒေါ်အောင်ဆန်းစုကြည် သည် ဟိဂ် မြို့ရှိ နိုင်ငံတကာ တရားရုံးသို့ ကိုယ်တိုင်ကိုယ်ကျ
သွားရောက်ခဲ့ပြီး ရခိုင်ပြည်နယ်ရှိ မူဆလင်
များအရေးတွင် စစ်တပ်သည် လူမျိုးတုံး သတ်
ဖြတ်ရန် ရည်ရွယ်ချက် မရှိဟု ခုခံကာကွယ်
ပြောဆို ပေးခဲ့ပြန်သည်။

စစ်တပ်နှင့် သဘောထား ကွာဟလာခဲ့ရသည့်
နောက်ထပ် အကြောင်းတခုမှာလည်း တိုင်းရင်းသား လက်နက်ကိုင်များနှင့် ငြိမ်းချမ်းရေး ရရှိအောင်
ကြိုးပမ်းခဲ့မှုများနှင့် သက်ဆိုင်နေပြန်သည်။

ဂျပန် ရှိ ဆိုဖီယာ တက္ကသိုလ်၏ ပါမောက္ခ ကီ
နီမိုတို မှ မြန်မာပြည်၏ ဒီမိုကရေစီ လုပ်ငန်း
စဉ်များ အတွက် ဖွဲ့စည်းပုံ ပြင်ဆင်ရေးသည်
မရှိမဖြစ် လိုအပ်သော်လည်း စစ်တပ်ဖက်မှ
NLD အပေါ် တုန့်ပြန်လာမှုသည် အား ကောင်း
လာနိုင်သည်ဟု ပြောဆိုခဲ့သည်။

တိုင်းပြည်တွင် ဒီမိုကရေစီ ပိုမို ရရှိလာမည့်
အစား စစ်တပ်နှင့် NLD အကြား ရင်ကြားစေ့
၍ မရအောင် ဆက်ဆံရေး ဆိုးဝါးလာမည့်
အနေအထားကို စိုးရိမ်နေရကြောင်း ပြောဆို
မှုများ ရှိလာခဲ့သည်။

တဖက်တွင်လည်း စစ်တပ်အား နိုင်ငံတကာ
ဖိအားပေးမှုများ ပိုမိုများပြားလာနေသည်။
အီးယူမှ ကြေငြာချက် ထုတ်ပြန်ရာတွင်
လွတ်လပ်သော စုံစမ်းရေး ကော်မရှင် ICoE
ကို ကြိုဆိုလိုက်ပြီး အစီရင်ခံစာပါ စစ်ရာဇဝတ်မှု ကျူးလွန်သူများကို တိတိကျကျ
အရေးယူ ပေးရန်လည်း တောင်းဆိုခဲ့သည်။

(လက်ရှိ ဖွဲ့စည်းပုံသည်ကား ပြည်သူများက
ရွေးကောက်တင်မြှောက်လိုက်သော အစိုးရ
တိုင်း တပ်မတော်၏ သဘောဆန္ဒ နှင့် အညီ
သာ အုပ်ချုပ်စေရန် ရည်ရွယ်ပြဠာန်းထားခြင်း ဖြစ်သည်။ ထိုသို့ သေချာစေရန်လည်း
လွှတ်တော်တွင်း ဝင်ထိုင်နေကြခြင်းသာ ဖြစ်
သည်။)

(သို့သော် တပ်မတော်၏ သဘောထားနှင့် လုပ်ရပ်များကြောင့် နိုင်ငံ နှင့် လူမျိုးသည်လည်း သိက္ခာ
ကျဆင်းခဲ့ရပြီမို့ ယခုကိစ္စတွင် ၎င်းတို့ သဘောထား မပါရှိ ဆိုသည့် အတွက် ပြည်သူ များ အဖို့ စိတ်အေးလက်အေး ဖြစ်နိုင်လောက် သည်ဟု မိမိ အနေဖြင့် ယုံကြည်မိပေသည်)

ကိုးကား၊။ ။ Nikkei Asian Review/ Irrawaddy/ Asianews (Italy)
#HlaSoewei

ZN.H 🇦🇺