တရုတ်ကို အမေရိကန်က ဒေါ်လာ ၂၅ဝ ဘီလျံဖိုး အခွန်သစ်တွေကောက်

25 September 2018 07:14(+0630) (လွန်ခဲ့သော 23 နာရီ ခန့်က)

တရုတ် အမေရိကန် ကုန်သွယ်ရေး လှိုင်းထန်နေဆဲ

တရုတ်ပြည်က ပို့ကုန်တန်ဖိုး ဒေါ်လာ ဘီလျံ ၂ဝဝ ဖိုးလောက်ကို အမေရိကန်က ထပ်ပြီး အခွန်သစ်တွေ တိုးမြှင့် စည်းကြပ် လိုက်ပြန်ပါပြီ။

ကမ္ဘာ့နိုင်ငံကြီး နှစ်ခုကြား အရှိန်မြှင့် ဖြစ်ပွားနေတဲ့ ကုန်သွယ်ရေး စစ်ပွဲမှာ ဒီတကြိမ် ကန့်သတ်မှုက တော်တော်ကြီးမားတဲ့ ထိုးစစ် ဖြစ်ပါတယ်။

တရုတ်ရဲ့ ကုန်သွယ်ရေး မူတွေကို မတရားဘူးလို့ အမေရိကန်က တောက်လျှောက် ပြောလာခဲ့ပြီးနောက် ခုလို ကန့်သတ် တားမြစ်နေတာ ဖြစ်ပါတယ်။

တရုတ်ဘက်ကလည်း အမေရိကန် သွင်းကုန် တန်ဖိုး ဒေါ်လာ ဘီလျံ ၆ဝ ကို တုံ့ပြန်ပြီး အခွန်သစ်တွေ စည်းကြပ်ခဲ့ပါတယ်။

တရုတ် ရပ်တည်ချက် စာတမ်း

ကမ္ဘာ့ စီးပွားရေးအင်အားကြီး အမေရိကန်နဲ့ တရုတ် နှစ်နိုင်ငံကြား ကုန်သွယ်ရေး ဆိုင်ရာ အငြင်းပွားမှု ပိုမို ပြင်းထန်လာချိန်မှာ တရုတ် နိုင်ငံက သမ္မတ ထရမ့် အစိုးရဟာ သူတို့အကျိုးအတွက် သူတို့ လိုချင်တဲ့ ပုံစံမျိုး အခွန်စည်းကြပ်နိုင်အောင် ခြိမ်းခြောက်မှု ၊ အတင်းအဓမ္မ ဖိအားပေးတဲ့နည်းတွေ သုံးနေတယ်လို့လည်း တရုတ်နိုင်ငံက စွပ်စွဲလိုက်ပါတယ်။

တရုတ်နိုင်ငံက ထုတ်ပြန်လိုက်တဲ့ သူတို့ ရပ်တည်ချက်စာတမ်းရှည်ကြီးမှာ ၂၀၁၇ ခုနှစ်ဆန်းက စပြီး အမေရိကန်က နိုင်ငံတကာ ဆက်ဆံရေးမှာ နှစ်ဘက် လိုက်နာဖို့ လိုအပ်တဲ့ စည်းမျဉ်း စည်းကမ်းတွေကို ပစ်ပယ်ထားခဲ့တယ်လို့ ဆိုထားပါတယ်။

ဒေါ်လာသန်း ထောင်နဲ့ချီ တန်ဖိုးရှိတဲ့ နှစ်နိုင်ငံ ကုန်ပစ္စည်းတွေကို အပြန်အလှန် အခွန်စည်းကြပ်မှု အသစ်တွေ စတင် ပြုလုပ်ခဲ့ချိန်မှာ တရုတ်ဘက်က စီရင်ခံစာ ထွက်ပေါ်လာတာ ဖြစ်ပါတယ်။

အမေရိကန်ဟာ သမိုင်းမှာ အကြီးဆုံး ကုန်သွယ်ရေး စစ်ကို စနေပြီ လို့လည်း တရုတ်က ဆိုပါတယ်။

အမေရိကန် နောက်ဆုံး ချမှတ်လိုက်တဲ့ အခွန်အတုပ် နှုန်းထားသစ်တွေကြောင့် တရုတ်ရဲ့ သွင်းကုန်တန်ဖိုး ထက်ဝက်လောက်ကို ထိခိုက်စေမှာ ဖြစ်ပါတယ်။ ဒီတန်ဖိုးက ဒေါ်လာ ဘီလျံ ၂၅ဝ ရှိ ပါတယ်။

တရုတ်က အမေရိကန်နဲ့ စေစ့ပ်ဆွေးနွေးတာတွေ ဆက်မလုပ်တော့ဘူးလို့ လည်း ဆိုပါတယ်။

ကုန်စည် ခြောက်ထောင်ကျော်

နောက်ဆုံး ကန့်သတ်လိုက်တဲ့ အမေရိကန် အကောက်ခွန်တွေက လက်ကိုင်အိတ်၊ ဆန်နဲ့ အထည်အလိပ်တွေ အကျုံးဝင်ပေမယ့် ကလေး ထမင်းစားတဲ့ ထိုင်ခုံတွေနဲ့ စမတ်နာရီတွေကိုတော့ ကင်းလွတ်ခွင့် ပေးထားတာပါ။

ကုန်စည် အမျိုးအစား ခြောက်ထောင် လောက်ကို အကျုံးဝင်တာမို့ အကြီးဆုံး တိုးမြှင့် ကောက်ခံတာလို့ ဆိုနိုင်ပါတယ်။

၂ဝ၁၉ နှစ်ဆန်းကစပြီး အခွန် ၂၅ ရာခိုင်နှုန်း တက်လာတော့မှာပါ။ ဒါကို နှစ်နိုင်ငံ ညှိနှိုင်းလို့ မရသေးပါဘူး။

တရုတ်ဘက်ကလည်း အမေရိကန်က လာတဲ့ လေယာဉ်အငယ်စားတွေ၊ ကွန်ပျူတာနဲ့ အထည်အလိပ် တွေကို နောက်ထပ် ၅ ရာခိုင်နှုန်း အခွန်သစ်တင်လိုက်ပြီး ဓာတုပစ္စည်း၊ အသား၊ ဂျုံနဲ့ ဝိုင်အရက်ကို ၁ဝ ရာခိုင်နှုန်း တင်ခဲ့ပါတယ်။

အခွန်အတုပ်တံတိုင်းတွေတင်

ဒီနှစ်ထဲမှာ စုစုပေါင်း အမေရိကန်ဘက်က အခွန်သစ်တွေ စည်းကြပ်တာ ၃ ကြိမ် ရှိပါပြီ။

တရုတ်ဘက်ကလည်း အလားတူ တုံ့ပြန်ခဲ့ပါတယ်။

သမ္မတ ထရမ့်ရဲ့ အမာခံ ပရိသတ်တွေ ဖြစ်တဲ့ အမေရိကန် လယ်ယာကဏ္ဍ ထွက်ကုန် တန်ဖိုး ဘီလျံ ၅ဝ ကို တရုတ်က အခွန်သစ်တွေ တိုးခဲ့တာ ဖြစ်ပါတယ်။

ဘာကြောင့်အခွန်တက်

အမေရိကန် နည်းပညာနဲ့ မူပိုင်ခွင့် တွေ အလုပ်အကိုင်တွေကို ကာကွယ်ဖို့ ဒီလို ကန့်သတ်ရတာလို့ သမ္မတ ထရမ့်က ပြောခဲ့ပါတယ်။

အခြေခံအရ ဒီလို အခွန်သစ်တင်ရင် အမေရိကန်လုပ် ပစ္စည်းတွေက ပိုဈေးချိုလာရမှာ ဖြစ်ပြီး ပိုရောင်းရဖို့ ရှိပါတယ်။ ဒီလိုနည်းနဲ့ ဒေသတွင်း စီးပွားရေးကို အားပေးပြီး အမျိုးသား အကျိုးစီးပွားကို ကြီးမြင့်အောင် ဆောင်ရွက်တာ ဖြစ်ပါတယ်။

ဒါပေမဲ့ ဒီလို အခွန်သစ်တွေက အမေရိကန် စီးပွားရေး လုပ်ငန်းတွေကို ထိခိုက်တယ် ဆိုပြီး အမေရိကန် လွှတ်တော်မှာ ကုန်သည် လုပ်ငန်းရှင်တွေက လာပြီး ထွက်ဆိုနေကြပါတယ်။

ဒီလို စီးပွားရေး ချင်း တိုက်ခိုက်နေကြရင် ကမ္ဘာ့ ဖွံ့ဖြိုးမှုကိုပါ ထိခိုက်မယ်လို့လည်း နိုင်ငံတကာ ငွေကြေး ရန်ပုံငွေ အဖွဲ့က သတိပေးနေပါတယ်။

ထရမ့်ရဲ့ အခွန်အတုပ်မူက ကိုယ်ကျိုးစီးပွား ကာကွယ်တဲ့ သူ့ရဲ့ စီးပွားရေး မူနဲ့ သွားနေတာမို့ လွတ်လပ်တဲ့ ကမ္ဘာ့ ကုန်သွယ်ရေး မူတွေနဲ့ သွားပြီး ထိခိုက်နေပါတယ်။

ခရစ်ရှမား ဗဆွာနီ၊ အာရှ စီးပွားရေး သတင်းထောက် သုံးသပ်ချက်

တရုတ်က အမေရိကန်ကို ကုန်သွယ်ရေးမှာသာ မရိုးမသား လုပ်တာ မဟုတ်ဘဲ တခြား နိုင်ငံတွေကိုပါ လုပ်နေတယ် ဆိုပြီး အထင်အမြင်က ဖြစ်နေတာ ကြာပါပြီ။

ထရမ့်ရဲ့ မူကို သဘောမတူကြပေမယ့် ဒီလို အခွန်တွေ တက်ပြတော့ တခြားနိုင်ငံတွေကလည်း သူတို့ မကျနပ်တာတွေကို ထုတ်ပြောလာကြပါတယ်။

ဒီပြသနာ ဇာစ်မြစ်က တရုတ်ပြည်က ဈေးကွက်ဖွင့်တာကို မပြည့်မစုံ လုပ်တာကြောင့် ဆိုပြီး တရုတ်ပြည် ဥရောပ ကုန်သည်ကြီးများ အသင်းက ဆိုပါတယ်။

တရုတ်ပြည်မှာတော့ ဒီလို ဝေဖန်မှုတွေကြောင့် အမျိုးသားရေးစိတ်တွေ ပိုပြင်းထန်လာပါတယ်။

အမေရိကန်ဟာ တရုတ်ပြည် ချမ်းသာလာတာကို မနာလိုလို့ ဒီလို ကုန်သွယ်ရေး စစ်ဆင်တာလို့ ယူဆနေသူတွေ များပါတယ်။

တရုတ်ကတော့ နောက်ပြန်မဆုတ်ဘဲ ရေရှည်စစ်အတွက် ပြင်နေပါပြီ။

နောက်ဆက်ဖြစ်နိုင်တာ

နောက်ထပ် ကုန်စည် တန်ဖိုး ဒေါ်လာ ၂၆၇ ဘီလျံ လောက်ကို ထပ်ပြီး အခွန်ကောက်မယ်လို့ ထရမ့်က ပြောနေပြန်ပါပြီ။ ဒါဆိုရင် တရုတ်ရဲ့ ပို့ကုန်အားလုံးကို ထိခိုက်ဖို့ ရှိနေပါတယ်။

တရုတ်ဘက်က အမေရိကန် ကန့်သတ်မှုကို ဘယ်လို တုံ့ပြန်မယ် ဆိုတာ မသိရသေးပါဘူး။

အမေရိကန်က တရုတ်ဘက်က ဝယ်တာက ရောင်းတာထက် ပိုများပါတယ်။ ဒါကြောင့် တရုတ်ဘက်က လက်တုံ့ပြန်ရာမှာ အကန့်အသတ် ရှိပါတယ်။

တရုတ် ပို့ကုန်တွေ ပိုတင်ပို့နိုင်အောင် ယွမ်ဈေးကို ချရတာမျိုး ဖြစ်လာနိုင်ပေမယ့် တရုတ်က သူတို့ ဒါမျိုး ဘယ်တော့မှ မလုပ်ဘူးလို့ ပြောဆိုနေပါတယ်။

BBC Burmese
https://www.bbc.com/burmese