နိုင်ငံတော် တည်ဆောက်ရေး အတွက် မရှိမဖြစ် လိုအပ်ချက် (၁)

ဒေါက်တာ ဖရန်စစ် ဖူကူယားမား (ဓာတ်ပုံ – Befortisnews)

နိုင်ငံတော် တည်ဆောက်ရေးဆိုသည်မှာ အစိုးရ အင်စတီကျူးရှင်းအသစ်များ ဖန်တီးပုံဖော်ရခြင်းနှင့် တည်ဆဲ အင်စတီကျူးရှင်းများ ခိုင်မာအောင် ဆောင်ရွက်ရခြင်းတို့ ဖြစ်သည်။ ဤသည်မှာ ယနေ့ ကမ္ဘာ့အသိုင်းအ၀ိုင်းအတွက် သေရေးရှင်ရေးတမျှ အရေးကြီးလှသော ပြသနာတရပ်လည်း ဖြစ်နေသည်။ အကြောင်းမူ ဆင်းရဲမွဲတေမှုနှင့် AIDS ရောဂါမှသည် မူးယစ်ဆေးဝါး မှောင်ခိုမှုနှင့် အကြမ်းဖက်ဝါဒအထိ ကမ္ဘာ့အဆိုးဝါး အပြင်းထန်ဆုံး ပြဿနာများထဲမှ တော်တော်များများ၏ ဇာစ်မြစ်များမှာ အားနည်းသောနိုင်ငံများ သို့မဟုတ် အရေးနိမ့် နိုင်ငံများနှင့် နီးနီးကပ်ကပ် ဆက်စပ်နေသောကြောင့် ဖြစ်သည်။

နိုင်ငံတော် တည်ဆောက်ရေးနှင့် ပတ်သက်လျှင် ကျွန်ုပ်တို့အနေနှင့် တော်တော်များများ သိထားသည့်တိုင် ကျွန်ုပ်တို့ မသိသေးသော အရာများလည်း မနည်းမနော ရှိနေဆဲဖြစ်သည်။ အထူးသဖြင့် ခိုင်မာအားကောင်းသော အင်စတီကျူးရှင်းများကို ဖွံ့ဖြိုးဆဲနိုင်ငံများသို့ မည်သို့ ရွှေ့ပြောင်း ပုံဖော်ကြရမည်ဆိုသည်နှင့် ပတ်သက်လျှင် မသိသေးသည်က များပါသည်။ အရင်းအမြစ်များ၊ လူများနှင့် နည်းပညာများကို ယဉ်ကျေးမှု နယ်နိမိတ်များ ဖြတ်ကျော်ပြီး မည်သို့ရွှေ့ပြောင်း ပုံဖော်ရမည်ကိုမူ ကျွန်ုပ်တို့ သိနားလည်ကြပြီး ဖြစ်သည်။ သို့တစေ ကောင်းစွာ အလုပ်ဖြစ်ရမည့် အစိုးရ အင်စတီကျူးရှင်းများ အနေနှင့် အခိုင်အမာ အကျင့်စရိုက်နှင့် စိတ်အခံများ လိုအပ်နေဆဲ ရှိသလို ရွှေ့ပြောင်း လှုပ်ရှားနိုင်စွမ်းကို ခုခံသလို ဖြစ်နေသည့် ရှုပ်ရှုပ်ထွေးထွေး နည်းလမ်းများဖြင့် လက်တွေ့ လုပ်ကိုင်ဆောင်ရွက်နေဆဲလည်း ရှိသည်။ ဤနယ်ပယ်နှင့် ပတ်သက်လျှင် ကျွန်ုပ်တို့အနေနှင့် ပို၍ တွေးတွေးဆဆ ရှိကြဖို့၊ ပို၍ အာရုံစူးစိုက်ကြဖို့၊ ပို၍ သုတေသနလုပ်ကြဖို့ အထူးလိုပါလိမ့်မည်။
နိုင်ငံတော်၏ အခန်းကဏ္ဍကို ကန့်သတ်ဖို့ သို့မဟုတ် လျှော့ချဖို့ထက် တည်ဆောက်ဖို့ကိုသာ ထိပ်တန်းဦးစားပေး အားပြုသင့်သည်ဆိုသော စဉ်းစားချက်မှာ တချို့ပုဂ္ဂိုလ်များအတွက် ထူးဆန်းကောင်း ထူးဆန်းနေပါလိမ့်မည်။ တချို့ကဆိုလျင် မလျော်ကန် မသင့်မြတ်သော အတွေးအမြင်ဟူ၍ပင် ယူဆကောင်း ယူဆကြပါလိမ့်မည်။ ထို့ထက် ပြီးခဲ့သော မျိုးဆက်အတွင်း ကမ္ဘာ့နိုင်ငံရေးကို လွှမ်းမိုးထားခဲ့သည့် တူရှုချက်မှာ “ကြီးမား သောအစိုးရ” ဆိုသည့်အပေါ် ဝေဖန်ဆန်းစစ်မှုများသာ ဖြစ်ခဲ့ရာ တက်ကြွထက်သန်သော လှုပ်ရှားမှုများကို နိုင်ငံတော်ကဏ္ဍမှ ပုဂ္ဂလိက ဈေးကွက်များ သို့မဟုတ် အရပ်ဘက် အဖွဲ့အစည်းများသို့ ပြောင်းရွှေ့နိုင်ရန် အားထုတ်ကြသည်များသာ ရှိခဲ့သည်။ သို့နှင့်တိုင် အထူးသဖြင့် ဖွံ့ဖြိုးဆဲကမ္ဘာတွင်မူ အားနည်းသော၊ စွမ်းဆောင်ရည် မပြည့်သော၊ (အစိုးရတရပ်အနေနှင့်) အမှန်တကယ် မရှိသော အစိုးရများသည်သာ ဆိုးရွားပြင်းထန်သော အခက်အခဲများ၏ ရေခံမြေခံဖြစ်ခဲ့ကြသလို ဆက်လက် ဖြစ်နေဆဲလည်း ဖြစ်သည်။
ဤအတွက် ဥပမာပြရလျင် အာဖရိက AIDS ရောဂါ ကပ်ဘေးကြီးကို ဖော်ပြလိုသည်။ ဤရောဂါဆိုးကြီးမှာ လူပေါင်း ၂၅ သန်းကျော်ကို ကူးစက်ပျံ့နှံ့လျက်ရှိရာ မယုံနိုင်လောက်သော သေကြေပျက်စီးမှုများနှင့် ရင်ဆိုင်ရဖို့ ရှိပါသည်။ အမှန်စင်စစ် AIDS ရောဂါကို ဖွံ့ဖြိုးပြီး နိုင်ငံများမှာလို “ဗိုင်းရပ်စ်ပေါက်ဖွားမှုကို ထိန်းချုပ်နိုင်သည့်ဆေးဝါး” (Anti-retroviral drug) များဖြင့် ထိန်းချုပ်ကုသနိုင်သည်။ အဆိုပါ AIDS ရောဂါဆေးဝါးများ ရရှိရန် နိုင်ငံတကာမှ ကူညီထောက်ပံ့ကြဖို့ တွန်းတွန်းတိုက်တိုက် တောင်းဆိုနေကြသည်များ ရှိသလို ဆေးဝါး ကုမ္ပဏီကြီးများကိုလည်း အာဖရိကနှင့် တတိယကမ္ဘာရှိ တခြားနိုင်ငံများတွင် ၄င်းတို့ထုတ်လုပ်သော ဆေးဝါးများကို ဈေးသက်သာစွာ ဈေးကွက်တင်ခွင့်ပြုဖို့ ဖိအားပေးကြသည်များလည်း ရှိသည်။
AIDS ပြဿနာမှာ တစိတ်တပိုင်းအားဖြင့် အရင်းအမြစ်ကိစ္စ ဖြစ်သော်လည်း တခြားအရေးကြီးသည့် အချင်းအရာတခုမှာ ကျန်းမာရေး အစီအစဉ်များကို စီမံခန့်ခွဲရမည့် အစိုးရ စွမ်းဆောင်ရည်ပင် ဖြစ်သည်။ ဗိုင်းရပ်စ် ပေါက်ပွားမှုကို ထိန်းချုပ်နိုင်သည့် ဆေးဝါးများမှာ ကုန်ကျစရိတ် များရုံမျှမက ဆေးထိုးဆေးတိုက်ရာတွင်လည်း ရှုပ်ထွေးမှုများ ရှိတတ်သည်။ တကြိမ်ထိုးရုံနှင့် ကိစ္စပြီးသော တခြားကာကွယ်ဆေးများနှင့် မတူ၊ အဆိုပါဆေးများကို အသုံးပြုရာတွင် အထိုက်အသင့် ရှည်ကြာသော အချိန်ကာလတခုအတွင်း ထွေးပြားသော ဆေးပမာဏကို ချိန်ဆပေးကြရသည်။ စနစ်တကျ အသုံးမပြုနိုင်လျင် HIV ရောဂါပိုးကို ဆေးယဉ်သွားစေပြီး လက်တွေ့အားဖြင့် ကပ်ရောဂါကို ပို၍ပင် အခြေအနေ ဆိုးသွားစေနိုင်သည်။
ထိရောက်သော ကုသမှုဖြစ်ဖို့အတွက် ခိုင်မာအားကောင်းသော လူထုကျန်းမာရေးဆိုင်ရာ အခြေခံ အဆောက်အအုံ၊ လူထုပညာရေးနှင့် အခိုင်အမာဒေသရှိ ရောဂါနှင့် ပတ်သက်သော ‘ကူးစက်ရောဂါ ပျံ့ပွားခြင်းနှင့် ကာကွယ်ခြင်း ဆိုင်ရာပညာရပ်’ အသိပညာများ ရှိဖို့လိုပါသည်။ ဆာဟာရတပိုင်း အာဖရိကရှိ နိုင်ငံအများစုမှာဆိုလျှင် အရင်းအမြစ်တချို့ ရှိသလောက် ရှိသော်လည်း ရောဂါကို ကုသကိုင်တွယ်ရမည့် အင်စတီကျူးရှင်း ဆိုင်ရာ စွမ်းဆောင်ရည်မှာကား အားနည်း လျှော့ပါးနေဆဲပင် ဖြစ်သည်။ (ယူဂန္ဓာလို နိုင်ငံတချို့အနေနှင့်မူ တခြား နိုင်ငံများထက်စာလျင် အထိုက်အသင့် ပိုကောင်းအောင် ဆောင်ရွက်နိုင်ပါသည်။) သို့အတွက် ကပ်ရောဂါ အန္တရာယ်ကို ရင်ဆိုင်ဖို့ဆိုလျှင် ရောဂါဆိုးကြီး ဖိစီးနှိပ်စက်ခံနေရသော နိုင်ငံများကို ၄င်းတို့ရနိုင်သော အရင်းအမြစ်များ အသုံးပြုနိုင်လောက်သည့် အင်စတီကျူးရှင်း ဆိုင်ရာ စွမ်းဆောင်ရည်များ ဖွံ့ဖြိုးလာစေဖို့ အကူအညီ ပေးကြရမည် ဖြစ်သည်။
ဆင်းရဲသော နိုင်ငံများရှိ နိုင်ငံတော် စွမ်းဆောင်ရည်ချို့တဲ့မှုမှာ ဖွံ့ဖြိုးပြီးကမ္ဘာအတွက် ပို၍ တိုက်ရိုက်သဘော ဆောင်သော ခြောက်လှန့်မှု ဖြစ်လာခဲ့သည်။ စစ်အေးတိုက်ပွဲ ဆုံးခန်းတိုင်သွားသည်က ဘော်လ်ကန်နိုင်ငံများမှ ကော့ကေးဆပ်ကို ကျော်ပြီး အရှေ့အလယ်ပိုင်း ဗဟိုအာရှနှင့် တောင်အာရှအထိ အပြန့်ကျယ်သော နယ်မြေကြီးတွင် အရေးနိမ့်နိုင်ငံ သို့မဟုတ် အားနည်းချည့်နဲ့သောနိုင်ငံ အမြောက်အများကို ချန်ထားရစ်ခဲ့သည်။ နိုင်ငံတော် ပြိုကွဲမှုများ သို့မဟုတ် အားနည်းချည့်နဲ့မှုများမှ အဓိကကျသည့် လူသားချင်း စာနာထောက်ထားမှု ဆိုင်ရာနှင့် လူ့အခွင့်အရေးဆိုင်ရာ အတိဒုက္ခများစွာကို ဖန်တီးပေးလိုက်သလို ဖြစ်ခဲ့ရသည်။ ၁၉၉၀ ပြည့်လွန် နှစ်များအတွင်း ဆိုမာလီယာ၊ ဟေတီ၊ ကမ္ဘောဒီးယား၊ ဘော့စနီးယား၊ ကိုဆိုဗိုနှင့် အရှေ့တီမော နိုင်ငံများမှာဆိုလျင် အဆိုပါ အတိဒုက္ခကြီး၏ သားကောင် ဖြစ်ခဲ့ရသူများမှာ ရာနှင့်ထောင်နှင့်ချီ ရှိခဲ့သည်။
အမေရိကန် ပြည်ထောင်စု အပါအ၀င် တခြားနိုင်ငံများ အနေနှင့် ဆိုခဲ့ပါပြဿနာများကို ဒေသတွင်းကိစ္စ အဖြစ်သာ ကာလတခုအထိ ဟန်ဆောင် ဖုံးကွယ်ထားခဲ့ကြသော်လည်း ဤကာလမှာ သိပ်ကြာလှသည်တော့ မဟုတ်ပါ။ စက်တင်ဘာ ၁၁ ရက် အကြမ်းဖက် တိုက်ခိုက်မှုကြီးက နိုင်ငံတော် အားနည်းချည့်နဲ့မှုသည်လည်း အလွန်ကြီးမားသော မဟာဗျူဟာ စိန်ခေါ်ချက်တရပ် ဖြစ်သည်ကို သက်သေပြလိုက်သလို ဖြစ်သွားခဲ့သည်။ အားနည်းချည့်နဲ့သော အုပ်ချုပ်ရေးက ဖန်တီးလိုက်သည့် ဆိုခဲ့ပြီးသော ပြဿနာ ၀န်ထုပ်ဝန်ပိုးကြီးကို ဗူးလေးရာ ဖရုံဆင့်စေလိုက်သည့် အဓိက လုံခြုံရေး မျက်နှာစာတရပ်လည်း ရှိပါသေးသည်။ အစွန်းရောက် အစ္စလာမ်မစ် အကြမ်းဖက်ဝါဒနှင့် အစုလိုက်အပြုံလိုက် သေကြေပျက်စီးနိုင်သော လက်နက်များ၏ အသင့်အသုံးချနိုင်စွမ်းတို့ ပေါင်းစည်းမိခြင်းဖြစ်သည်။
၉/၁၁ တိုက်ခိုက်မှုနောက်ပိုင်း စစ်ရေးလှုပ်ရှားမှုများ ပေါ်ထွက်ချိန်ရောက်တော့မှသာ အမေရိကအနေနှင့် အာဖဂန် နစ္စတန်နှင့် အီရတ်တို့၏ တိုင်းပြည် တည်ဆောက်ရေးနှင့် နိုင်ငံတော် တည်ဆောက်ရေးတို့ကို အဓိကကျသော တာဝန်ယူမှု အသစ်အဖြစ် သဘောယူလာခဲ့ခြင်း ဖြစ်သည်။ သို့နှင့်အမျှ နိုင်ငံတော် စွမ်းဆောင်ရည်နှင့် အင်စတီကျူးရှင်းဆိုင်ရာ ၀တ်လစ်စလစ် အနေအထားမှ မနည်းရုန်းထ အကောင်အထည်ဖော် ဖန်တီးနေရသော နိုင်ငံတော် တည်ဆောက်ရေး စွမ်းဆောင်မှုမှာ ထိပ်တန်းအဆင့် ကမ္ဘာလုံးချီ ခေါင်းစဉ်ထဲသို့ ရောက်ရှိလာခဲ့သည်။ နိုင်ငံတော် စွမ်းဆောင်ရည် တည်ဆောက်ရေးကိုလည်း ကမ္ဘာကြီး၏ အရေးကြီးသော နေရာများရှိ ဖြစ်တန်ရာ လုံခြုံရေးအတွက် အဓိကကျသော အခြေအနေတရပ်အဖြစ် ခံယူလာကြဟန် ရှိပါသည်။ သည်လိုနှင့် နိုင်ငံတော် အားနည်းချည့်နဲ့မှုမှာ အမျိုးသားရေးပြသနာ သက်သက်မျှမဟုတ်တော့ဘဲ မျက်မှောက်ခေတ် ကမ္ဘာ့အစီအစဉ်၏ ပထမဦးစားပေး နိုင်ငံတကာ ပြသနာတရပ် ဖြစ်လာခဲ့သည်။
အုပ်ချုပ်ရေးနှင့် ခေတ်မီရေး
အားနည်းသောနိုင်ငံများ၏ ပြဿနာနှင့် နိုင်ငံတော် တည်ဆောက်ရေးအတွက် လိုအပ်ချက်တို့ ရှိနေခဲ့သည်မှာ နှစ်ပေါင်းများစွာ ကြာခဲ့ပြီဖြစ်သည်။ စက်တင်ဘာ ၁၁ ရက် တိုက်ခိုက်မှုများမှာ အဆိုပါပြဿနာနှင့် လိုအပ်ချက်တို့ကို ပို၍ ထင်သာမြင်သာရှိအောင် ဖန်တီးလိုက်သလို ဖြစ်ခဲ့သည်။ အမှန်စင်စစ် ဆင်းရဲမွဲတေမှုမှာ အကြမ်းဖက်ဝါဒ၏ အနီးကပ်ဆုံး အကြောင်းရင်းခံ မဟုတ်ပါချေ။ ၉/၁၁ အကြမ်းဖက် လုပ်ကြံမှု၏ စည်းရုံးရေးမှူးများမှာ နှိုင်းယှဉ်ချက်အားဖြင့် တစုံတရာ ချမ်းသာကြွယ်ဝသော ဘ၀နောက်ခံမှ လာသူတွေသာ ဖြစ်သည်။ သူတို့တတွေ အကြမ်းဖက် အစ္စလာမ်မစ်ဝါဒ၏ တပ်သားသစ်များ ဖြစ်လာကြသည်မှာလည်း သူတို့ဇာတိနိုင်ငံများတွင် မဟုတ်။ အနောက်ဥရောပတွင် အဆင့်မြင့် ပညာရပ်များ သင်ယူနေစဉ်အတွင်း ဖြစ်သည်။
သို့တိုင်အောင် ဆိုခဲ့ပါ တိုက်ခိုက်မှုကြီးမှာ အနောက်အတွက်ကား ဗဟိုအချက်အခြာ ပြဿနာတရပ်ကို အလေးထား အာရုံစိုက်စေခဲ့သည်။ ခေတ်သစ်ကမ္ဘာကြီး အနေနှင့် ဆွဲဆောင်အား ကောင်းလှသော အထုတ်တထုတ်ကို ဆောင်ကြဉ်း ပေးလိုက်သလို ရှိခဲ့ပါသည်။ ဤအထုတ်ထဲတွင် ဈေးကွက်စီးပွားရေး၏ ရုပ်ပိုင်းဆိုင်ရာ ချမ်းသာကြွယ်ဝမှုကို လစ်ဘရယ် ဒီမိုကရေစီ၏ နိုင်ငံရေးနှင့် ယဉ်ကျေးမှုဆိုင်ရာ အမွေကောင်းနှင့် ပေါင်းစပ်ထည့် သိပ်ထားလေရာ ကမ္ဘာပေါ်ရှိ လူအများစုကြီးက လိုလားနှစ်သက်ခဲ့ကြသည်။ ရေကြည်ရာမြက်နုရာ ရွှေ့ပြောင်း နေထိုင်သူများနှင့် ဒုက္ခသည်များ၊ ဖွံ့ဖြိုးမှု နောက်ကျသော နိုင်ငံများမှ ပိုမိုဖွံ့ဖြိုးသော နိုင်ငံများသို့ အကြီးအကျယ် တဘက်သတ် ပြောင်းရွှေ့ စီးဝင်လာကြသည်မှာ မြင်သာထင်သာသော သာဓကပင် ဖြစ်ပါသည်။
ပြောကြစတမ်းဆိုလျင် လစ်ဘရယ်အနောက်၏ ခေတ်မီမှုကို ကမ္ဘာပေါ်ရှိ လူ့အဖွဲ့အစည်း တော်တော်များများတွင် အောင်မြင်ရရှိဖို့ဆိုသည်မှာ ခက်ခဲလှပါသည်။ ပြီးခဲ့သော မျိုးဆက်နှစ်ခုအတွင်း အရှေ့အာရှနိုင်ငံ တချို့အနေနှင့် အဆိုပါ အပြောင်းအလဲကို အောင်မြင်စွာ ဆောင်ရွက်နိုင်စဉ်မှာပင် ဖွံ့ဖြိုးဆဲကမ္ဘာမှ တခြားနိုင်ငံများမှာ အကျပ်အတည်း ဆိုက်လျက် ရှိနေခဲ့ကြသည်။ နိုင်ငံတချို့ဆိုလျင် ဤကာလအတွင်းမှာပင် နောက်ပြန် ဆုတ်ကုန်ကြသည်များပင် ရှိသည်။ ဤတွင် ပြဿနာရှိသော အမေးပုစ္ဆာတရပ် ပေါ်ထွက်လာပါတော့သည်။
“လစ်ဘရယ်အနောက်၏ အင်စတီကျူးရှင်းများနှင့် တန်ဖိုးများမှာ အမှန်တကယ် လောကလုံးသဘော ဆောင်ပါ၏လော …။ သို့တည်းမဟုတ် ဆမ်မျူရယ် ဟန်တင်တန် အခိုင်အမာဆိုသလို ‘ယဉ်ကျေးမှုများ တိုးတိုက်မိခြင်း’ ကို ကိုယ်စား မပြုပါသလော …။ သို့တည်းမဟုတ် အဆိုပါ အင်စတီကျူးရှင်းများနှင့် တန်ဖိုးများမှာ မြောက်ပိုင်းဥရောပ အခိုင်အမာ ဒေသများရှိ ယဉ်ကျေးမှုဆိုင်ရာ အကျင့်စရိုက်များ၏ အကျိုးရလဒ်မျှသာလော …” ဆိုသည့် ပြဿနာအမေးပုစ္ဆာကြီး ဖြစ်ပါသည်။ တကယ့်လက်တွေ့တွင်မူ အနောက်နိုင်ငံ အစိုးရများနှင့် နိုင်ငံစုံ ဖွံ့ဖြိုးရေး အေဂျင်စီများမှာ အသုံးတည့်သော အကြံဥာဏ်များ မပေးနိုင်ခဲ့ကြသလို ဖွံ့ဖြိုးဆဲနိုင်ငံများကိုလည်း ကူညီနိုင်စွမ်း ရှိခဲ့ကြသည် မဟုတ်ပါချေ။ ဤအချက်က အဆိုပါနိုင်ငံများနှင့် အေဂျင်စီများ အားပေးမြှင့်တင်ဖို့ နည်းလမ်းရှာနေကြသော မြင့်မားသည့် အဆုံးစွန် ရည်မှန်းချက်များကိုပင် အခြေမှ လှိုက်စားအားနည်း ချည့်နဲ့စေခဲ့ပေသည်။
နိုင်ငံတော်၏ အရွယ်အစားနှင့် သန်စွမ်းမှုတို့အပေါ် အခြေအတင် အငြင်းပွားမှုများဖြင့် ၂၀ ရာစုနိုင်ငံရေးကို အပြည့်အစုံ ပုံသွင်းခဲ့ကြသည်။ အဆိုပါ ၂၀ ရာစု၏ ကနဦးကာလကို ထိုစဉ်ကာလ ကမ္ဘာ့လစ်ဘရယ် နိုင်ငံတော်များ၏ ခေါင်းဆောင်ဟု ဆိုနိုင်သော ဂရိတ်ဗြိတိန်က “လစ်ဘရယ် နိုင်ငံတကာ အစီအစဉ်တရပ်” ဖြင့် ဦးဆောင်ခဲ့သည်။ ဗြိတိန်မှာရော တခြား ဥရောပထိပ်သီး နိုင်ငံများတွင်ပါ စစ်ဘက်မဟုတ်သော နိုင်ငံတော်လုပ် ဆောင်မှုများ၏ ‘နယ်ပယ်’ (Scope) မှာ နှိုင်းယှဉ်ချက်အားဖြင့် ခပ်ကျဉ်းကျဉ်းသာ ဖြစ်သည်။ အမေရိကန် ပြည်ထောင်စုမှာဆိုလျင် နိုင်ငံတော် လုပ်ဆောင်မှုများ၏ နယ်ပယ်ကို ပို၍ပင် ကျဉ်းကြုံ့ထားသည်။ သို့နှင့်တိုင် စစ်ပွဲ၊ တော်လှန်ရေး၊ စီးပွားပျက်ကပ်နှင့် နောက်တကြိမ်စစ်ပွဲတို့ကို ဖြတ်သန်းပြီးသော အခါတွင်ကား ဆိုခဲ့ပါ ကမ္ဘာ့အစီအစဉ်မှာ တစစီ ပြိုလဲပျက်စီးသွားပါလေတော့သည်။ ကမ္ဘာတ၀န်းမှ နိုင်ငံအများစုတွင် အရွယ်ပမာဏ အသေးဆုံး လစ်ဘရယ်နိုင်ငံတော်များမှာ ဗဟိုချုပ်ကိုင်မှု ပိုကဲသော ပို၍ တက်ကြွလှုပ်ရှားလာသော နိုင်ငံတော်များသို့ နေရာဖယ်ပေးလိုက်ရပါတော့သည်။
ဤတွင် လမ်းခွဲနှစ်ခုဖြင့် ဦးဆောင် တွဲခေါ်လာသော ဖွံ့ဖြိုးမှု ရေစီးကြောင်းတခု ပေါ်ထွက်လာပြီး အကြွင်းမဲ့ အာဏာရှင် နိုင်ငံတော်အဖြစ်သို့ ဦးတည်လာခဲ့သည်။ အဆိုပါ အကြွင်းမဲ့အာဏာရှင် နိုင်ငံတော်က အရပ်ဘက် အဖွဲ့အစည်းများကို လွတ်လပ်သော နယ်ပယ်အဖြစ်မှ လုံးဝဖျက်သိမ်းလိုက်ပြီး နိုင်ငံတော် ရည်မှန်းချက်များ၏ လက်အောက်ခံအဖြစ် သွတ်သွင်းပစ်လိုက်သည်။ ယုတ္တိသဘောအရ ပြောရလျင် ဆိုခဲ့ပါ လမ်းခွဲ နှစ်ခုလုံမှာ ဘာလင်တွင် လာဆုံပြီး ရပ်ဆိုင်းသွားခဲ့သည်ဟု ဆိုရပါလိမ့်မည်။ လက်ယာဂိုဏ်လမ်းခွဲမှာ ဘာလင်ရှိ ဟစ်တလာ ဘန်ကာကျအပြီး နာဇီ တတိယအင်ပါယာ ပြိုကျသွားသော ၁၉၄၅ ခုနှစ်တွင် နိဋ္ဌိတံသွားခဲ့သည်။ လက်ဝဲဂိုဏ်းလမ်းခွဲသည်လည်း ၁၉၈၉ ဘာလင်တံတိုင်း ပြိုကျချိန် အရှေ့ဥရောပနှင့် ယခင် ဆိုဗီယက်ယူနီယံ တလွှား ကွန်မြူနစ် စမ်းသပ်မှုများ စနစ်ကိုယ်တိုင်၏ ပင်ကိုယ် ပဋိပက္ခများမှလာသော ဒဏ်သင့်မှုအောက်တွင် ပြိုကွဲသွားသည်နှင့် နိဂုံးကမ္ပတ် အဆုံးသတ်သွားခဲ့သည်။
သို့နှင့်တိုင် ၂၀ ရာစု၏ ပထမ လေးပုံ သုံးပုံကို ပြန်ကြည့်လိုက်လျှင် အာဏာပိုင်စနစ် မကျင့်သုံးသော နိုင်ငံများတွင်လည်း နိုင်ငံတော်များ၏ အရွယ်အစား လုပ်ဆောင်မှုများနှင့် နယ်ပယ်တို့မှာ ကြီးထွား တိုးပွားလာသည်ကိုသာ တွေ့ရပါသည်။ ဆိုရလျှင် ဒီမိုကရေစီနိုင်ငံ အားလုံးနီးပါး ကျန်အတိုင်းပင် ဖြစ်ခဲ့သည်။ ၁၉၀၀ ပြည့်နှစ်က အနောက်ဥရောပနှင့် အမေရိကန် ပြည်ထောင်စုရှိ နိုင်ငံတော်ကဏ္ဍများ၏ အသုံးစရိတ်မှာ ယေဘုယျအားဖြင့် နှစ်စဉ် “စုစုပေါင်းပြည်တွင်း ထုတ်ကုန်တန်ဖိုး” (ဂျီဒီပီ) ၏ ၁၀ ရာခိုင်နှုန်းထက် မပိုခဲ့ပါ။ သို့တစေ ၁၉၈၀ ပြည့်လွန်နှစ်များသို့ ရောက်သောအခါ ၅၀ ရာခိုင်နှုန်းနီးပါးအထိ ရှိလာခဲ့သည်။ ဆိုရှယ်ဒီမိုကရက်တစ် ဆွီဒင်မှာဆိုလျင် ၇၀ ရာခိုင်နှုန်း အထိပင် ရှိသည်။
ဆိုခဲ့ပါ နိုင်ငံတော်ကဏ္ဍ ကြီးထွားမှုနှင့်အတူ ကျွဲကူးရေပါလာသော စွမ်းဆောင်ရည် အားနည်းမှုနှင့် မမျှော်လင့်သော အကျိုးဆက်များမှနေ၍ အားကောင်းသော တန်ပြန် ရေစီးကြောင်းတခုသို့ ဦးတည်လာခဲ့ပြန်သည်။ “သက်ချာဝါဒ” နှင့် “ရေဂင်ဝါဒ” တို့ ဖြစ်ပါသည်။ သည်လိုနှင့် ၂၀ ရာစု နောက်ဆုံးဆယ်စုနှစ်ခု၏ နိုင်ငံရေးတွင် လစ်ဘရယ် အတွေးအမြင်များ ပြန်လည် စန်းပွင့်လာခဲ့သည်။ ဖွံ့ဖြိုးပြီးကမ္ဘာရှိ နိုင်ငံအားလုံလောက်မှာပင် နိုင်ငံတော်ကဏ္ဍကို မှောက်လှန်ပြောင်းလဲဖို့ မဟုတ်လျှင်သော်မှ ထိန်းချုပ်ဖို့ ကြိုးစားလာခဲ့ကြသည်။ ကွန်မြူ နစ်ဝါဒ၏ အစွန်းအရောက်ဆုံး ပုံသဏ္ဍာန်ဟု ဆိုနိုင်သော စတာလင်ဝါဒ ပြိုလဲသွားမှုကလည်း ကွန်မြူနစ် မဟုတ်သော နိုင်ငံများ၏ နိုင်ငံတော်အရွယ်အစား လျှော့ချရေး လှုပ်ရှားမှုများအတွက် အပိုဆောင်းတွန်းအား ဖြစ်စေခဲ့သည်။
ရာစုအလယ်လောက်က “အကြွင်းမဲ့အာဏာရှင်စနစ်နှင့် ခေတ်သစ် ရွှေပြည်သာ နိုင်ငံများကြားတွင် အဆက်အစပ် ရှိနိုင်သည်” ဟု ဆိုခဲ့ဖူးသော သြစတြီးယန်း-အမေရိကန် ဘောဂဗေဒပညာရှင်နှင့် စံတော်ဝင် လစ်ဘရယ် တွေးခေါ်ရှင် “ဖရက်ဒရစ် အေ ဟေးရက်” မှာ လူသိရှင်ကြား ပုတ်ခတ်ခံခဲ့ရသည်။ သူကွယ်လွန်ပြီး ၁၉၉၂ ခုနှစ်သို့ ရောက်သော အခါတွင်ကား သူ့အမြင်သူ့အတွေးများကို အလေးထားလာကြရချေပြီ။ ဤသည်မှာ ကွန်ဆာဗေးတစ်နှင့် လက်ယာ အလယ်ဗဟိုပါတီများ အာဏာရလာသော နိုင်ငံရေးလောက တွင်သာမက ပညာတတ်လောကတွင်လည်း ဤအတိုင်းပင်ဖြစ်သည်။ ကျမ်းရိုးသစ် ဘောဂဗေဒသမားများမှာ လူမှုသိပ္ပံပညာ၏ ဦးစီး ဦးဆောင်များအဖြစ် အကြီးအကျယ် သိက္ခာတက်လာခဲ့ပါသည်။
နိုင်ငံတော်ကဏ္ဍ အရွယ်အစား လျှော့ချရေးမှာ ၁၉၈၀ ပြည့်လွန်နှစ်များ၏ အရေးကြီးသောနှစ်များနှင့် ၁၉၉၀ ပြည့်လွန်နှစ်များ၏ အစောပိုင်း ကာလအတွင်း ချမှတ်ကျင့်သုံးခဲ့ကြသော ပေါ်လစီများတွင် လွှမ်းမိုးထားသည့် အကြောင်းအရာ ဖြစ်သည်။ ဤကာလအတွင်းမှာပင် ယခင်ကွန်မြူနစ်လောက၊ လက်တင်အမေရိက၊ အာရှနှင့် အာဖရိကမှ အရောင်အသွေးစုံ နိုင်ငံတော်တော်များများမှာ အာဏာပိုင် အုပ်စိုးမှုအောက်မှ ရုန်းထွက်နိုင်ခဲ့ကြသည်။ ဤတွင် ယခင် ကွန်မြူနစ်နိုင်ငံဟောင်းများရှိ တခွင်တပြင်လုံး သဘောဆောင်သော နိုင်ငံတော် ကဏ္ဍကို သိသိသာသာ လျှော့ချဖို့ လိုသည်ဆိုသောအမြင်ကို ဘယ်သူကမှ စောဒကမတက်ခဲ့ကြပါ။ အမှန်စင်စစ် နိုင်ငံတော်ဖောင်းပွမှု၏ ဒဏ်သင့်မှုကို ခံခဲ့ရသည်မှာ ကွန်မြူနစ်နိုင်ငံများသာ မဟုတ်။ ကွန်မြူနစ် မဟုတ်သော ဖွံ့ဖြိုးဆဲနိုင်ငံများလည်း ခံခဲ့ရသည်သာ ဖြစ်သည်။
အဆိုပါတူရှုချက်ကို တုန့်ပြန်ရင်ဆိုင်နိုင်ရန်အတွက် အမေရိကန် ပြည်ထောင်စု အစိုးရနှင့် “နိုင်ငံတကာ ငွေကြေး ရန်ပုံငွေအဖွဲ့” (IMF လို၊ ကမ္ဘာ့ဘဏ်လို နိုင်ငံတကာဘဏ္ဍာရေး အဖွဲ့အစည်းများက အကြံဥာဏ်များ ပေးခဲ့ကြသည်။ ဤအကြံဥာဏ်များက စီးပွားရေးကိစ္စများတွင် နိုင်ငံတော်မှ ကြားဝင်စွက်ဖက်သည့် အတိုင်းအတာကို လျှော့ချဖို့ ရည်ရွယ်သည့် အစီအစဉ်များကို အလေးကဲ ဖော်ပြခဲ့ကြသည်။ ဆိုခဲ့ပါ အစီအစဉ်များထဲမှ ဖော်မြူလာတခုမှာ “၀ါရှင်တန် သဘောတူအမြင်” ဖြစ်သည်။ ဤအမြင်ကို ခံတွင်းမတွေ့သူများ (အထူးသဖြင့် လက်တင်အမေရိကမှ) ကမူ ‘လစ်ဘရယ်ဝါဒ အသစ်’ ဟု ရည်ညွှန်းပြောဆိုကြသည်။ မကြာလှသေးသောနှစ်များက အဆိုပါ ၀ါရှင်တန် သဘောတူအမြင်မှာ အကြီးအကျယ် တိုက်ခိုက်ခံခဲ့ရရာ ဤသို့ တိုက်ခိုက်ခဲ့ကြသူများမှာ ဂလိုဘယ်လိုက်ဇေးရှင်း ဆန့်ကျင်ကန့်ကွက် သူများသာမက ဘောဂဗေဒနယ်ပယ်တွင် အခိုင်အမာ နေရာရထားသော ပညာလောကမှ ဝေဖန်သူများလည်း ပါသည်။
ပြန်ပြောင်း ကြည့်လိုက်သောအခါ ၀ါရှင်တန် သဘောတူအမြင်မှာ သူ့ချည်းသက်သက်ဆိုလျင် မှားသည်ဟု မဆိုနိုင်ပါချေ။ ဖွံ့ဖြိုးဆဲ နိုင်ငံအများစုတွင် နိုင်ငံတော်ကဏ္ဍမှာ စီးပွားရေး တိုးတက်မှုအတွက် အမှန်ပင် အဟန့်အတား ဖြစ်ခဲ့သည်။ ရေရှည်တွင် စီးပွားရေး ဖြေလျှော့ခြင်းဖြင့်သာလျှင် ဤပြဿနာကို ချိန်ညှိနိုင်ပါလိမ့်မည်။ ပြဿနာမှာ အခိုင်အမာ နယ်ပယ်များရှိ နိုင်ငံတော်ကဏ္ဍကို လျှော့ချဖို့ လိုအပ်နေစဉ် တချိန်တည်းမှာပင် တခြားနယ်ပယ်များရှိ နိုင်ငံတော်ကဏ္ဍကို တောင့်တင်းခိုင်မာအောင်လုပ်ဖို့ လိုအပ်ချက်ပင်ဖြစ်သည်။ လစ်ဘရယ် စီးပွားရေး ပြုပြင်ပြောင်လဲမှုကို အားပေး မြှင့်တင်လိုသော ဘောဂဗေဒပညာရှင်များ အနေနှင့် ဤသည်ကို သီအိုရီသဘောအရ အပြည့်အ၀ နားလည်ကြသည်သာ ဖြစ်သည်။ သို့တစေ ဤကာလအတွင်း လက်တွေ့ ဆောင်ရွက်ရာတွင်မူ ‘နိုင်ငံတော် လုပ်ဆောင်မှုများ လျှော့ချရေး’ ကိုသာ အလေးကဲခဲ့ကြဟန် ရှိသည်။ ထို့ထက် အဆိုပါ ‘နိုင်ငံတော်လုပ်ဆောင်မှုများ လျှော့ချရေး’ ကို ‘နိုင်ငံတော် စွမ်းဆောင်ရည်အားလုံး ဖြတ်တောက်လျှော့ချရေး’ နှင့် ဗလုံးဗထွေး နားလည်ထားကြသည်များလည်း ရှိပါလိမ့်မည်။ ရိုးသားစွာ ရှုပ်ထွေးကြသည်များ ရှိနိုင်သလို ရည်ရွယ်ချက်ရှိရှိ နားလည်မှု လွဲသည်များလည်း ရှိကောင်းရှိပါလိမ့်မည်။
အမှန်စင်စစ် “နိုင်ငံတော် တည်ဆောက်ရေး” မှာ “နိုင်ငံတော် လျှော့ချရေး”လိုပင် အရေးကြီးသည်သာ ဖြစ်သည်။ သို့တစေ နိုင်ငံတော် တည်ဆောက်ရေးနှင့် ပတ်သက်လျှင် ထူးထူးခြားခြား စဉ်းစားတွေးခေါ်ခဲ့သည်များ မရှိသလို လုံလောက်စွာ အလေးထားမှုလည်း မရှိခဲ့ပါချေ။ အကျိုးဆက်ကား နိုင်ငံတော်တော်များများတွင် လစ်ဘရယ် စီးပွားရေး ပြုပြင် ပြောင်းလဲမှုများ အနေနှင့် ၄င်းတို့၏ ကတိတ၀တ်များကို လက်တွေ့ မဖြည့်ဆည်း နိုင်ခြင်းပင် ဖြစ်ပါသည်။ အထူးသဖြင့် ဘက်ပေါင်းစုံ ချို့တဲ့သော နိုင်ငံတချို့မှာဆိုလျင် သင့်တင့်လျှောက်ပတ်သော အင်စတီကျူးရှင်း မူဘောင်များ မရှိမှုကြောင့် မူလအခြေအနေထက်ပင် ပိုဆိုးသွားသည်များ ဖြစ်ခဲ့ရသည်။ တကယ့်ပြသနာမှာ “နိုင်ငံတော်ဖြစ်တည်မှု” ၏ မတူကွဲပြားသော မျက်နှာစာများကို အယူအဆ သဘောများအရ ရှင်းရှင်းလင်းလင်း ခွဲခြားသိမြင်နိုင်စွမ်း မရှိခြင်းပင် ဖြစ်သည်။ အဆိုပါ မျက်နှာစာများနှင့် စီးပွားရေး ဖွံ့ဖြိုးမှုတို့၏ အဆက်အစပ်ကို နားမလည်ခြင်းပင် ဖြစ်သည်။

(၂)
ဖွံ့ဖြိုးရေးတွင်ရှိသော နိုင်ငံတော်၏ အခန်းကဏ္ဍကို သရုပ်ခွဲ စိစစ်နိုင်ရန် နည်းလမ်းကောင်းတခုမှာ အမေးပုစ္ဆာတရပ်နှင့် စတင်ဖို့ ဖြစ်သည်။ “အမေရိကန်ပြည်ထောင်စုသည် အားကောင်းသော နိုင်ငံတော် ဖြစ်သလော၊ သို့မဟုတ် အားနည်းသော နိုင်ငံတော် ဖြစ်သလော”ဆိုသည့် အမေးပုစ္ဆာဖြစ်သည်။
ဤမေးခွန်းအတွက် ရှင်းလင်းတိကျသော အဖြေတခုမှာ “ဆေမွန် မာတင် လစ်ပ်ဆက်” (Seymour Martin Lipset) ကဲ့သို့သော သောတုဇနများမှ လာပါလိမ့်မည်။ မာတင် လစ်ပ်ဆက်၏ အလိုအရ အမေရိက၏ နိုင်ငံရေး အင်စတီကျူးရှင်းများမှာ နိုင်ငံတော်အာဏာ ကျင့်သုံးမှုကို အားနည်းစေရန် သို့မဟုတ် ကန့်သတ်ထားရန် ရည်ရွယ်ချက်ရှိရှိ ဒီဇိုင်းဆင်ထားသည်ဟု ဆိုသည်။ သမိုင်းကို ပြန်ကြည့်လိုက်လျှင် အမေရိကန်ပြည်ထောင်စုမှာ နိုင်ငံတော်အာဏာ ပိုင်စိုးမှုကို ဆန့်ကျင်သော တော်လှန်ရေးတရပ်မှ မွေးဖွားလာသည့် နိုင်ငံဖြစ်သည်။ ဤသမိုင်းနောက်ခံမှ ပေးလိုက်သော “နိုင်ငံတော်ဝါဒ ဆန့်ကျင်ရေး၊ နိုင်ငံရေးဓလေ့” က နိုင်ငံတော်အာဏာ ထိန်းချုပ်ကန့်သတ်ရေးကို အခိုင်အမာ ရပ်ခံထားသည်။ ဤအတွက် ထင်ရှားသည့် ဥပမာမှာ ပုဂ္ဂလိက အခွင့်အရေးများ၊ အာဏာခွဲဝေ ကျင့်သုံးရေး၊ ဖယ်ဒရယ်စနစ် စသည်များကို ရှင်းရှင်းလင်းလင်း အကာအကွယ် ပေးထားသော ဖွဲ့စည်းပုံအခြေခံဥပဒေဆိုင်ရာ အစိုးရပုံသဏ္ဍာန်မျိုးပင် ဖြစ်သည်။
မာတင်လစ်ပ်ဆက်က ဆက်လက် ထောက်ပြသည်မှာ အမေရိကအနေနှင့် နောက်ပိုင်းတွင် “ရွှေပြည်သာ နိုင်ငံတော်” တည်ဆောက်ခဲ့သည်မှာ မှန်သော်လည်း တခြားဖွံ့ဖြိုးပြီး ဒီမိုကရေစီနိုင်ငံများနှင့် နှိုင်းယှဉ်လျင် နိုင်ငံတော်အာဏာကို အများကြီး ကန့်သတ်ထားခဲ့သည်ဟု ဆိုပါသည်။ ဥပမာ အမေရိက တခွင်တပြင်လုံး သဘောဆောင်သော အမျိုးသား ကျန်းမာရေး စောင့်ရှောက်မှုစနစ် မရှိသည်မျိုး အလားတူ အမေရိကန် ဈေးကွက်မှာ ဥရောပ ဈေးကွက်များလောက် ထိန်းချုပ်မှုတွေ မများဟု ထောက်ပြသည်။ ထို့ထက် ၁၉၈၀ နှင့် ၁၉၉၀ ပြည့်လွန် နှစ်များအတွင်း ရွှေပြည်သာ နိုင်ငံတော်လမ်းကြောင်းကို ပြန်လည်ထိန်းချုပ် ဟန့်တားခဲ့ကြသည့် လှုပ်ရှားမှုတွင်လည်း အမေရိကန် ပြည်ထောင်စုမှာ ရှေ့ဆုံးတန်းမှ ပါဝင်ခဲ့သည်ဟု ဆိုသည်။
သို့တိုင် ဆိုခဲ့ပါမေးခွန်း၏ တခြားသော အဖြေအရမူ အမေရိကန် ပြည်ထောင်စုတွင် အလွန်သန်စွမ်းသော နိုင်ငံတော်တရပ် ရှိသည်ဟု အဓိပ္ပါယ်ရပါလိမ့်မည်။ အကျော်ဒေးယျ ဂျာမန်လူမှုဗေဒပညာရှင် “မက်စ် ၀က်ဘာ” (Max Weber) က “နိုင်ငံတော်” ဆိုသည်ကို ယခုလို အထင်အရှား အဓိပ္ပါယ်ဖွင့်ဆိုထားသည်။ “သတ်မှတ်ထားသော နယ်ပယ်ပိုင် နက်တခုအတွင်း ရုပ်ပိုင်းဆိုင်ရာ အင်အားကို တရားနည်းလမ်းကျစွာ အသုံးပြုနိုင်ရန် တဦးတည်းပိုင် လုပ်ပိုင်ခွင့်အာဏာကို အခိုင်အမာ (အောင်မြင်စွာ) ရယူထားသည့် လူသားအစုအဝေး တရပ်” ဟူ၍ ဖြစ်သည်။ ဤ အဓိပ္ပါယ်ဖွင့်ဆိုချက်အရ နိုင်ငံတော်ဖြစ်တည်မှု၏ အနှစ်သာရမှာ ဥပဒေအရ အာဏာတည်စေသည့် သဘောပင် ဖြစ်သည်။ နိုင်ငံတော်မှ ပြဌာန်းထားသော ဥပဒေများကို လူအများ လိုက်နာစေရန် ယူနီဖောင်းဝတ် တယောက်ကို သေနပ်တလက်နှင့် စေလွှတ်လိုက်သည့်သဘောဟု အခြေခံအားဖြင့် ဆိုနိုင်ပါလိမ့်မည်။
မက်စ် ၀က်ဘာ၏ ဆိုခဲ့ပါ ဖွင့်ဆိုချက်အရဆိုလျင် အမေရိကတွင် အထူးအားကောင်းသန်စွမ်းသော နိုင်ငံတော် တရပ် အမှန်ပင် ရှိသည်။ အမေရိက၏ နယ်ပယ်ပိုင်နက်တလွှား (ဒေသအဆင့် ဖြစ်စေ၊ ပြည်နယ်အဆင့် ဖြစ်စေ၊ ပြည်ထောင်စုအဆင့် ဖြစ်စေ) လိုအပ်သည်ထက်ပင် ပိုနေသော ရဲတပ်ဖွဲ့များနှင့် တခြားသော အေဂျင်စီများ ရှိသည်။ ၄င်းတို့ကပင် တာဝန်ယူ၍ ယဉ်စည်းကမ်းဥပဒေနှင့် ကူးသန်းရောင်းဝယ်ရေးဆိုင်ရာ ဥပဒေ ထ်ိန်းချုပ်မှုများမှသည် ရာဇ၀တ်ကျင့်ထုံးဆိုင်ရာ ဥပဒေ၊ နည်းဥပဒေများနှင့် နိုင်ငံသားအခွင့်အရေး ဥပဒေအထိ အရာအားလုံးကို အာဏာတည်စေရန် ဆောင်ရွက်ပေးပါသည်။
တနည်းဆိုလျှင် အမေရိကန်ပြည်ထောင်စုတွင် နိုင်ငံတော် လုပ်ဆောင်မှုများ၏ နယ်ပယ်ကို ဂရုတစိုက် ထိန်းချုပ်ထားသော ကန့်သတ်ထားသည့် အစိုးရတရပ် ရှိပေသည်။ သို့တစေ အဆိုပါ နယ်ပယ်အတွင်းတွင် မူနိုင်ငံတော်၏ လုပ်ပိုင်ခွင့် အာဏာမှာ ကြီးမားကျယ်ပြန့်လှသည်။ ဤလုပ်ပိုင်ခွင့်အာဏာမှာ စာရွက်ပေါ်တွင်သာ ရှိသည်မဟုတ်။ ဥပဒေများ၊ ပေါ်လစီများကို ဖန်တီးဖော်ထုတ်စေရုံမျှမက၊ တရားဝင်ဖြစ်စေလောက်သော သန်စွမ်းသည့် စွမ်းဆောင်ရည် အပြည့်ရှိသည်။ သို့နှင့်အမျှ အမေရိကန်နိုင်ငံသား တော်တော်များများဘက်တွင် နိုင်ငံတော်အာဏာပိုင်များ၏ စွမ်းဆောင်ရည်နှင့် စိတ်ခံစာမှုတို့နှင့် ပတ်သက်ပါက မှားသည်ဟု မဆိုနိုင်သော သံသယအမြင်အချို့ ရှိသလောက် ရှိနေခြင်းဖြစ်သည်။ အရပ်သုံးအမေရိကန် အင်္ဂလိပ်ဘာသာစကားတွင် ပြောလေ့ပြောထရှိသည့် စကားရပ်တခုရှိသည်။ “အစိုးရအလုပ်လို ထပ်တူနီးပါးစံနှုန်းနဲ့ အလုပ်တခု လုပ်ပြီးပါပြီ” ဆိုသော စကားဖြစ်သည် (ချီးကျူး အမွန်းတင် ပြောသည်မဟုတ်။ အငေါ်တူး၍ ပြောသည့်သဘော)။
မည်သို့ပင်ရှိစေ အမေရိကန်၏ တရားဥပဒေစိုးမိုးမှုမှာ ကျန်ကမ္ဘာ့နိုင်ငံ အများစုအတွက် မနာလိုချင်စရာ အားကျစရာ ဖြစ်သည်မှာကား အမှန်ပင်ဖြစ်သည်။ တိကျလွန်း၊ တင်းကျပ်လွန်း၍ မကျေမနပ် ညည်းညူ ပြောဆိုကြသည်များပင် ရှိသည်။ အမေရိကန်များက ဒေသဆိုင်ရာ မော်တော်ယဉ် အာဏာပိုင်များ၏ ဆက်ဆံ ပြုမူပုံနှင့် ပတ်သက်လျှင် မက္ကစီကိုစီးတီး သို့မဟုတ် ဂျကာတာတွင် ဒရိုင်ဘာလိုင်စင် ယူရသလို သို့မဟုတ် ယာဉ်လက်မှတ်ဝယ်ရသလို လွယ်ကူအဆင်ပြေစေရန် ကြိုးစားသင့်သည်ဟု ဆိုပါသည်။
သို့အတွက် ‘နိုင်ငံတော် လုပ်ဆောင်မှုများ၏ နယ်ပယ်’ နှင့် ‘နိုင်ငံတော်အာဏာ၏ သန်စွမ်းမှု’ ဆိုသည်ကို ခွဲခြားကြည့်မြင် သည်ကသာ အဓိပ္ပါယ်ရှိပါလိမ့်မည်။ ‘နိုင်ငံတော် လုပ်ဆောင်မှုများ၏ နယ်ပယ်’ ဆိုရာတွင် နိုင်ငံတော်က တာဝန်ယူ ဆောင်ရွက်သည့် အမျိုးမျိုးသော လုပ်ဆောင်မှုများနှင့် ရည်မှန်းချက်များကို ဆိုလိုသည်။ ‘နိုင်ငံတော်အာဏာ၏ သန်စွမ်းမှု’ ဆိုသည်မှာ နိုင်ငံတော်၏ ပေါ်လစီများ စီမံဆောင်ရွက်နိုင်စွမ်း၊ ဥပဒေများ ရှင်းရှင်းလင်းလင်းနှင့် ပွင့်လင်းမြင်သာစွာ ဖော်ထုတ်နိုင်စွမ်းတို့ကို ဆိုလိုရင်းဖြစ်သည်။ ယခုအခါ ‘နိုင်ငံတော် စွမ်းဆောင်ရည်’ သို့မဟုတ် ‘အင်စတီကျူးရှင်းဆိုင်ရာ စွမ်းဆောင်ရည်’ စသဖြင့် ရေဘုယျ ရည်ညွှန်းကြပါသည်။ နိုင်ငံတော်ဖြစ်တည်မှုနှင့် ပတ်သက်သော ကျွန်ုပ်တို့၏ နားလည်မှုတွင် ရှုပ်ရှုပ်ထွေးထွေး ဖြစ်နေရသည်မှာ ‘သန်စွမ်းမှု’ ဆိုသောဝေါဟာရကို ‘နယ်ပယ်’ ဆိုသော ဝေါဟာရနှင့်ရော ‘သန်စွမ်းမှု’ သို့မဟုတ် ‘စွမ်းဆောင်ရည်’ ဆိုသော ဝေါဟာရနှင့်ပါ ခွဲခြားမှုမရှိဘဲ ဗလုံးဗထွေး အသုံပြုနေခြင်းပင် ဖြစ်သည်။
နိုင်ငံတော်ဖြစ်တည်မှု၏ ဆိုခဲ့ပါ မျက်နှာစာနှစ်ရပ်ကို ခွဲခြားကြည့်မြင်ခြင်းဖြင့် ‘ကွန်ချာ’ တရပ် ဖန်တီးနိုင်စရာ ရှိပါသည် (အဆိုပါ မျက်နှာစာနှစ်ရပ်ကို X နှင့် Y ၀န်ရိုးအဖြစ်ယူပြီး ဂရပ်ဆွဲကြည့်ဖို့ ဖြစ်သည်)။ ဤသို့ ရရှိ လာသော ‘ကွန်ချာ’ က ကမ္ဘာပေါ်ရှိ အမျိုးမျိုးအထွေထွေသော နိုင်ငံများ၏ နိုင်ငံတော်ဖြစ်တည်မှုအဆင့် ဒီဂရီကို ခွဲခြားသိမြင်စေရန် အကူအညီ ပေးပါလိမ့်မည်။ ကျွန်ုပ်တို့အနေနှင့် နိုင်ငံတော်လုပ်ဆောင်မှုများ၏ နယ်ပယ်ကို ‘သန္တာန်တခု’ (X ၀န်ရိုး) ပေါ်တွင် အစဉ်အတိုင်း ခင်းကျင်းကြည့်နိုင်သည်။ လိုအပ်သော လုပ်ဆောင်မှုများနှင့် အရေးကြီးသော လုပ်ဆောင်မှုများမှ စတင်ကာ မိမိလိုလားသော၊ ရွေးချယ်ထားသော လုပ်ဆောင်မှုများအထိ စီစဉ်ခင်းကျင်းဖို့ ဖြစ်သည် (တချို့သော လုပ်ဆောင်မှုများမှာ ဆန့်ကျင်ဘက် အကျိုးဆက်များရှိနိုင်ပြီး ပျက်စီးဆုံးပါးမှုမျိုးပင် ဖြစ်ကောင်းဖြစ်နိုင်သည်)။ အစိုးရ လုပ်ဆောင်မှုများ (အထူးသဖြင့် ဓနခွဲဝေဖြန့်ဖြူးမှုနှင့် လူမှုရေး ပေါ်လစီလို ပြသနာများ) နှင့် ပတ်သက်လျင် အများညီ ဦးစားပေးအစီအစဉ်မျိုးကား ရှိနိုင်သည် မဟုတ်ချေ။
လူတော်တော်များများကမူ ‘ဦးစားပေး ထက်အောက် အစီအစဉ်’ မျိုး အတိုင်းအတာတရပ်အထိ ရှင်းသင့်သည်ဟု သဘောတူထားသည်။ လူတိုင်းရရှိခံစားနိုင်သော ကျန်းမာရေး အာမခံပေါ်လစီမျိုး၊ အခမဲ့ အဆင့်မြင့် ပညာရေးလို လုပ်ဆောင်မှုများ လုပ်မပေးနိုင်လျှင်သော်မှ နိုင်ငံတော်တရပ် အနေနှင့် ပြည်သူလူထုကို ပြင်ပ ကျူးကျော်မှုများမှ ကာကွယ်ပေးသင့်သည်၊ တည်ငြိမ်အေးချမ်းမှုကို ဖန်တီးပေးသင့်သည် စသဖြင့် သဘောယူ ကြသည်များ ရှိသည်။ ကမ္ဘာ့ဘဏ်မှ ထုတ်ပြန်ကြေငြာထားသော “၁၉၉၇ ကမ္ဘာ့ဖွံ့ဖြိုးမှု အစီရင်ခံစာ” က ဖြစ်နိုင်ခြေရှိသော နိုင်ငံတော် လုပ်ဆောင်မှုများ၏ စာရင်းကို ပြုစုပေးပါသည်။ ဤစာရင်းတွင် အနိမ့်ဆုံးလုပ်ဆောင်မှု၊ အလယ်အလတ် လုပ်ဆောင်မှုနှင့် အတက်ကြွဆုံး (အမြင့်ဆုံး) လုပ်ဆောင်မှုဟူ၍ အုပ်စုသုံးစု ခွဲထားသည်။ ဤစာရင်းမှာ ပြီးပြည်စုံပြီဟု အတိအကျ မဆိုသော်လည်း နိုင်ငံတော်လုပ်ဆောင်မှုများ၏ နယ်ပယ်ကို တွက်ချက် တိုင်းတာနိုင်ရန် အသုံးဝင်သော ‘စံသတ်မှတ်ချက်’ များ ပေးပါသည်။
မတူခြားနားသော နိုင်ငံအသီးသီးမှာ အနိမ့်ဆုံးလုပ်ဆောင်မှုမှ အမြင့်ဆုံးလုပ်ဆောင်မှုထိ စီစဉ်ခင်းကျင်း ထားသော ဆိုခဲ့ပါ ‘သန္တာန်’ တလျှောက် မတူသော နေရာအသီးသီးတွင် ရှိကြပါလိမ့်မည်။ ၄င်းတို့၏ အဆင့် နေရာများကို သတ်မှတ် ပေးသည်မှာ ၄င်းတို့ ရည်မှန်းချက် ဘယ်လောက်ကြီး မကြီးဆိုသော အချက်နှင့် ၄င်းတို့ အစိုးရများ ဘယ်လောက် အတိုင်းအတာထိ အောင်မြင် ရရှိလိုသည်ဆိုသော အချက်များအပေါ် မူတည်သည်။ တချို့သော နိုင်ငံများမှာ နိုင်ငံတော်ပိုင် စီးပွားရေးလုပ်ငန်းများလို၊ ရင်းနှီးမြှုပ်နှံမှုဆိုင်ရာ ချေးငွေများ ခွဲဝေသတ် မှတ်ရေးလို၊ ရှုပ်ထွေးသော အုပ်ချုပ်ရေးလုပ်ငန်းများကို ကြိုးစားနေကြသည့်တိုင် တရားဥပဒေ စိုးမိုးရေးလို၊ အခြေခံ အဆောက်အအုံများလို လူထု၏ အရင်းခံလိုအပ်ချက်များကို မဖြည့်ဆည်းနိုင် ဖြစ်နေကြသည်။ မည်သို့ပင် ရှိစေ တိုင်းပြည်အသီးသီးကို ၄င်းတို့ ရည်မှန်းချက်ထားသော အတိုင်းအတာအလျှောက် ‘သန္တာန်’ ပေါ်တွင် အစဉ်အတိုင်း ခင်းကျင်းဖော်ပြသည်ကသာ အကောင်းဆုံး ဖြစ်သည် (အဆိုပါသန္တာန်၊ တနည်း X ၀င်ရိုး၏ ဘယ်ဘက်ရောက်လေ နိုင်ငံတော် လုပ်ဆောင်မှု နယ်ပယ်သေးလေ၊ ညာဘက်ရောက်လေ နယ်ပယ်ကျယ်လေ ဖြစ်သည်)။
နောက်ထပ် ‘သန္တာန်’ တခု (Y ၀န်ရိုး) မှာ ပထမ ‘သန္တာန်’ (X ၀န်ရိုး) ပေါ် ထောင့်မတ်ကျကျ ရှိနေရမည်ဟု စဉ်းစားရပါမည်။ ဤ ‘သန္တာန်’ ကို နိုင်ငံအမျိုးမျိုးတို့၏ နှိုင်းရသန်စွမ်းမှု၊ တနည်း အင်စတီကျူးရှင်း ဆိုင်ရာ စွမ်းဆောင်ရည် တခုလုံးကို သတ်မှတ်ဖော်ပြဖို့ အသုံးပြုသည်။ ‘သန်စွမ်းမှု’ ဟု ဆိုရာတွင် အထက်တွင် ဖော်ပြပြီးခဲ့သည့်အတိုင်း ဥပဒေ၊ နည်းဥပဒေများ ပြုနိုင်စွမ်း၊ ပေါ်လစီများ ရေးဆွဲဆောင်ရွက်နိုင်စွမ်း၊ နှိုင်းရစွမ်း ဆောင်ရည်ဖြင့် အစိုးရလုပ်ငန်းများကို စီမံအုပ်ချုပ်နိုင်စွမ်း၊ အလွဲသုံးစားမှု၊ အဂတိလိုက်စားမှု၊ လာဘ်ပေးလာဘ် ယူမှုများကို ထိန်းချုပ်နိုင်စွမ်း၊ အစိုးရ အင်စတီကျူးရှင်းများတွင် အဆင့်မြင့် ပွင့်လင်းမြင်သာမှုနှင့် တာဝန်ခံမှု တို့ကို ထိန်းသိန်းနိုင်စွမ်း၊ (အရေးကြီးဆုံးမှာ) ဥပဒေများကို အာဏာတည်စေနိုင်စွမ်းတို့ အကျုံးဝင်သည်။
ဤနေရာတွင်လည်း နိုင်ငံတော်အင်စတီကျူး ရှင်းများ၏ သန်စွမ်းမှုကို တိတိကျကျ သတ်မှတ်နိုင်သော အများညီ စံကိုက်တိုင်းတာမှုမျိုး ရှိနိုင်သည်မဟုတ်ပါချေ။ ထို့ထက် နိုင်ငံတော်အင်စတီကျူးရှင်း အမျိုးမျိုးမှာ မတူခြားနားသော အဆင့်အသီးသီးဖြင့် ပြုမူလုပ်ဆောင်ကြသည်များလည်း ရှိတတ်ပါသည်။ ဥပမာ အီဂျစ်မှာဆိုလျင် နိုင်ငံတော် လုံခြုံရေးယန္တယားမှာ ရက်စက်စက်ကြီးကို ထိရောက်လှသည်။ သို့တစေ တခြားသောအစိုးရ အေဂျင်စီများမှာကား ဗီဇာလျှောက်ထားသည်မျိုးလို၊ စီးပွားရေး လုပ်ငန်းငယ်များအတွက် လိုင်စင်လျှောက်ရသည်မျိုးလို ရိုးရှင်းလွယ်ကူသော လုပ်ငန်းများကိုပင် ပုံမှန်အားဖြင့် အဆင့်ရှိရှိ စီမံခန့်ခွဲနိုင်စွမ်း မရှိပါချေ။ မက္ကစီကိုနှင့် အာဂျင်တီးနား အစိုးရများမှာ ဗဟိုဘဏ်လို နိုင်ငံတော် အင်စတီကျူးရှင်းများ ပြုပြင်ပြောင်းလဲရာတွင် ကျွမ်းကျင် လိမ္မာလှသည်ဟု သတင်းမွှေးပါသည်။ သို့တိုင်အောင် ဘဏ္ဍာရေးပေါ်လစီကို ထိန်းချုပ်ရာတွင် သော်လည်းကောင်း၊ အဆင့်မြင့် အစိုးရကျောင်းများနှင့် ကျန်းမာရေး စောင့်ရှောက်မှုစနစ်တို့တွင် သော်လည်းကောင်း ဤမျှ ကျွမ်းကျင်မှု မရှိလှဟု သိရသည်။ သို့အတွက် နိုင်ငံတော် စွမ်းဆောင်ရည်နှင့် ပတ်သတ်လျှင် ကျွန်ုပ်တို့အနေနှင့် ချောမွေ့သော ဖြစ်စဉ်ဖြစ်ရပ်ထက် မညီညာ မပြေပြစ်သော ဖြစ်စဉ်ဖြစ်ရပ်အဖြစ် မှတ်ယူစဉ်းစားအပ်ပါသည်။ နိုင်ငံတခုတည်းမှာပင်ဖြစ်စေ၊ တခုသော နိုင်ငံတော်လုပ်ဆောင်မှုရှိ စွမ်းဆောင်ရည်မှာ တခြားလုပ်ဆောင်မှု တခုရှိ စွမ်းဆောင်ရည်နှင့် အကြီးအကျယ် ကွာခြားတတ်သောကြောင့် ဖြစ်ပါသည်။
၁၉၉၀ ပြည့်လွန်နှစ်များအတွင်းက အင်စတီကျူးရှင်းများ၏ အရည်အသွေးကို ပြန်လည် အလေးထားလာကြရာ ယခုအခါ အဆိုပါကိစ္စနှင့် ဆီလျော်အပ်စပ်သော ညွှန်းကိန်းများ အမြောက်အများ ရှိနေပြီဖြစ်သည်။ ဤညွှန်ကိန်းများက နိုင်ငံများကို ထိရောက်စွမ်းဆောင်မှု အတိုင်းအတာအရ နေရာချ သတ်မှတ်နိုင်ရန် အကူအညီ ပေးနိုင်ပါသည်။ ၄င်းတို့ထဲမှ တခုမှာ ‘နိုင်ငံတကာ ပွင့်လင်းမြင်သာမှုအဖွဲ့’ မှ ပြုစုသော “Corruption Perception Index” ဖြစ်သည်။ ဤညွှန်ကိန်းမှာ နိုင်ငံအသီးသီးတွင် အလုပ်လုပ်နေကြသော စီးပွားရေးဘက်မှ ပုဂ္ဂိုလ်များ၏ ဖြေကြားချက်များဖြင့် ပြုစုထားသော စစ်တမ်း တခုကို အခြေခံသည်။
နောက်ထပ်ညွှန်ကိန်းတခုမှာ ပုဂ္ဂလိကပိုင်းမှ ပြုစုထားသော “International Country Guide” ဖြစ်ပါသည်။ ဤညွှန်ကိန်းက အဂတိလိုက်စားမှု၊ တရားဥပဒေစိုးမိုးမှုနှင့် တည်ငြိမ်မှု၊ ဗျူရိုကရေစီ အရည်အသွေးတို့ကို ကိန်းဂဏန်းများဖြင့် ဖော်ပြထားသည်။ ကမ္ဘာ့ဘဏ်အဖွဲ့ကြီးကလည်း မကြာသေးမီကပင် နိုင်ငံပေါင်း ၁၉၉ နိုင်ငံကို ကိုယ်စားပြုသည့် အုပ်ချုပ်ရေးစွမ်းရည်ဆိုင်ရာ ညွှန်ကိန်းတခု ထုတ်ပြန်ထားသည်။ ထို့အပြင် Freedom House က နှစ်စဉ် ထုတ်ပြန်လေ့ရှိသော စစ်တမ်းတခုလည်း ရှိပါသေးသည်။ ဤစစ်တမ်းက တကမ္ဘာလုံး အတိုင်းအတာ နိုင်ငံရေးဆိုင်ရာ အခွင့်အရေးများ၊ အရပ်ဘက် လွတ်လပ်မှုများ၊ အစိုးရပုံစံနှင့် လုပ်ငန်းစဉ်များကို စုစည်းဖော်ပြထားသည်။