အဖွဲ့များနှင့် ပြည်သူများက တောင်းဆိုနေကြသည်။
အားလုံးပါဝင်နိုင်သော ရွေးကောက်ပွဲ ဖြစ်စေရန် ဖွဲ့စည်းပုံ အခြေခံဥပဒေ ပြင်ဆင်ရေး သောင်မတင်ရေမကျ ဖြစ်နေချိန်တွင် လက်ရှိ အာဏာရပါတီဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီကလည်း လူထုကို ဆွဲဆောင်ရေးအတွက် ခါတော်မီ လုပ်ဆောင်ချက်များ စတင်နေသည်ကို မြင်ရသည်။ ယင်းအချိန်တွင် ပြည်သူလူထုအများ မေးခွန်းထုတ်နေသော လွှတ်တော် ကိုယ်စားလှယ်များ၏ ပိုင်ဆိုင်မှုကိစ္စနှင့် ပတ်သက်၍ ဒေါ်အောင်ဆန်းစုကြည်က တပ်လှန့်နှိုးဆော်လိုက်သည်။
မကြာသေးခင်က ကျင်းပသည့် အမျိုးသား ဒီမိုကရေစီ အဖွဲ့ချုပ် (NLD) ဗဟိုကော်မတီ အစည်းအဝေးတွင် NLD ကိုယ်စားလှယ်လောင်းများ အားလုံးသည် ယင်းတို့၏ မရွှေ့ပြောင်းနိုင်သည့်ပစ္စည်းများ၊ ယင်းတို့၏ ဇနီး၊ ခင်ပွန်းများ၏ မရွှေ့ပြောင်းနိုင်သည့်ပစ္စည်းများ၊ ယင်းတို့၏ အသက် ၁၈ နှစ်အောက် သားသမီးများ၏ အမည်နှင့်ရှိသည့် မရွှေ့ပြောင်း နိုင်သည့် ပစ္စည်းများစာရင်းကို တင်သွင်းရမည် ဖြစ်ကြောင်း၊ ဘဏ်အကောင့်ရှိပါကလည်း နံပါတ်ပေးရမည်ဖြစ်ကြောင်း၊ စီးပွားရေးလုပ်ငန်းများနှင့် ပတ်သက်မှု ရှိပါကလည်း တင်ပြရမည်ဖြစ်ကြောင်း ပြောဆိုလိုက်သည်။
၂၀၁၂ ခုနှစ်တွင် ပြည်ထောင်စု အစိုးရအဖွဲ့ဝင်များ၏ ပိုင်ဆိုင်မှုစာရင်း၊ လာဘ်ပေးလာဘ်ယူ တိုက်ဖျက်ရေး ကော်မတီဝင်များ၏ ပိုင်ဆိုင်မှုများ တင်ပြရန် လွှတ်တော်တွင် တင်ပြတောင်းဆိုမှုများ ရှိခဲ့သော် အကြောင်းအမျိုးအမျိုးပြ ကန့်ကွက်ခြင်း၊ လွှတ်တော်၌ မှတ်တမ်းတင်ရုံသာ ပြုလုပ်ခြင်းတို့ဖြင့် ပြီးခဲ့သည်။ သို့သော် ၂၀၁၃ ခုနှစ်တွင်မူ ဝတ်ကျေတမ်းကျေ အားဖြင့် ပြည်ထောင်စု ၀န်ကြီး၊ ဒုတိယ၀န်ကြီးနှင့် ဌာနဆိုင်ရာ အကြီးအကဲများ အားလုံးသည် တာဝန် စတင်ထမ်းဆောင်ချိန်မှ စတင်ပြီး ပိုင်ဆိုင်မှုစာရင်းကို သမ္မတ ဦးသိန်းစိန်ထံသို့ “အိတ်ပိတ်” ပေးပို့ခဲ့ကြရသည်။
စစ်ဘက်ရာထူးများမှ အရပ်ဖက် အစိုးရကဏ္ဍများသို့ ပြောင်းရွှေ့လာကြသည့် ဗိုလ်ချုပ်ကြီးဟောင်း၊ ဝန်ကြီးဟောင်းများနှင့် ၎င်းတို့၏ ဆွေမျိုးသားချင်းများသည် ယခင် စစ်အစိုးရလက်ထက်က နိုင်ငံ၏ သယံဇာတများ၊ စီးပွားရေး အခွင့်အလမ်းများကို လက်ဝါးကြီးအုပ်၍ ရရှိလာသော ရုပ်ဝတ္ထု ပိုင်ဆိုင်မှုများ၊ စီပွားရေးလုပ်ငန်းများ လက်ဝယ် ဆက်ရှိနေကြသည်မှာ ပြည်သူအများ သိထားပြီးသော လျှို့ဝှက်ချက်ဖြစ်သည်။
လက်ရှိ အာဏာရ ကြံ့ခိုင်ရေးပါတီနှင့် ပါတီဝင်များ၏ မရှင်းလင်းသော ပိုင်ဆိုင်ထားမှုများ၊ မေးခွန်းထုတ်ခံနေရသော စီးပွားရေးလုပ်ငန်းများနှင့် ပတ်သက်၍ ပွင့်လင်းမြင်သာမှု ရှိရန်လိုသည်။
တရားမျှတသည့် ရွေးကောက်ပွဲဖြစ်လာစေရန် ဖွဲ့စည်းပုံ အခြေခံဥပဒေ ပြင်ဆင်ရေး အတားအဆီးများ ဆက်ရှိနေခြင်း၊ ရွေးကောက်ပွဲ ကျင်းပရေး အစီအစဉ်များနှင့် ပတ်သက်၍ လုပ်ပိုင်ခွင့်များသည် အဂတိကင်းသည်ဟု ယူဆရန် ခက်ခဲသည့် ရွေးကောက်ပွဲ ကော်မရှင် လက်ထဲတွင် ရှိနေခြင်း၊ အတိုက်အခံ ပါတီများ၏ လုပ်ဆောင်နိုင်မှု အကန့်အသတ်များ ရှိနေခြင်းတို့ကြောင့် လူထုစိတ်ဝင်စားမှုနှင့် ယုံကြည်မှုတို့ ကျဆင်းနေသည်ကို တွေ့ရသည်။
ရွေးကောက်ပွဲနှင့် ပတ်သက်၍ နိုင်ငံတကာနှင့် ပြည်သူလူထုကို စတင်ဆွဲဆောင်ရန် အကောင်းဆုံး ခြေလှမ်းမှာ NLD က ချမှတ်လိုက်သော မူဝါဒကဲ့သို့ လက်ရှိ အာဏာရ ကြံ့ခိုင်ရေးပါတီအတွက် ရွေးကောက်ပွဲ ဝင်မည့်သူများသည်လည်း ထိပ်ဆုံးမှ အောက်ဆုံးအထိ ပိုင်ဆိုင်မှုများကို ထုတ်ဖော်ကြေညာရဲရန် လိုအပ်သည်။
ထို့သို့ ပထမဆုံး ခြေလှမ်းမှ စတင်၍ မလုပ်ဆောင်ဝံ့ဘဲ အနာဂတ် နိုင်ငံရေး အခင်းအကျင်းတွင် ကြံ့ခိုင်ရေး ပါတီသာ ဆက်လက်အုပ်စီးနေပါက ၂၀၁၀ ရွေးကောက်ပွဲကဲ့သို့ပင် မရိုးသားသော နည်းဖြင့် တက်လာသော အစိုးရဟူသော စွဲချက်တင်မှုကို ဆက်လက် တံဆိပ်ကပ်ခံရဖွယ် ရှိနေပေသည်။
Comments
Post a Comment