ကိုးလိုးကန္႔လန္႔ ျဖစ္ေနတဲ့ အေျခခံဥပေဒ ဇန္န၀ါရီ ၈

ဇန္န၀ါရီ ၈

ဒီမုိကေရစီ လမ္းေၾကာင္းမွာ ကိုးလိုးကန္႔လန္႔ ျဖစ္ေနတဲ့ ဖြဲ႔စည္းပံု အေျခခံ ဥပေဒကို ျပင္ဆင္တဲ့ မူၾကမ္းကိုိ မၾကာမီ က်င္းပျပဳလုပ္မယ့္ လႊတ္ေတာ္ အစည္းအေဝးမွာ ေဆြးေႏြးလိမ့္မယ္လို႔ ေမွ်ာ္လင့္ရပါတယ္။ ဦးသိန္းစိန္အစိုးရက ျပဳျပင္ေရး အစီအစဥ္လုပ္ၿပီး ေဒၚေအာင္ဆန္းစုၾကည္နဲ႔ NLD ပါတီကို ၾကားျဖတ္ေရြးေကာက္ပြဲ ဝင္ႏိုင္ေအာင္ လမ္းခင္းေပးခ်ိန္ကစၿပီး
အေျခခံဥပေဒ ျပင္ဆင္ေရးကို ေဆြးေႏြးၾကပါတယ္။ ၾကားျဖတ္ ေရြးေကာက္ပြဲၿပီးလို႔ တႏွစ္အၾကာ ၂၀၁၃ ေမလမွာ Sydney တကၠသိုလ္ဥပေဒဌာနက ႀကီးမွဳးၿပီး အေျခခံ ဥပေဒေရးရာ အလုပ္ရံု ေဆြးေႏြးပြဲကို ရန္ကုန္မွာ က်င္းပပါတယ္။ ၂၀၀၈ အေျခခံဥပေဒ ကိုးရိုးကားယား ျဖစ္ေနပံုကို ပညာရွင္ေတြက ေထာက္ျပပါတယ္။ အစိုးရဌာန (၆) ခု၊ ႏိုင္ငံေရးပါတီ (၉) ခု၊ တကၠသိုလ္ (၄) ခု၊ စာနယ္ဇင္း (၆) ခု နဲ႔ NGO အဖြဲ႔ (၁၄) ဖြဲ႔က ကိုယ္စားလွယ္ (၈၀) ေက်ာ္ ပါဝင္ေဆြးေႏြးၾကပါတယ္။

ဒီအလုပ္ရံု ေဆြးေႏြးပြဲၿပီးလို႔ (၂) လအၾကာ ၂၀၁၃ ဇူလိုင္လမွာ အေျခခံဥပေဒ ျပင္ဆင္ႏိုင္ေရး (၁၀၉) ဦး လႊတ္ေတာ္ေကာ္မတီကို ဖြဲ႔စည္းပါတယ္။ ၂၀၁၄ ေဖေဖၚဝါရီလေရာက္ေတာ့ ဖြဲ႔စည္းပံု အေျခခံဥပေဒ ျပင္ဆင္ႏုိင္ေရး အေကာင္အထည္ေဖာ္မႈ (၃၁) ဦး ေကာ္မတီကို ဖြဲ႔ပါတယ္။ ျပည္ခုိင္ၿဖိဳးပါတီက (၁၂) ဦး၊ စစ္တပ္ကိုယ္စားလွယ္ (၇) ဦး၊ NLD က (၂) ဦးနဲ႔ အျခားပါတီေတြရဲ ႔ ကိုယ္စားလွယ္ (၁၀) ဦး ပါဝင္ပါတယ္။

ဒီအေတာအတြင္း အေျခခံဥပေဒ ျပင္ဆင္ေရးအတြက္ NLD ပါတီက လက္မွတ္ေကာက္ယူရာမွာ လက္မွတ္ထိုး ေထာက္ခံသူ (၅) သန္းေက်ာ္၊ လူဦးေရရဲ ႔ (၁၀) ရာခိုင္ႏႈန္း ရရွိပါတယ္။ အေျခခံဥပေဒ အပိုဒ္ (၄၃၆) မွာ လႊတ္ေတာ္ကိုယ္စားလွယ္ (၇၅) ရာခိုင္ႏႈန္းေက်ာ္က ျပင္ဆင္ဖုိ႔ သေဘာတူၿပီး ျပည္လံုးကၽြတ္ ဆႏၵခံယူပြဲမွာ မဲေပးႏိုင္သူအားလံုးရဲ ႔ ထက္ဝက္ေက်ာ္ ေထာက္ခံမွသာ ျပင္ဆင္ႏိုင္မယ္လို႔ ဆိုပါတယ္။ ကိုယ္စားလွယ္ (၇၅) ရာခိုင္ႏႈန္းေက်ာ္ရရွိဖုိ႔ စစ္တပ္ကိုယ္စားလွယ္က ေထာက္ခံဖုိ႔ လုိေနပါတယ္။ NLD ကေတာ့ ျပည္သူ႔ကုိယ္စားလွယ္ကို ဦးစားေပးၿပီး ေရြးေကာက္တင္ေျမွာက္ခံရတဲ့ ကိုယ္စားလွယ္ဦးေရရဲ ႔ သံုးပံုႏွစ္ပံု (သို႔မဟုတ္) ျပည္ေထာင္စုလႊတ္ေတာ္ ကိုယ္စားလွယ္အားလံုးရဲ ႔ ထက္ဝက္ေက်ာ္က ျပင္ဆင္ဖို႔ သေဘာတူၿပီး ျပည္လံုးကၽြတ္ဆႏၵခံယူပြဲမွာ ထက္ဝက္ေက်ာ္ မဲေပးရင္ ျပင္ဆင္ဖို႔ အႀကံျပဳႏိုင္ေၾကာင္း သိရပါတယ္။

ဒါေပမဲ့ ကာခ်ဳပ္က ေစလႊတ္ထားတဲ့ စစ္တပ္ကိုယ္စားလွယ္ သေဘာတူမွ အေျခခံဥပေဒ ျပင္ဆင္ႏိုင္မွာျဖစ္တဲ့ ပုဒ္မ (၄၃၆) နဲ႔ မိသားစုထဲမွာ ႏိုင္ငံျခားသားရွိေနရင္ သမၼတ မလုပ္ရလို႔ ပိတ္ပင္ထားတဲ့ ပုဒ္မ (၅၉) ျပင္ဆင္ေရးကို စစ္တပ္ကိုယ္စားလွယ္ေတြက ဆန္႔က်င္ၾကပါတယ္။ ပုဒ္မ (၅၉) ကို မျပင္ႏိုင္ေရင္ ေဒၚေအာင္ဆန္းစုၾကည္လည္း သမၼတျဖစ္ႏိုင္ဖို႔ အလားအလာ မရွိပါဘူး။ ပုဒ္မ (၅၉) ကို ျပင္လိုသူ (၅) ဦးသာ (၃၁) ဦး ေကာ္မတီထဲမွာ ရွိပါတယ္။ ျပင္ဆင္ေရးကိစၥ ေအာင္ျမင္ဖို႔ သမၼတနဲ႔ ကာကြယ္ေရးဦးစီးခ်ဳပ္မွာ မူတည္တယ္လို႔ ဦးေရႊမန္း က ႏိုဝင္ဘာလ (၁၈) ရက္ေန႔ ေျပာဆိုပါတယ္။ ဦးသိန္းစိန္ကေတာ့ အေျခခံဥပေဒ ျပင္ဆင္ေရးကိစၥမွာ လႊတ္ေတာ္ဟာ တာဝန္အရွိဆံုးလုိ႔ ဗီြအိုေအနဲ႔ ေတြ႔ဆံုေမးျမန္းခန္းမွာ အတိအလင္း ေျပာဆိုခဲ့ပါတယ္။ ဒီကိစၥကုိ ေခါင္းေဆာင္ေတြ ေတြ႔ဆံုေဆြးေႏြးဖို႔ ခက္ခဲေနပါတယ္။

ကာကြယ္ေရးဦးစီးခ်ဳပ္ ဗိုလ္ခ်ဳပ္မွဴးႀကီး မင္းေအာင္လိႈင္ကလည္း ပုဒ္မ (၄၃၆) နဲ႔ (၅၉) ကို မျပင္ႏုိင္ေၾကာင္း ဗီြအိုေအနဲ႔ ေတြ႔ဆံုေမးျမန္းခန္းမွာ ေျပာသြားပါတယ္။ ဒါေၾကာင့္ စစ္တပ္ကိုယ္စားလွယ္ေတြကလည္း ဒီအတိုင္း ရပ္တည္ၾကတာ ျဖစ္ပါတယ္။ ၂၀၀၈ အေျခခံဥပေဒမွာ သတ္မွတ္ထားတဲ့အတိုင္း လႊတ္ေတာ္မွာ ျပင္ဆင္ၾကဖို႔ ဦးသိန္းစိန္က ေျပာသြားပါတယ္။ စစ္တပ္ကိုယ္စားလွယ္ သေဘာမတူရင္ အေျခခံဥပေဒကို မျပင္ႏိုင္ေအာင္ လုပ္ထားတာဟာ စစ္တပ္ကို တုိင္းသူျပည္သား အထင္မွားေအာင္လုပ္တဲ့ သေဘာျဖစ္ေနလို႔ ပုဒ္မ (၄၃၆) ကို ျပင္ဆင္ဖို႔ စစ္တပ္ဖက္က လို္က္ေလ်ာသင့္တယ္လို႔ ျပည္ခုိင္ၿဖိဳး ကိုယ္စားလွယ္ အၿငိမ္းစားဗိုလ္မွဳးႀကီး ဦးစံျပည္ က လႊတ္ေတာ္မွာ ေဆြးေႏြးသြားပါတယ္။ စစ္တပ္ကို ျပည္သူေတြ ယံုၾကည္ေလးစားေအာင္ ျပည္သူ႔ကုိယ္စားလွယ္ေတြကို အႏုိင္မက်င့္ဖို႔ သတိေပးလိုက္တာ ျဖစ္ပါတယ္။

အေျခခံဥပေဒမူၾကမ္းကို ၂၀၀၈ ဧၿပီလ (၉) ရက္ေန႔မွာ စစ္အစိုးရက ထုတ္ျပန္ေၾကညာခဲ့ၿပီး (၂၁) ရက္မွာ နာဂစ္မုန္တိုင္းဒဏ္ေၾကာင့္ ဧရာဝတီျမစ္ဝကၽြန္းေၚမွာ လူဦးေရ တသန္းခြဲ ေသဆံုးၿပီး ႏွစ္သန္းခြဲ ဒုကၡေရာက္ခဲ့သြားပါတယ္။ မုန္တုိင္းက်ၿပီး တပတ္အၾကာမွာ ျပည္သူ႔ဆႏၵေကာက္ယူပြဲကို မျဖစ္မေန က်င္းပၿပီး (၉၀) ရာခိုင္ႏႈန္းေက်ာ္ ေထာက္ခံတယ္လို႔ ေၾကညာပါတယ္။ ဦးသန္းေရႊအဖို႔ အရပ္သားေတြ ေသေက်ၿပီး ဒုကၡေရာက္ခဲ့တာ အေရးမႀကီးဘဲ အေျခခံဥပေဒကို အတည္ျပဳဖို႔သာ အေရးႀကီးေနပါတယ္။

ျပည္ေထာင္စုလႊတ္ေတာ္ ေပၚေပါက္လာတဲ့အခါ ကိုယ္စားလွယ္ (၈၂) ရာခိုင္ႏႈန္းဟာ ဘြဲ႔ရသူေတြ ျဖစ္ေနပါတယ္။ လႊတ္ေတာ္ဥကၠ႒ ႏွစ္ဦး အပါအဝင္ ဒီလို ပညာတတ္ကိုယ္စားလွယ္ေတြထဲမွာ ေျပာင္းလဲလာတဲ့ အေျခအေနနဲ႔ မကိုက္ညီေတာ့တဲ့ ၂၀၀၈ အေျခခံဥပေဒကို ျပင္ဆင္လိုသူေတြ ရွိပါတယ္။ ျပဳျပင္ေရးမွာ ကိုးလုိ႔ကန္႔လန္႔ ျဖစ္ေနတဲ့ အေျခခံဥပေဒကို မျပင္ႏုိင္ရင္ အနာဂတ္အလားအလာ မေကာင္းတာကို သိၾကပါတယ္။ မတူညီရင္ ဖယ္ထုတ္တဲ့နည္းလမ္းကို စြန္႔ပစ္ၿပီး ေစ့စပ္ေဆြးေႏြးၿပီး အေျဖရွာတဲ့ ႏိုင္ငံေရးဓေလ့ကို က်င့္သံုးေနပါတယ္လို႔ ႏွစ္ဆန္း (၁) ရက္ေန႔ မိန္႔ခြန္းမွာ သမၼတဦးသိန္းစိန္ ေျပာသြားေပမယ့္ လက္ေတြ႔ အေကာင္အထည္ ေဖာ္ဖုိ႔ၾကေတာ့ အလြန္ခက္ခဲေနပံု ရပါတယ္။

ဦးေအာင္ခင္, ေက်ာ္ေက်ာ္သိန္း / ဗြီအုိေအ (ျမန္မာပုိင္း)
http://burmese.voanews.com/content/weekly-analysis-constitutional-crisis/2588095.html

မွတ္ခ်က္ေရးသားလုိတဲ့ စာဖတ္ပရိတ္မ်ား ေတာင္းဆုိခ်က္အရ ဖြင့္ေပးလုိက္ပါျပီ။ မွတ္ခ်က္မ်ား ေရးသားႏုိင္ပါျပီ။

Links to this post

Create a Link

အသစ္ တင္သမွ် သတင္းမ်ား အလို အေလွ်ာက္ပုိ ့ ေပးပါမည္

တိုင်းရင်းသားပါတီတွေနဲ့ အပြိုင်ကြဲရမယ့် ပြည်နယ် ၇ ခု

၄ နိုဝင်ဘာ ၂၀၂၀ ဓာတ်ပုံ ရင်းမြစ်, SNLD ဓာတ်ပုံ ပုံစာ, SNLD ထောက်ခံသူများ မဲဆွယ် လှည့်လည့်စဥ် မြန်မာနိုင်ငံက တိုင်းရင်းသားတွေ အများစုနေထိုင်ကြတဲ့ ပြည်နယ် ၇ခု က အမျိုးသားလွှတ်တော်နဲ့ ပြည်သူလွှတ်တော် မဲဆန္ဒနယ် ၁၈၀ ကျော်ဟာ ပါတီတစ်ရပ် အစိုးရဖွဲ့နိုင်ရေး အဆုံးအဖြတ်အတွက် အရေးပါတဲ့ မဲဆန္ဒနယ်တွေဖြစ်ပါတယ်။ လက်ရှိ မြန်မာ့နိုင်ငံရေးရေချိန် အရ ၂၀၁၅ တုန်းကလို ပြည်နယ်တွေမှာ အာဏာရပါတီ အနိုင်မရနိုင်တော့ဘူးလို မှန်းဆမှုတွေရှိပြီး ဒေသတွင်းအားကောင်းတဲ့ တိုင်းရင်းသားပါတီတွေ စုစည်း ပြိုင်ဆိုင်လာမှုကြောင့် ၂၀၂၀ ရွေးကောက်ပွဲမှာ မဲတွေကွဲခဲ့ရင်တော့ လွှတ်တော်ထဲကို အသင့်ရောက်နေတဲ့ တပ်မတော်သား ကိုယ်စားလှယ်တွေ နဲ့ မိတ်ဖက် ကြံ့ခိုင်ဖွံ့ဖြိုးရေးပါတီအတွက် ပြည်နယ်မဲတွေဟာ အခွင့်အလမ်းဖြစ်နိုင်တယ်လို့ သုံးသပ်မှုတွေရှိနေပါတယ်။ ဓာတ်ပုံ ရင်းမြစ်, SAIONE LENG KHAN ဓာတ်ပုံ ပုံစာ, ကိုယ်စားလှယ်လောင်း ၁၃၀ ကျော်နဲ့ ရှမ်းပြည်နယ်အတွင်း မြို့နယ် အတော်များများမှာ SNLD ဝင်ရောက်ယှဉ်ပြိုင် ချင်း၊ ကချင်၊ ကရင် နဲ့ မွန် တို့မှာ ဒေသခံတိုင်းရင်းသားပါတီတွေ ပေါင်းစည်းပြီး ၂၀၂၀ ရွေးကောက်ပွဲကို ဝင်ပြိုင်ကြသလို ကယား၊ ရခိုင်နဲ့ ရှမ်းတို့မှာလည...

NLD Solidarity Association (Australia)

Search This Blog