ဧရာဝတီတိုင်းအစိုးရအဖွဲ့ဟောင်း လွှဲအပ်ရန်ကျန်သည့် ရန်ပုံငွေ ကျပ် ၅ ဘီလီယံကျော် ဩဂုတ်လအတွင်း ပြန်ပေးမည်
ပြီးခဲ့သည့် ငါးနှစ်တာကာလအတွင်းက ရရှိထားသည့် ဧရာဝတီတိုင်းအစိုးရရန်ပုံငွေများမှ ယခုအစိုးရသို့ လွှဲအပ်ရန်ကျန်ရှိသည့် ကျပ် ၅ ဒသမ ၂ ဘီလီယံကို ဩဂုတ်လဆန်းပိုင်းအတွင်း နောက်ဆုံးထား လွှဲအပ်မည်ဖြစ်ကြောင်း ဧရာဝတီပညာရေး၊ ကျန်းမာရေးနှင့် ဘက်စုံဖွံ့ဖြိုးတိုးတက်ရေးဖောင်ဒေးရှင်းထံမှ သိရသည်။ ၂၀၁၀ မှ ၂၀၁၅ ခုနှစ်အထိဆောင်ရွက်ခဲ့သည့် ဧရာဝတီတိုင်းအစိုးရဟောင်းအနေနှင့် လွှဲအပ်ရန် ကျန်ရှိနေသေးသည့် ငွေကြေးများကို ဩဂုတ်လအတွင်း ပြန်လည်ပေးအပ်မည်ဆိုသည်ကို ဇူလိုင် ၁၃ ရက်နေ့က အကြောင်းကြားစာ ပေးပို့ထားပြီးဖြစ်ကြောင်း ယင်းဖောင်ဒေးရှင်းထံမှ သိရသည်။ “မြန်မာနိုင်ငံသားများဖြစ်တဲ့ ကျွန်တော်တို့အနေနဲ့ နိုင်ငံတော်သမ္မတ ရုံးရဲ့ညွှန်ကြားချက်ကို လိုက်နာရမှာဖြစ်ပါတယ်။ ဒေသဖွံ့ဖြိုးရေးအတွက် စီစဉ်ခဲ့တာပါ။ ဒီဖောင်ဒေးရှင်းကလည်း ဒေသဖွံ့ဖြိုးရေးအတွက်ပဲ လုပ်ခဲ့ပါတယ်။ ငွေစာရင်းတွေ အသင့်လုပ်ပြီးပြီ၊ ဘဏ်တွေကနေ ငွေလွှဲပြောင်းလုပ်တာမှာတော့ လက်ရှိအစိုးရအဖွဲ့ အကြောင်းပြန်ကြားတာကို စောင့်နေပါတယ်”ဟု ဧရာဝတီ ပညာရေး၊ ကျန်းမာရေးနှင့် ဘက်စုံဖွံ့ဖြိုးတိုးတက်ရေးဖောင်ဒေးရှင်း အတွင်းရေးမှူး ဦးကြည်အောင်က ရှင်းပြပြောဆိုသည်။ သမ္မတရုံးညွှန်ကြား...